هل السيارات الأمريكية سيئة بالفعل؟ نظرة على تقارير جي دي باور

أخوي انت قاعد تتكلم عن سرعة الدرفت و احنا ما نبي سياراتنا تقحص :confused:





السيارات السيدان الأروبي أغلبها 1500 كيلو و بالذات بي ام و مرسديس و االفئات الراقية أوزانها في حدود الطنين

أنت تجيب الكلام من وين ؟؟

بالسبة للفورملا فالسسبنشن و تصميم الشاصي مختلف تماماً عن السيارات و لا تقدر تشبهها بأي شي على الإطلاق و وزنها أكثر من 400 كيلو الا اذا تعني الشاصي لحاله بس هذا شي ثاني

تخفيف الوزن هي حيلة لكسب القوة و ترى مهي بسايبة في الرالي أي وزن يمشي حالك !!!

الوزن لا يقل عن 2700 باوند في أي حال و ذلك حفاظاً على السلامة



تعتمد على سرعت الدرفت مش على الثبات بشكل اساسي الا انه غير مهمل




تبغي تقول أن راس التريلة غير ثابت اذا مشى على 160 يعني ؟؟؟

راس تريلة مرسديس من الجدد بدون رفرف يقول لي صاحبي مطبق 160 من القطيف للرياض و مطلق انواع الراحة

اطارات مقاس مناسب + توزيع وزن + الدفع الخلفي للتحكم الكامل بالسيارة = رساوة

ما اشوف امان في حوادث الصني و الكرلا !!!

روح اسأل بنفسك لأن أقل ضربة في الوجه تنكسر المكينة و الألتيما شفنا لها حواث شنيعة جداً جداً

الشي اللي ما يوافق هواك مو بالضرورة يكون مش عادل

اذا بتغلط على المحركات الأمريكية فعلاً انت غلطان

انا احب اقولك ان جون ميوفتش جاب 6.65 بمكينة ( 281 يعني ) 4.6 حق كوبرا 96 ماغير فيها في داخل المحرك الا الذرعان و البساتم و السبايك و الثلاجة و عدل على الروس من صبابات و سبرنجات و كامات



يعني 1700 حصان براس شد بلد معدل و سلندر و كرنك شد بلاد .. احب اسألك كيف ما يتحمل يعني ؟

عندي امثلة للكوبرا بمحرك ستوك بالكامل عليه تيربو 16PSI و مثله لمحرك الـ 5.0 القديم عليه تيربو يعطي 500 حصان بسلندر ستوك

أخطاء الصيانة لا تعتبر أخطاء في التصنيع


بالنسبة للدفرنشات و القيور اللي تغلط عليهم بعطيك امثلة محلية ...


محمد المسموم هو أول واحد يركب محرك فوركام 300 تيربو على نيسان دتسن و كان كل فترة يبدل دفرنشه لين ما ركب دفرنش كورفت و للعلم كان يعطيه تسارع أكبر و دام له لين ما راحت السيارة في حادث و للأسف ما عندي صور لاكنه موتر معروف


مثال آخر كميرو عبد الرحمن الراجحي دفرنش شد بلاده و الريشيو شد بلاده و قير تماتيك شد بلاده محرك LT1 عليه سوبر شارجر و توننج










يقوم بسلك من الصفر بدون تفحيط و بدون مشاكل


مثال آخر كوبرا اشرف الفشخي اكثر من 500 حصان على بنزين السعودية بدفرنش شد بلد عليه كارونة ريشموند 4.11 و يقوم بسلكس ستريت جنوط 18 !! و بالإضافة الى ذلك قيره شد بلد حق 4.6 و يقوم بوزنه الكامل بدون لا تخفيف ولا شي





هذي الدفرنشات و القيور و المحركات تستخدم في أكثر من سيارة و ما يحتاج اعيد و أزيد في انكم تيبون هذا الشي في الأمريكي





فاهم عليك صح يا خوي

انا معي موستنج ((( مكسور العامود التوازن )))
و انا الحين معرض الكفرات مخلي العرض 255
و الحمد الله ثباتها حلو طبعا بالمقارنه بالياباني

|1| |1| |1| |1| |1|

دفع خلفي

تتحكم بالسيارة كاملة بينما الأمامي حوالي 30% فقط

الدفع الخلفي مع سسبنشن حلو و اطارات عريضة هو قمة في الثبات

اصلا في مقارنه ثبات بين ياباني و الامريكي؟
طبعا اللكزس خارج المقارنه

سيارات تويوتا هي أكثر السيارات التي تعاني من السبايك و ابحث عن الكلام هذا في قسم الكراج و لو تعرف ليش محرك الـ 7&6&5m غير مرغوبين مع حبي لهم فهو بسبب السبايك اللي ما تعالجت الا بعد انتاج محرك الـ 1Jz بالتعاون مع يماها !!

