نفس السيارة اخوي كراون فكتوريا وجراند ماركيز واحد وعشان تتضح الصورة اكثر الجراند ماركيز من شركة ميركوري اللي هي اصلا تابعه للشركة الام فورد .
لكن الميركوري تضيف لمسات الفخامه للسيارة يعني مثلا الكراون فكتوريا والجراند ماركيز نفس قاعد العجلات التغيير فقط في الشكل الخارجي باضافه لمسات فخامه مثل التخشيبه الداخلية وشكل المقاعد وشبك السيارة الامامي مع الشمعات الخلفية والجلده اللي تجي على الباب الخارجي الكراون فكتوريا ما فيها الجراند ماركيز موجوده حتى تعطي شكل اجمل .
اما القطع الداخليه فهي نفسها يعني لو فكيت المحرك تلاقي نفسه والله اعلم ، لكن ارتبط مفهوم عند الناس انه الكراون فكتوريا تخدم اكثر وهذا من وجهة نظري لسببين :
1- ان الكراون فكتوريا يستخدم بكثرة في سيارة الليموزين والبوليس .
2- تجار السيارات ( الشريطيه يبون يمشون الكراون فكتوريا وحجتهم انه يخدم اكثر لانه مو معقول يكون عندك السيارتين وتختار الكراون فكتوريا على الجراند ماركيز اللي هو افخم وبالذات انه لهم نفس السعر .
انا اخوي جربت الجراند ماركيز سيارة ممتازة .
اما بالنسبة للموديلات فطبعا الشكل القديم اللي هو 95/96/97 تتميز بسهولة الصيانه لكن طبعا شكلها قديم شوي الموديل اللي جا بعده من 98 إلى 2006 شكل حلو وداخليه كمان شكلها حلو بس صيانتها غاليه شوي ( اغلى من الشكل اللي قبله )
ادري اني طولت واتمنى في الاخير انك تستفيد .
واي سؤال انا حاضر .
