شريت سوناتا 2006 وتجربتها,,ولي بعض الاستفسارات؟؟

البراااق @user_33316 · 31-08-2006

السلام عليكم ورحمة الله وبركاته..
كيف الحال ياشباب...

انا عضوو عندكم من فتره (قبل ماأشتري السياره يعني)..
وأستفدت كثيرا منكم من مواضيعكم الرائعه والمفيده..

وهاأنا بعد دوران في الوكالات وفي المعارض دام اكثر اسبوعين...
وجدت السياره اللي تريحني وسعرها مناسب لحجمها ..
وقد وفقني الله وشريت سوناتا 2006 نصف فل 4 سلندر...

وشريتها قبل شهر ...الله يعطيني خيرها ويكفيني شرها..وماشاء الله تبارك الله..

فأريد منكم النصائح الذهبيه في السياره واستعمالها..
والأكسسورات الزينه والأشياء الحلوه اللي تزيد من قوتها وهيبتها...

تجربتي لهــــا...
السياره لحد الحين رائعه..
من عدة نواحي..
الناحيه الاولى من الشكل الخارجي فهي ألماسه رائعه ((القرد في عين امه غزااااااال))
والناحيه الثانيه ناحية الخطوط...
بصراحه السياره راسيه على الخط..
والناحيه الثالثه..
قطع الغيار..
توني مابعت احتجتها..وجعلي ماأحتاجها..

---
وعندي كم استفسار عن السياره خصوصا لملاك السوناتا من الاعضاء..بعد اذنهم..

1-المكيف ينقط مويه من تحت الكبون من تحت السياره؟؟وراه وش فيه..المهندس يقول عادي..

2-السيار اذا تعديت 120 يطلع صوت التنبيه حق السرعه..وصوته عالي جدا مالحل معه ابغا ايقافه او التخفيف منه؟؟

3-السياره لايوجد بها فرامل ABS واحس ان الفرامل ماتمسك زين؟؟ووش رايكم؟؟

4-الكفرات هنكوك حقت الوكاله هل هي زينه تتحمل يعني مع انها راسيه في الخط معليها؟وهل هناك افضل منها خصوصا لتماسك السياره في حالة الفرامل نظرا لعدم وجود الفرامل ABS???

5-هل الوكاله يركبون لي سيدي لان السياره عندي فقط كاسيت بدون سيدي؟؟

6-هل الضمان ينلغي مع تركيب الزينون لأن ودي به.؟؟وهل الوكاله يركبونه؟؟

بصراحه اخواني احس اني طولت عليكم شوي لكن اعذرررووني اول مره اجرب الهوندااي
اول كان معي تايوتا ومتعود على حاجات واجد فيه خصوصا وكالته..فيمكن هذي تختلف ...

وفـ أمان اللــــــــــــــــــه....

البراااق @user_33316 صاحب الموضوع · 01-09-2006

تسلمون على المرور

salehhd @user_17805 · 01-09-2006

السلام عليكم

مبروك ان شاء الله والله يعطيك خيرها ويكفيك شرها

ودلع السيارة في التمرين علشان تعيش معاك ان شاء الله

والشباب افادوك وماقصرو

Ghonaim.a @user_5082 · 01-09-2006

الشباب ما قصروا معك
اذا الموضوع عن سوناتا فأكيد انك احسنت الاختيار اخوي

GHONAME.A

البراااق @user_33316 صاحب الموضوع · 01-09-2006

نور الموضوع بمروركم

نيسان للأبد @user_17211 · 01-09-2006

مبروك ع السيارة والله يوليك بركتها ان شاء الله ..

.

البراااق @user_33316 صاحب الموضوع · 01-09-2006

ثانكس على المرووووور وعلى النصائح الحلوووووه

Navigon @user_21207 · 31-08-2006

مبروووك عليك السيارة الجديدة والله يعطيك من خيرها ويكفيك شرها ..

وانصحك تركب زينون من الوكالة ..

وبالنسبة للكفرات أنصحك ماتغيرها إلا بعد ماتكرفها سنة أو أكثر وبعدها إذا تبي تغير إلى نوعية أفضل عليك بميشلان أو بيرللي ( بشرط أن تكون نفس المقاس والعرض والارتفاع ) حتى لا تدخل في متاهات مالها أول من آخر .

مع تحياتي

البراااق @user_33316 صاحب الموضوع · 31-08-2006

يعطيكم العافيه اخواني على ردودكم الرائعه وكفيتوو ووفيتوووا..

need_for_speed @user_24217 · 31-08-2006

بالنسبه للكفرات
حبيت انبهكم انه في بعض الشركات السيارت تاخد كفرات نخب ثاني من شركات الاطارات بهدف توفير في المصاريف خصوصا انه اسعار الكفرات في صعود دائم بسبب مدخلات الانتاج سالت عن كفر مقاس 13 انش قبل شهر كان سعره بحدود 25 دينار واليوم نفسه ب 35 دينار

حصلت معاي بالسياره جديده واحس برجفه بالستيرنغ وكان اخر همي انه يكون الكفر هو المسؤول حتى بعد ما سويت ترصيص الخ الخ من الحلول بس ما عرفت اسوق السياره واحس فيها الا ساعه ماغيرت الكفرات كلهم مع انه السياره وكاله وطلعت المشكله منهم
مش كل السيارات بس بعضهم وخصوصا الكوري