و روس التويوتا ما يتحملو اقل حرارة بالذات الـ 4 سلندرات معروف

نقطة غبية هي أن هالشركة عالجت الموضوع ذا في السنوات الأخيرة لاكن روح شوف الأخطاء في التصميم !!!

فيه واحد يحط شيال القير هنا !!!!



على العموم بسيطة بالمقارنة بفضيحة باص الشرتون من نوع كوستر اللي احترق و هو يمشي بدون اي سبب واضح و أحتراق حوالي 20 هايلكس جديد بدون اي اسباب في السعودية و لا يهونون الكوامري و ابحث عن الصور في المنتدى

عدد اللي اعرفهم طقت مكاينهم اليابانية بإستخدام سلمي أكثر من الي تطق مكاينهم أمريكي بإستخدام ريس

محركات الـ RB ميزتهم يشتخلو حتى لو ببستم واحد و عيبهم أنهم ما يكملو سنة كاملة الا بمعجزة

محرك غبي بعد الريس لازم تضل مشغله نصف ساعة على الأقل حتى لا " تطق المكينة " كما انه معروف مشاكل محركات النيسان من الشنابر و معروف مشاكل محركات المسطرة 28 ان القازقيت شد بلاده ما ينفع على الإطلاق و لازم يتبدل بين كل شهر و الثاني و الحمد لله تغييره سهل

يعني المشاكل المعروفة و الموجودة هي شد بلاد المحرك و ما خفي كان أعضظم

و ما ابي أطول عليك لأني بطول عند غيرك

شباب

عطوني اسم سيارة يابانية ما فيها تنسيم هوا ؟؟

حتى الإنفنتي فيه تنسيم هوا !!!

ولله انت رحت الرالي و ما ادري ايش ... بس خلني اقولك شغله منو قال انه سيارت الرالي اثبت من سياره الشارع ؟؟؟؟؟


خلني اقولك شغله انا كان عندي مرسيدس SL500 و ما فيه ولا تقنيه ثبات كان فيه ABS بس و خربان و مفصول ...


ولله كنت امشي 200 و احذلف من اقصي اليمين الي اقصي الشمال و الموتر مكانه و تسوق بثقه ..... زياده الوزن من صالحه لا تقول ماله دخل ...



شوف السيارات اليابانيه تقارنها مع الامريكي يعني تقارن ثبات الكامري مع الومينا مستحيل الومينا اثبت و اريح في الخط ....


تقارن ال C300 في الثبات مع الافلون فرق السمه عن الارض ... يعني شنو تقول شنو تفرق :)



بس ما احب اكثر :D

بغض النظر أني ما اعرف من اللي ترجم كلام الياباني الى العربية الا ان كلامه خاطئ بالطبع

تقنية تخفيف الوزن لا تتوفر للكل

سيارات الكيا لو تلاحظ اوزانهم ثقال مع ان مظهرهم يقول انهم خفاف بالمقابل فإن سيارة مثل الصني و الأكسنت و البيجو 206 سيارات خفيفة معدومة الثبات و الأمان و السبب أن ونها الخفيف لكي يلائم محركهم الضعيف لا يتلائم مع وزن الإطارات و الإرتفاع للسيارة لا يعطي مركز ثقل مناسب لاكن النتيجة هو وجود سيارة رخيصة

على العموم الياباني مش كله خفيف لو انك تطالع في سيارات مثل الكرلا و السفك و الصني اقول لك ان كلامك صحيح لاكن لو تروح للسيارات السيدان على سبيل المثال لكزز أوزانهم من 1700 كيلو و طالع و الزد وزنه 1500 كيلو على حجمه الصغير و سيارات رياضية مثل 3000GT من متسوبيشي وزنها 1700 كيلو جرام !!

و الوزن ما له دخل بإقتصاية قطع الغيار أطلاقاً

اذا الكبوت ثقيل بيطعطل الكمبرير يعني لو بيتفتق لك الديكور لو كيف ؟؟؟؟

أحين اتفرغ لكم و أطلع لكم هالتلفيق ذا كله

و أعلن عليك الحرب يا درفتو ما بقى الا دفرنشات الأمريكي تغلط عليها يعني من زين دفرنشات الياباني و كوارينها اللي حدها على 55 تورك :(

صحيح مثل الياباني اذا سقته كأنك سايق ورق مايتحمل تمشي عليه اصلا ويكفيك اذا مريت من عند شاحنه تقول هزه ارضيه 00 اتمنى الحياديه في الموضوع والاستدلال من مجلات شهيره او دليل قاطع 00

تحياتي محمد الهاجري000

حلوووووووو :D ....... أنا أقول انه كل ماخف وزن السياره يزيد التحكم .....
أولا السيارات الامانيه أثبت من السيارات اليابانيه والامريكيه بسبب أنظمة التحكم الالكترونيه المعقده ولو انه مافيها هالانظمه كان تفوق عليها الياباني والسبب الوزن الثقيل ....
ثانيا السيارات اليابانيه أثبت من السيارات الامريكيه بسبب خفة وزنها ....

