ظاهرة ازعجتني

هلا يا اخواني . كيف الحال..

الحقيقة هيا ظاهرتين ..

اولا .. الشباب التافه الي يوقف الشارع صف كامل من الشارع عند الاشارة لانه شاف واحدة في السيارة الي جمبه و يبغى يعطيها الرقم بالغصب و ياريييييييييييييييييت انها اصلا معطياه وجه ..

و الله للاسف ماعنده كرامة .. للاسف صارت امس معي .. و صرت اضربله بواري .. تعرفو ايش الي صار؟ من وقاحته زعل و قاعد يقولي جنب جنب قال يعني يبغى يضارب .. و ربي احتقرته .. بس قلت لنفسي اقصر الشر احنا في رمضان ..

و لا يكون في سيارة في خط الملك معبية بنات .. و شوفو الشباب حقونا يقفلو كل الحواري قلك يعني انهم بياخدو الرقم

.. و الله تفاااااااااااهة

الظاهرة الثانية بس هيا الصراحة ظاهرة تضحك اكثر من انها تعصب ..

الناس الي تقلب الجيم الى قاف

قراند مارقيز .. لامبورقيني .. قراند شيروكي .. و هذا ان دل فهو يدل على فصاحة زايدة ..

سوري من الاخوان الي شافو الموضوع .. بس كنت معصب حبتين من الموقف الي صار .. فقلت اعبر عن رايي .. اتمنى ما يكون احد زعل لكن انا اتكلم عن ظاهرة واقعية يمكن كثيرين اضايقو منها بس ما تكلمو .. و كمان زعلان انه في شباب سعودي بهذا الشكل

اكرر اعتذاري للكل و شكرا