مطلوب معلومات عن فولفو S80 2.4 موديل 2000

بليزر78 @user_37286 · 19-11-2006

السلام عليكم ورحمه الله وبركاته

اخواني اعضاء منتدى السيارات

شريت سياره مستعمله بالطبع موديل 2000
نوع فولفو S80 2.4

المهم اللي خلاني اتحمس للسياره رخص سعرها بالمقارنه مع المميزات اللي فيها

طبعا رخص سعرها بناء على مافيها من بلاوي لووووووول
المهم الله يعطينا خيرها ويكفينا شرها

اول شي ودي بمعلومات كامله عن السياره
لان فيه واحد قال لي انها خمسه سلندر معقولــــــــــــــــــــــــــــــــــــــــــــه ؟ عاد حلو نوفر بنزين :) لانه بعد مكتوب على اجناب السياره v8

عاد انا مو اكبر همي اهم شي سياره تمشيني وترجعني

ابغى اعرف مواصفاتها وخصائصها

ثاني شي السياره غاليه في الصيانه وانا عارف هالشي

وعندي كم سؤال

كل مااركب في السياره وهي طافيه
اسمع صوت ازيز مادري انين زززززززززززززززززززززززززززززز كان فيه جهاز شغال مع ان السياره طافيه
وشو هالشي الله اعلم
مع اني اول ماشريتها ماكان فيها هالشي
وحصل مره اني ضغطت زر من ازرار لوحه التحكم الخاصه بالمكيف اللي مكتوب عليه AUTO وسكت هالصوت
لكنه رجع مع التشغيل الثاني ومهما ضغطت من ازرار عيا يعقل ====== طلبناك ياجاكي شان

المهم السياره مكينتها نظيفه بس يبغى لها وزن يقولون بلوف مادري بلفات ======= ودي واحد يشرح لي وش هالبلفات ووش فائدتها وكم بيكلف وزنيتها عند مكان مختص
اممممممم وش كمان

ايه فيه صوت بدا يظهر الان اثناء مسك الفرامل على خفيف مثل الفحيح احيانا يجي واحيانا يروح ====== هلا والله

اكلت هواء ========= الله يعينك

المهم بعد ودي اسئل عن قيمه اللبمات الضبابيه اللي اسفل السياره في الوكاله بكم مع اسطباتها
وكم قيمه اللمبات الاماميه ======= مو الاسطبات

وهل الزاهد يقوم بفحص السياره مجانا ولا لازم ادفع له بحكم انه يعمر وقاصر عليه فلوس الله يزيده

وشاكر لكم حسن ضيافتكم واستقبالكم وبيض الله وجيهكم

بليزر78 @user_37286 صاحب الموضوع · 07-01-2007

بااااااااااااااااااااااااااااك
يالله حي الشباب
ويازينكم على هالتفاعل الحلو =====> صاحب الموضوع هو البليد

المهم اقول لكم بعد شهرين تقريبا من قياده السياره
لازالت السياره ممتازه جدا
وبالنسبه للمشاكل اللي ذكرتها فوق
الازيز اللي قلت لكم يطلع قبل تشغيل السياره
هذا تبع الريموت اول ماتفتح الابواب بالريموت وتركب بالسياره يجلس شغال يمكن دقيقه بعدين يطفا يعني مو مشكله وصوته ابدا مو مزعج

بالنسبه للفحيح اللي قلت لكم عليه طبعا طلع تغيير فحمات
احيييييييييييييه لو فيه فحمات تشليح كان شريت ====> عقلوه لايجيب العيد

رحت محل فولفو تجاري في الصناعيه القديمه في الرياض قالوا ب150 وبتجينا بعد شهر ====> هين اجيكم بعد شهر امدا الهوبات راحت في خرايطها

المهم واسوي فيها واروح وكاله الزاهد لقطع الغيار
قالوا ب460 ريال بس =====> ليتكم شفتوا وجهه يوم سمع السعر
والاماميه ب 500ريال وعليها مادري كم =====> طبعا انا حبيت اسئل عن الاماميه من باب العلم بالشي علما بانها في المحل الاول اللي يبيع قطع فولفو تجاري ب 250ريال