إذا كان قصدك في المنعطفات ترى كل ماخف وزن السياره خف الحمل (( الضغط )) على المساعدات والطيات وإذا خف الحمل عليهم معناته انك تقدر تزيد السرعه أكثر خلال المنعطف لانه مافيه حمل كبير (( وزن كبير ))
لو زاد وزن السياره فهذا معناته حمل أكثر على المساعدات والطيات وهذا يعني كفائه أقل بسبب الحمل الكبير على المساعدات والطيات لكن بوجود الانظمة الالكترونيه المساعده مثل الالماني راح يتكفل بتعويض هذا النقص وانت تدري بتعقيد انظمه التحكم بالسيارات الالمانيه .....

إذا الوزن مش مهم في الثبات إذا ليش أغلب سيارات الفورمولا ون وزنها 400 كج مش 2 طن ؟؟
إذا الوزن مش مهم في الثبات إذا ليش يتم تخفيف وزن سيارات الرالي من 1400/1500 كج إلى 1000 كج ؟؟
إذا الوزن مش مهم في الثبات إذا ليش يتم تخفيف وزن سيارات السباق السياحيه الاوروبيه مثل الاوبل والبي ام والمرسيدس وغيرها من السيارات الاوروبيه المعورفه من 2000 كج إلى 1100 كج ؟؟

كل هذي السباقات تعتمد على القوه والثبات , وإذا فيه وزن زائد = ثبات أقل = أداء أقل في المنعطفات = خسارة وقت = مركز أقل



على فكره ...... خويي عنده مرسيدس e240 موديل 2005 وقد تسابقت معه على السفك حقتي موديل 98 هاتش باك (( عليها هدرز وفلتر ومساعدات رياضيه )) تدري اني كنت أقدم عليه في المنعطفات (( في قطر عندنا كل 500 متر دوار )) وهو كان يجيبني في الخط ...... هاه .... هذي سياره يابانيه طلعت اثبت من المرسيدس مع انه وزنها 900 كج ومشخت التقنيه الالمانيه واللي وزنها 2000 كج ؟؟
حتى خويي اللي عنده مرسيدس e240 قالي هو بنفسه (( لو سيارتك وزنها أكثر شوي كان مالك أمل تطوفني في اللفات ))

أما إذا كان قصدك الثبات على السرعات العاليه فهذي مالها أي دخل بوزن السياره وأنما شيء ثاني يلعب دور كبير في ثبات السياره ...
أنا اقصد إنسيابية السياره وكيفية مقاومتها للهواء على السرعات العاليه مثل 200 أو 220 .....
طبعا أنا ما أختلف معاك في انه السيارات الالمانيه ثباتها قوي خلال السرعات العاليه وتتفوق على غالبيه السيارات الثانيه و معروف انه السيارات الالمانيه خصوصا والاوروبيه عموما من أثبت السيارات على الخطوط السريعه ... السبب معورف لانها أنسيابيه وبسبب انسيابيتها تتحول مقاومة الهواء إلى Down Force وهو العامل اللي يزيد من ثبات السياره كل ما زادت سرعتها ....
طبعا الانسيابيه في التصميم غير موجوده في غالبية السيارات اليابانيه والامريكيه (( اللهم الموديلات الرياضيه )) لكن خلني اتكلم عن الموديلات السياحيه واللي اتوقع انه أكثر من 90% من الشباب هنا عندهم سيارات سياحيه وليست رياضيه ....
السيارات السياحيه اليابانيه والامريكيه ليست بها أي انسيابيه (( الانسيابيه 0 )) وليست مهيئة اصلا انه الواحد يسوق عليها 200 ويجيك ويقولك والله ثباتها ممتاز؟؟ أغلب السيارات السياحيه اليابانيه والامريكيه مصممه حق سرعات 130 إلى 150 ليس أكثر وبعدها تفقد الثبات ......



بالنسبه للديكور الداخلي اللي تقول انه أحسن من غيره وانه تطور وصار أفضل .... بس أبغاك تشوف هذا الفيديو ...
http://www.youtube.com/watch?v=f5W6rZ05Roo

شوف الفيديو وتأكد انه مش انا الوحيد اللي يقول هالكلام .........|3|

منو الي قال انه كل ما خف الوزن زاد التحكم ؟؟؟؟؟


و ابيك تعرف انه السيارات الامريكيه اثبت من السيارات اليابانيه .... مجرد معلومه ...