M .N. N @user_18180 · 31-08-2006

ألـــــــف مبرووك الله يعطيك خيرها ويكفيك شرها

1- عاادي المكيف يقطر مويه من كثر التبريد يصير زي الثلج >>> فهــمت

2- بإمكانك فصله عند الوكالة >> أو أي ورشة

3- فرااملها جيد جداً وقووي لدرجة أني أحس أنه أقوى من ABS ،،،، لاكن الظاهر أن سيارتك الأولى فيها أنظمة وما تعودت على الفرامل العادي

4-الكفراات ممتازة جداً ،،،، لاتكن ميشلان أفضل

5- نعم يركبون لك

6-الضمان ما يلتغي ،،، والزينون يركبونه الوكالة وزنون الوكالة رهييييب جداً

0
0
0

nismo @user_12647 · 31-08-2006

وعليك السلام ورحمة الله وبركاته

اولا على البركه ويعطيك خيرها ويكفيك شرها وخير ماخترت

ثانيا انا معاي نفس السياره والحمد لله مافي اي مشاكل بالنسبه للزنون انا مركبه من خارج الوكاله وماصار اي شي

يعني الضمان ماشي ودايم اسويلها صيانه. بالنسبه لكفرات الهنكوك جيده جدااا ومتناسبه مع حجم السياره و وزنها واذا
حبيت تركب مقاس ثاني راح تلقى نصائح الشركه في الكتلوج او على الباب..

زي ماقال اخونا كامري لاتوسوس الفرامل مافيها شي وحاول انك تتفادى الفرمله السريعه لانها جديده لاكن مع الاستخدام المعقول راح تكون تمام...

نصيحتي لاتسوي شي قبل ماتخلص صيانة 5000 كلم قدتظهر بعض العيوب لاسمح الله وتكون مع الوكيل في دائره مغلقه

وسلامة الجميع

سلطان الأكورد @user_19563 · 31-08-2006

الكفرات غير ميشلان و بريجستون لاتدور

H.Y @user_18014 SONATA V6 · 31-08-2006

أخـوي كـامـري

كفى و وفـى ,, اللهـ يعطيه العافيـة

ألـف مبروووك واللهـ يعطيكـ خيرها ويكفيكـ شرها

بالنسبة للأسئـلة تقدر تروحـ للوكالـة وتتأكد بنفسكـ

H.Y

كامري @user_798 · 31-08-2006

اولا الله يعطيك خيرها ويكفيك شرها

واختيارك 100% صحيح وسياره اكثر من رائعه اثبتت نفسها بأقل من سنيتين اما بالنسبه تقول((القرد بعين امه غزال)) حبيت اني اصححها لك لان الموتر الكل معجب فيه وهو فعلا غزال وليس قرد |1| ولا تتحسف عليه لانه من افضل المواتر الموجوده في السوق من ناحية العزل الصوتي ولا الراحه والرحابه وووو الخ ولاعليك من الي يقول كوري

وعندي كم استفسار عن السياره خصوصا لملاك السوناتا من الاعضاء..بعد اذنهم..

1-المكيف ينقط مويه من تحت الكبون من تحت السياره؟؟وراه وش فيه..المهندس يقول عادي

اعقتد انه هذا شيء طبيعي وخصوصا اذا كنت في مدينه الرطوبه فيها عاليه

..
2-السيار اذا تعديت 120 يطلع صوت التنبيه حق السرعه..وصوته عالي جدا مالحل معه ابغا ايقافه او التخفيف منه؟؟

والله الكل يشتكي منه صوت شوف اخوي روح للوكاله وتفاهم معهم لانه صراحتا لازم له حل صوت السوناتا المزعج

3-السياره لايوجد بها فرامل ABS واحس ان الفرامل ماتمسك زين؟؟ووش رايكم؟؟

:confused: ماتمسك غريبه مع ان الكامري حقتي بدون abs بس ماعليها تدي المطلوب لكن اخوي هذا وسواس ولاتوسوس اكثر من اللزوم |1|

4-الكفرات هنكوك حقت الوكاله هل هي زينه تتحمل يعني مع انها راسيه في الخط معليها؟وهل هناك افضل منها خصوصا لتماسك السياره في حالة الفرامل نظرا لعدم وجود الفرامل ABS???

الكفرات انا مااعرف عنها الكثير فأنا مااتفاهم الا مع شركة برجستنون

5-هل الوكاله يركبون لي سيدي لان السياره عندي فقط كاسيت بدون سيدي؟؟

ماعندي والله العلم الاكيد لكن يمكن يركبون لك روح اسأل انت وش يبي يضرك

6-هل الضمان ينلغي مع تركيب الزينون لأن ودي به.؟؟وهل الوكاله يركبونه؟؟

الوكاله عندهم زينون على مااعتقد بـ 1500 ريال

وسلام

Abu Juman @user_34221 · 31-08-2006

اللي يلبس نظارة ويطلع من مكان فيه مكيف الى مكان حار ورطب يحصل اموية تتكثف على العدسات لأنها باردة.
نفس اشي بسيارتك الهوزات باردة ويتكثف عليها الما وينزل

والله يباركلك فيها

need_for_speed @user_24217 · 31-08-2006

مبروكه عليك وان شاء الله تشوف الخير على وجهها