بليزر ولا انفوي؟؟ وش رايكم شباب

السلام عليكم :
اخوي انا معي بليزر 2006 صلاحه مادري عن الي يقولون يصرف قسم بالله ماشاءالله ولا ديزل اسمع الموتر فيه عيوب ب مثل كل موتر بس العيوب لناس عيب ولناس لا انا مادري يمكن الموتر على شانه جديد مايصرف لكن انا موتر اسبوعيا اترددبه لمدينه تبعد 260 كيلو واثبت على 130 اذا وصلت للمدينه تقريبا تحت الربع الي فوق بشي بسيط اذا كان على البنزين متضايق الموتر مايصرف من 140 وتحت صدق اخوي .
وشكرا.

شكلك ما قد جربت الجي اكس ار بالخط

ما اقول ان البليزر ما يصرف بس على الاقل صرفيته معقوله

يعني للشرقيه وانت تمشي بين 160 و200 يوصل وهو تحت الربع وش تبي بعد

انا جربت البليزر الجديد سافرت عليه مرتين فقط لكن ما لاحظت الا انه يشرب بنزين بالهبل
اذا فيك جيب عليك بالياباني
وبس
شكرااااااااااااااااااا

انا يعجبني الانفوي خاصة انه قليل انتشاره مش مثل البلايزر

هلا بك اخوي

العيوب( االلي انا اشوفها فيه) لاحظ اللي بين القوسين
صوت الهوا بالسرعات العاليه
وضيق بالمرتبه الخلفيه
قطع الغيار غاليه نسبيا مثلا البوجي ب 30 ريال و عندك فلتر القير ب 120 ريال والفرامل تقريبا ب 280 ريال وانت تقيس عليها انا اعتبرها غاليه لأنه كان معي كامري قبلها


ايجابياتي للسياره
اول شي مريحه جدا وقيادتها روعه خاصه بالخط تحسسك انها سيدان امشي فيها الطبلون200 كاني امشي 120
الفرامل حقتها مجنونه سيارتي موديل 2004 ماشي بها 117000 الى الان ما غيرت فرامل لا تسالني كيف
قوةتها حلوه مره وعزم جيد بالنسبه لجيب طبعا اقصد على الشارع لأن سيارتي مو دبل
واجهت منها عيوب اول ما شريتها بس صلحوها الوكاله والحين الحمد لله لها قوف السنه ماشيه تمام
الداخليه تقدر تقول تصميمها بايخ بس الفل فيه مواصفات حلوه جدا


وبالنسبه للصرفيه الفل ب 45 ريال يمشيك اذا ما كنت تدعس بين 400 و 450
وانصحك ابتعد عن الجميح
وانصحك بعد بالفل مواصفاته حلوه جدا وتستاهل الفرق

مع تحياتي واي سؤال انا حاضر

هلا والله ليمونه

جزاك الله كل خير

اوكي

اعطيني كل اللي تعرفه عن البليزر من جميع النواحي وش احسن نوع؟
وش احسن اشتريه من بالبيد ولا الجميح؟
وكيف قطع الغيار؟
وكيف الراحة من الداخل والاعتمادية؟
وكيف الوكالة معك؟

وهل يصرف بنزين

وانا ترى من النوع اللي يحب يدلع السيارات ورجلي باااااااااردة عليها

ابيك تدلني وش احسن فئة منها وليش؟؟

الله يعطيك العافية

انتظرك

أخوي قاصد الخير

كلام الاخ نايت هوك صحيح 100% خلك على نصيحته

والسياره بشكل عام اي كانت محد يقيمها زي ما تقيمها انت بنفسك لأنه لكل واحد له اهتمامته بالسياره و له نظرته لها

وانا معي بليزر 2004 محلله تحليل اي سؤال انا حااااااضر لأني ما اقدر اوصفلك السياره بشكل عام

وبالنسبه لمسكة السعر اول مره اسمع انه يمسك سعره بس يمكن تغير الوضع والله أعلم

انا اشوف اليوكن الجديد افضل بكثير من الانفوي واحس ان الامريكي كل ما صار حجمه كبير كل ما قلت خرباته
والله يوفقك

الله يعطيكم العافية اخواني والله انكم قدها

انا مرتاح للبليزر اكثر لأن سعره مايطيح عند البيع هذا اللي سمعته من مجرب

بس بغيت اسألك اخوي

ليش آخذ الفئة الوسط؟؟

وش الفرق بينه وبين الفل الكامل؟

وهل فيه دبل ولا لأ؟؟

واي شي تعرفونه عن هالسيارة خبروني فيه الله يستر عليكم بس ابي اشتري وانا مرتاح

وبيني وبينك اخوي انا مااتاح للمستعمل ابد لأن خراباته ماتنتهي ابددددد

انتظركم وابي ردود اكثرررررررر

مشكوووووووورين للغاليين اللي تجاوبو معي

ماقصرتم

اذا ماراح تكرف السيارة اخوي فصدقني حرام تشتري جديد وترميه في الكراج ماتستخدمه الا اوقات قليلة
انصحك تشوف لك مستعمل (وانت ادرى بظروفك)
البليزر مريح جدا وراسي في الخطوط, بس ضيق مع الخلف خصوصا اذا كان الراكب الامامي طويل ويضطر يرجع المرتبة

