ادخل واعلمنا عن سياراتك مميزاتها وعيوبها

السلام عليكم... موتري مازدا3 2005

مميزاته وايجابياته:

شكل خارجي رياضي جدا

الانوار الأمامية عد سات و الخلفية حركتهم حلوة

جودة عاالية جدا الحمدلله ولا خراب واحد من سنتين ونص الى يومك

تعمر طوييييل بدون علل

اقتصادية في البترول

صوت جذذاب جدا تتميز به المازدا

قير اتومتك وعادي مدمج

لين تقودها ولله اتقود سيارة سبورت

ثبات ممتاز



** العيوب**

مكينة ضعيفة ..... انا ماتعجبني 6و1 لتر 105 حصان


قطع الغيار سعرها شوي بس يمكن لأن جودتها عالية


الف تحية

الشكر لكل من شارك في الموضوع

انتظر المزيد |1|


اخوكم العنيد|3|

موضوع ممتاز اخوي .. العنيد..


انا معي سوناتا 4 سلندر فل لؤلؤي

مميزاتها ::

1- رساوه ماشالله ممتازه هذا وهي مرتفعه شوي اجل اللي يسوي تهبيط وش بيصير

2- مرتبه ومواصفاتها جدا جميله

3- مكيف جيد وصرفيتها ايضآ

4- مريحه وتفتح النفس من الداخل وخاصه البيج

_____________________

عيوبها ::

1- صوت المكينه شوي بايخ

2-ارتفاعها بعض الشئ



والصراحه الموتر ماشالله مريح ويريح >>>مدري كيف جت


والسلام عليكم والرحمه

هلابك اخوي العنيد.....

سيارتي سوناتا 2006

اقل نوع >>> اربعه سلندر 2400 سي سي >>قير تيبترونك>>فروميكا>>الون عودي

افضل ما لمسته فيها>>> رساوه عاليه على المنعطفات>>عزل الاصوات الخارجيه>>تكييف على مستوى>>اضاءه عاليه

جودة وليونة المساعدات في الطرق الوعره او شبه المعبده>>ترتيب السياره من الداخل: العدادات,مكان الاكواب,الاضاءه الاضافيه,,ووو..... كل شي في محله.

لم يعجبني>>عدم فاعلية التبترونك في المنحدرات>> البريك هاند يحتاج شد من فتره لااخرى

7
7
7
انا حبيتهااا

انا معاي اوبل فكترا 98
مميزات
ثبات على الطريق لغايه 160
استجابه رائعه من السياره خصوصا بالتدعيس
واقتصاديه بالاستهلاك

العيوب

قطع الغيار جدا غاليه واحيانا تتعب لحتى تلاقها
البريك احسه ضعيف وال abs ما استمتع فيه اغلاق العجلات احلى من ثباتهم

سيارتي bmw m5 موديل 2005

و الحمد لله السيارة كلشي فيها تمام

واسعة و كبيرة

مكيف بارد و جيد

ثلاجة في الخلف

قوة محرك جبار تتحمل مشاوير كتير كل يوم امشي بيها 350 او 400 كيلو متر و احيانا 300 كيلو متر يعني تتحمل سفر كثير

عيب السيارة الوحيد صرف بنزين شرهة جدا للبنزين

لاند كروزر VX-R 4700 2003 قير عايدي :


1 - الموتر ماشاء الله ما أشتكى من شي الحمد الله مع شين سواقتي ..

2 - تطعس به تلعن خيره ولا تخاف تقول يجيه شي ...

( فيه قصه على طاري أنه ما يخرب ماشاء الله ... المهم القصه
يوم من الأيام كنت ماسك ردميه <طريق ترابي ممهد> وأنا على طفاقتي ما تغيرت المشكله ماعرف هذي الردميه

أول مره أمسكها و انا طيران ماتصدقون أني جبت الفصله على الردميه 195 كم مسرع مسرع من جد عادي أخوكم


مهبول لا أحد يشره علي المهم وأمشي عل هذي السرعه والردميه طوليه ويجيني ضلع <جبل صغير> ماشي عليه

الخط وأهدي شوي شوي لأني مريت على كذا جبل وهديت عنده وطلع بسيط يعني تقدر تسرع عليهعادي وهذي المره

عاد قلت يمكن أه زي إلي قبل بسيطات ولا نزلت عن 170 هذا عقب ماهديت أنا وجهي المهم ويطلع جبل رقيته حلوه بس

المشكله في النزله طلعت قويه جداً فأنا تشهدت والله شفت الموت وطرت في السماء مدت 15 ثانيه ماتصدقون وطحت

وخبط الموتر خبطه الله وكيلك وقام يينطل وبغيت أنقلب وعدلت الموتر وأنا وجهي أزرق من الخوف قلت أكيد تكسرت

العكوس وكراسيالمكينه وألا إذا كان ماحصل شي بتتفقع المساعدات تصدقون الموتر يمشي مافيه والكلام هذا له

حول 6 شهور )


3- صوت على الخط مافيه ماشاء الله ألين تقريبا 160 - 170 هادي جدا .. والعزل أتوقع أن فيه عازل حراري من الوكاله


أوقفه في الشمس وأوقف كابرسنا جنبه الكابرس يطبخ من جد وهذا حار بس أقل حروره من الكابرس بواجد

ولامكيف والله العظيم أنه في الظهر 11:30 والله نه ثلاجه وسط السياره بررررررررراد على النظرات الشمسيه تحس أنك

المربعانيه (عز الشتاء يكون في المربعانيه )...

4- عزم خذ عزم والله فيه واحد من أخوياي بيشتري سفاري 2006 قير عايدي يتحداني ويتوعدني ييقول بأقوم عليك والسفاري أقوى من اللاند وعقب ما مشاه 1000 جا يقول يالله نتقاوم المهم طلعت وأنا خايف بعد بس والله قمت عليه إلى 160 ثم جتنا أشاره وقفنا وجا عقبها يقوام وقمت عليه المهم أنه تفشل ولا عد يقااومني ...


5 - عيوبه أنه يصرف بنزين زياده وخاصة إذا دعست عليه توضح مره .. وقطع غياره غاليه شوي يعني جرم شمعه أماميه

وحده بس فوق 1200 ريال ..

موضوع جيد حبيت اشارك فيه


سيارتي : كورلا 2006 ++ اللون اسود

مميزاتها :
1 - مريحه مقارنة بسيارات فئتها

2 - العزل ممتاز

3 - مسجلها سيدي + كاست + ريموت ( مفيد للزوله اللي مثلي :D )

4 - عزم المكينه ممتاز بالنظر لـحجم المحرك 1.3 80 حصان فقط

5 - كشافات

6 - انسى شي اسمه محطات البنزين

7 - ايرباق للسائق

8 - مكيف ما شاء الله بارد جدا

عيوبها

1 - صوت المحرك مزعج لاكن صراحه اتقبله ما دام انه كل هالاستجابه ما شاء الله

2 - ما تنفع للسرعات العاليه 160 فما فوق

3 - غير راسيه فوق الـ 160 كذلك غير ثابته

4 - قوة المحرك ضعيفه 80 حصان فقط ( ما ينفع للمقاومات )



تحيتي