المهم يابو خفضوا لنا
قالوا وين بتصلحها قلت في اي ورشه
قالوا تبغى ورشه اللي فيها كانوا شغالين في الزاهد واللحين عندهم ورشه خاصه بفولفو
قلت اي والله
قالوا اجل بنسوي لك تخفيض عشرين في المائه اذا رحت ورشه النصيب ( ورشه مقابل ميزان العضيب في الصناعية القديمه مختصه بسيارات فولفو ويوجد هناك بعد ورشتين بس هذي لها عشرين بالمائه خصم على قطع فولفو من الزاهد وعلى كلام حقين الزاهد يقولون كانوا الباكستانيين اللي فيها شغالين في الزاهد -الله اعلم-) المهم وينخفض السعر الى 368 اشوا ارخص شوي
واروح الورشه الا كلها سيارات فولفو
ولهم مخرطتهم الخاصه
واسعارهم جدا معقوله
مقارنه باسعار الورش ====== ناهيك عن اسعار الزاهد 0000( اتعب ياناهيك)
المهم ==> ياكثر المهمات عندك
الماكينه اللي عندي خمسه سلندر
بدون تيربو
الوضع استار الله يديم الستر عليكم

باقي عندي سؤال
وش الزيت اللي مفروض استخدمه ؟ سؤال وجيه
وكل كم كيلو متر لازم اغيره لسيارات فولفو
ووش كمان من اشياء اضافيه استهلاكيه في السياره لازم تتغير

يالله ياعمر الللللللللللللللحق علينا انت واهل الفزعات من الشباب

# OMAR # @user_7317 Banned · 23-11-2006

ige
والله منيب متأكد ..
لكني دايم اوديها ورش معروفة ولايعرفون لها ..

ige @user_22051 · 21-11-2006

اخوي النايم معقول مافيه بالشرقيه اي ورشة متخصصة بالفولفوا سوى الوكيل؟

S E N I O R @user_31926 · 21-11-2006

مشكور اخوي النايم على تعديل المعلوم

واسف على الخطاء اللي صار مني

تحياتي لكم

# OMAR # @user_7317 Banned · 20-11-2006

طلبك موجود اخوي
<<< خبير فولفو |4|

اول شي : عالبركة ويعطيك خيرها ويكفيك شرها ..
اول شي بالنسبة للمكينة :
جميع مكاين فولفو خمسة سلندر ماعدا محركين :
ستة سلندر 2.9 والحين غيروه عالـ S80 الجديد وخلوه 3.2
والثاني ثمانية سلندر 4.4 مانزل عالـ S80 الا الشكل الجديد 2007 ..

اما محرك الـ 2.4 فهناك اكثر من محرك لفولفو بهالحجم اثنين منهم بتربو وواحد بدون ..
روح الوكالة واسأل عن المكينة تربو ولا بدون لانها اذا تربو ماتحط لها الا نوعية زيت وحدة وهي موبيل اي ون ..

اما بالنسبة للمشاكل اللي صارت لك فصراحة ماعندي فكرة عنها لانها ماجاتني ..
لكن انصحك اذا في مشاكل خفيفة وموب مهمة لاتصلحها لان التصليح غالي ..
ونصيحة ثانية السيارة لاتصلحها برا الوكالة ابدا ابدا .. وخذها نصيحة مجرب مايفهم لها الا وكيلها ..
وخدمتهم ترا ممتازة جدا بس الله يعينك عالدفع ..

اما محرك T5 فهو مايتوفر اصلا عالـ S80 ..
محرك T5 هو دائما يكون اقوى محرك عالفئة ..
الـ S80 عندها T6 ماعندها T5 ..

الاس 60 تي 5 : خسمة سلندر و2.4 وبقوة 266 حصان |6| تربو (( هذي سيارتي ))
الاس 40 تي 5 : خمسة سلندر و2.5 وبقوة 225 حصان تربو (( سيارة المستقبل ))

اي سؤال اخوي ترانا حاضرين لايردك الا لسانك |3|

بليزر78 @user_37286 صاحب الموضوع · 20-11-2006

كيف اعرف ان نوع المكينه T5 وبعدين وش معنى تي خمسه يعني ايه ووش فائدتها ممكن توضح لي

S E N I O R @user_31926 · 20-11-2006

اسف نوع المكينه يكون من نوع T5

وليس T55

تحياتي

S E N I O R @user_31926 · 20-11-2006

هلا اخوي انا انصحك ان مكينتها تكون T 5 5 خمسه سلندر و بتيربو ايضا ً

وعلما بان المكينه جباره وعريقه وعمليه

تحياتي لك