قاصد خير .. أسعد الله أوقاتك

تبي نصيحة أخ ؟

حاضر ولا يهمك

شوف عزيزي .. عندنا في البيت إنفوي 2006 وعندنا بليزر 2005

إثنينهم ماشاءالله عليهم .. وعيني عليهم بارده

واذا انت منت راعي كرف .. السيارتين بيخدمونك وانت مرتاح .. وانا ما أقول انهم مو حقين كرف .. لأن كل السيارات الجديدة مدلعه وتبي مين يدلعها . بس مو أكثر

صدقني قيادة البليزر أو الإنفوي .. قيادة لا تنسى .. خصوصا في الخط .. فديتهن .

استخر الله .. وربي يوفقك .

ونصيحة أخرى .. لا تاخذ الفل كامل .. خذ الفئة الوسط

والله حيرتوني شباب

بصراحة كنت ناوي عالبليزر والحين شكلي بااكنسل


انا ودي بسيارة شبه عائلية ماتكون كبيرة مرة ولا ضيقة مرة يعني وسط

وماابيها سيارة كرف لأي ماراح استخدمها الا لسفر او مشاوير طويلة اما داخل البلد فعندي كابريس عليه القيمة

البليزر فضلته لحجمه لكن مافكرت بخراباته وعيوبه

طيب وش رايكم اكنسلهم كلهم

واختار اليوكون و التاهو صحيح انهم اكبر من البليزر لكن اعتقد انا اقوى

ولا لا؟؟

وان كان بااشتري بليزر راح آخذ افخم نوع؟؟ ماحد منكم جربه

اتمنى الرد من مجربين وانا والله محتاااااااااار

تكفون وقفتكم شباب

انتظركم

اخوي مافيه سيارة اشتر وانسى
جميع السيارات تحتاج للصيانة والفحص والا.........
واي سيارة تدلعها بتدلعك
وان كان هناك اي مشاكل في السنوات الاولى فهي مغطاة بالضمان
انصحك تجرب جميع السيارات اللي في بالك اول (هوندا - بليزر -غيرها)
وبعدها اتجه الى قسم قطع الغيار واسأل عن اسعار القطع المهمة سواء استهلاكية او غير استهلاكية
استهلاكية مثل البواجي والشمعات والفلاتر بانواعها والفحمات والهوبات والسيور
غير استهلاكية مثل كر اسي المكينة والقير واجزاء البودي مثل الاصطبات والقزاز والصدامات والرفارف
كم من شخص ندم على سيارته بعد تعرضها لحادث لأن اسعار قطعها غالية جدا
مثلا اذكر سبق وصار لي حادث بسيارة هوندا
كلفت القطع 4800 ريال
يوم سألت عن اسعار القطع لسيارة ثانية كانت تكلف اقل من 2000
ولازم يكون لك راي في السيارة ولاتعتمد على راي غيرك بالكلية
تحياتي لك ولاتنسى تصلي الاستخارة

السلام عليكم

كما تفضل الاخ كابرس السيارتين مبنيتين على قاعدة واحدة ومحرك واحد وقير واحد والفرق فقط في الشكل والتجهيزات

والسيارتين يتميزان بالقوة والشكل الجميل

ولاكن
الديكور الداخلي مع الاسف سيى
الاستهلاك للوقود مرتفع وهذا شي عادي في كل الجيوب والزايدة بسبب المحرك الكبير 4.2 لتر
قطع الغيار مرتفعة نوعاً ما ومن الافضل السؤال عنها
صوت الهواء مرتفع على السرعات العالية

بالسنبة لجيب الهوندا لم تحدد اي فئة فأن كان mr-v فهو خيار موفق ان شاء الله فهي سيارة قوية وعملية واقتصادية نوعاً ما

في الختام انصحك بالاستخارة فما خاب من استخار

بالتوفيق

مشكور يالغالي

بس وش فايدة سيارة جديدة اذا خراباتها كثير

بي سيارة اشتريها واريح راسي وانسسسسسسسسسسسسى

طيب


وش رايك في جيب هوندا 2006؟؟

هلل تتفوق على البليزر والانفوي؟؟



ابي رايكم تكفووووووووووووووووووون وبسررررررررررررررعة