ولو تقارن المرسيدس مع التيوتا سوف تشاهد وزن المرسيدس يتفوق 3 اضعاف وزن التيوتا ...


مع ذلك السياره اثبت بي 1000000 مره ...



صحيح انه القطعه في الياباني تعمر اكثر .. لاكن الامريكي قطعه متطوره اكثر ...


و الديكور الداخلي تطور كثيراُ مثل الكلاسلير بعد تعاقدهم مع مرسيدس و بعض الشركات الامريكيه الاخري مثل كدللك و غيرها ..


قام السياره تتقارن مع الالماني و الانجليزي ...


و الامريكي في تطور مستمر و نلاحظ تطور الكابرس و الومينا الجديده .

الامريكي إذا سقته تحس كأنك راكب بانوش في البحر وما تحس كأنه قطعه وحده خصوصا مع المطبات او اللفات , كانه متفكك وهذا من تجربه لي مع الفورد اللي عندنا موديل 2003 |5| أسميه البانوش ...... لانه سواقته ممله ومال امها داعي ....
لكن يعجبني فيه انه مريح من الدرجه الاولى , يعني الجير تماتيك , وسيع من الداخل , المكيف تبريده جيد .......... لكن سواقته ممله وفيه بعض الحركات الغبيه جدا جدا واللي تنفرك من السياره .

وعلى طاري السيارات اليابانيه ليش هيكلها خفيف ....
هي صحيح لزيادة الاقتصاديه في التصنيع وفي قطع الغيار والوقود...... إلخ
لكن لاتنسى انه كل ماكان وزن السياره أخف كل ماكان التحكم فيها أعلى وأسهل + السيفتي حقها يكون أعلى في حال لو صار حادث لاسمح الله

أنا ما أصدق تقارير JD Power لاني أحسن انها غير عادله من جد ....

السيارات اليابانيه عادة تواجه أعطال بسيطه : مكيف لا يبرد , نافذه لا تفتح , أصوات قرقشه مع المطبات , واشياء ثانيه بسيطه لاتشكل خطر على حياة الركاب وماشالله JD Power يعتبرونها أخطاء فادحه , بينما السيارات الامريكيه تواجه أعطال خطيره مثل التعطل المفاجئ للمحرك والدفريشنات اللي ماتتحمل العزم والجيور اللي تتكسر بسرعه وأشياء تخليلك تستجن منها خصوصا لو وقفت في حر الظهيره !!


لحد يفهمني غلط ويقول اني متعصب للياباني ومدري ايش ...... لكن JD Power ماعندهم سالفه من جد وما يأخذ كلامهم لانه ليس من العدل انك تقارن خطأ بسيط مثل صوت قرقشه مع المطبات في سياره ياباني مع عطل كبير في محرك سياره امريكيه ....

يعني قول من كل 10 سيارات يابانيه 6 منهم فيها صوت قرقشه مع المطبات
بينما من كل 10 سيارات امريكيه 2 منهم فيها عطل في المحرك او الجير

في نهاية المطاف بيطلع في تقريرهم انه الامريكي متفوق بقوه على الياباني ,,,,,,, لكن خلكم واقعيين في فرق بين خطأ بسيط ما يأثر على الزبون مع خطأ كبير يأخذ وقت في التصليح ,, وماشالله JD Power تعتبر الخطأ خطأ سواء كان تافه أو مهم ؟؟

اللي باط كبدي انهم كاتبين انه البيوك واللينكلون والكدلك أكثر إعتماديه من تويوتا ونيسان وهوندا ؟؟؟ بالله عليك هذي السيارات اللي ماخذه أعلى المراكز عنهم قد شفت احد استخدمهم مثل مايستخدم الكامري ولا الالتيما !! طبعا لا

بالنسبه الي يقول ان ديكور الامريكي سئ

انا اتفق انه سئ لاكن سابقا

الان سيارات جي ام سي 2007 وكاديلاك و كرايسلر ونصف سيارات شفرولية ديكورها ممتاز

واصبحت جودتها عاليه

اخوي كاديلاك

كان يوجد موضوع قديم في قسم العام

كان يوجد التحالف بين الشركات

كانت جي ام و تايوتا متحالفه

والدليل تقنية VVT-I الي موجوده في سيارات تايوتا

زائد ان اليوكون بأنواعه وتاهو الاسكاليد اصبحت جودتها افضل مما سبق من جميع النواحي

اخوي غنيم بصححلك معلومه

تويوتا و جنرال موتورز آخر شي تتوقع انهم يتحالفون

الي بيتحافون هم جنرال موتورز+نيسان و رينو بقيادة كارلس غصن


اما تويوتا بعدها تدور حد تتحالف وياه و يقولون انها راسلت بي ام دبليو و فورد و لكن ما ردو عليهال بعدهم

تحياتي