مـشكـله بـالفـرامل كرهـتني بالسيــاره

معقوله @user_31828 · 18-11-2006

السـلام عليكم ورحمـه اللـه وبركاتـه

يـاشبـاب ،، امـس غيرت القماشات والفحمات وحصلوا سلندر خلفي فيه عطل وغيروه

بس فيه مشكله كبيره جداً

الفرامل اضعف من الاول

يعني اذا ضغطت الفرامل ،، الفرامل توصل لاخر شيء وتكون الفرمله عاديه ،، يعني المفروض اني لما ادوس الفرامل للاخير تكون الفرامل قويه جداً لكن للاسف الفرامل غير جيده

ماسبب هذي المشكله ،،

ارجوكم ساعدوني

نوع السياره ( بيوك رودماستر 1992 )

تحيـاتي |3|

فني سيارات @user_8460 · 19-11-2006

وعليكم السلام و رحمة الله و بركاته

اخي الكريم قلت ان السلندر فيه عطل وصلحوه معناه انه تم فك صاموله زيت الفرامل واعتقد انه فيه نسبة هواء يجب ان تفرغ وهذا كل الموضوع
او ان السفايف نفسها الفحمات تحتاج كم مشوار ويصير كل شي طبيعي
اذا كنت تضغط على دواسة الفرامل وتحس رجلك تغوص اكثر من اول فهذا يدل على وجود هوا في انابيب الفرامل يجب ان يزال

stun @user_2575 · 19-11-2006

:D هلا اخوي ..

اكثر المرات يكون لازم تخرط الهوب اذا جيت تغير الفحمات .

و قصة الهوا انه إذا فكوا الفحمات يدخل الهوا في البايب حق الفرامل , و بعد ما تركب الفحمات الجديدة يكون فيه زي الفضاوة تحس بها أول ما تدعس عالفرامل , صح ؟

عشان كذا لازم تدبل الدعسة اكثر من مرة عشان الهوا هذا يروح .

معقوله @user_31828 صاحب الموضوع · 19-11-2006

لا ماخرطوها

ولا قال لي ادعس على الفرامل اكثر من مره

والسلندر ماهو بالهوب ورانياه شيء اسود طول تقريباً 2 سمّ وعلى شكل اسطوانه لونه اسود

وجزاكم الله خير على المساعده

وياليت اخوي stun

اذا ماعليك امر تشرح لي اكثر عن الهوا ،، لاني ماعمري سمعت عن شيء يتعلق بالفرامل اسمه هوا

ومشكور مقدماً

stun @user_2575 · 19-11-2006

اخوي قصدك بالسلندر .. الهوب ؟

و الفرامل فيها هوا ... هو ما قال لك تدبل الدعسة بعد ما ركبت الفحمات ؟ ( يعني تدعس اكثر من مرة عالفرامل ؟ )

و هم خرطوا لك الهوبات ؟

ford_t.bird @user_9525 · 18-11-2006

خلهم يطلعون هواء البيبات كلها هواء
ارجع لنفس الورشه وقولهم يطلعون هواء

معقوله @user_31828 صاحب الموضوع · 18-11-2006

رجعت له وقال لي لازم كذا لانها جديده ،، وانا عاد مالي اي خبره في هالامور

A L H A M O O R @user_17724 · 18-11-2006

المشكلة في نفس الورشة اللي صلحتها عندهم

ارجع لهم مره ثانيه .