es350 بعد التجربة

أخوى أبو فيصل ياريت تنفيدنا باللكزس من ناحية الهدوء والرساوة على الطريق والعزل الصوتى

مرحباً بك أخي في الله أبو فيصل:) شكراً لك على ردك وحسن إستجابتك..:) اليوم رحت أجرب لكزس ES350 ولكن للأسف تفاجأت بأن العزل الصوتي للسيارة تعبان جداً حتى سيارتي التي معي أفضل منها..:( ولما سألت موظف لكزس الذي كان معي قال لي بأنها سيارة تجربة وهي أول ما نزل في لكزس ES350 ولكن السيارات التي انباعت لم يأتي أي عميل يشتكي من العزل الصوتي..!!! فما أدري هل أنت واجهتك مشاكل في العزل الصوتي خاصة لما تتعدى سرعة 140..؟

ولدي مشورة منك..! أيهم أفضل ES350 أو GS430 وكلاهم موديل 2007 علماً بأن موظف لكزس أكد لي بأن موديل 2007 في GS لم يتغير فيها سوى إضافة خاصية تشغيل DVD مثل ES350..؟ لأني خايف يكون قوتهم مثل بعض..! وأيضاً يقول لي موظف لكزس بأن ES350 أوسع من الداخل من GS430..؟

لك مني أعذب وأرق التحايا.:)

حياك الله اخوي السندباد بالنسبة لاستفسارتك
1- السيارة ممتازة بمواصفاتها وهدوءها ولكن كما قلت سابقا افتقدت لميزتين بحكم امتلاكي للافالون 2005 الا وهي القومة والوسع ولكن السيارة في الخط لا يعلى عليها ومريحة صراحة وثابته ثبات عجيب
2-اخي الكريم بالنسبة للون بحكم متابعتي للحجوزات فاللون البني والأسود والؤلؤي والصدفي هي اللي مسيطرة وباقي الالوان قليل الطلب عليها جدا بالنسبة للؤلؤي فبدأ الحجز على اللون الجديد وهو اللي يجيك مايل للأخضر ماادري صراحة عن شكله بس يمدحونه الوكالة وفيه وحدة ممكن تنزل بعد 15 يوم بحاول اصورها
3-بالنسبة لـ ديفيدي نعم يشغل اغلب الأنظمة وفيه لوحة تحكم رائعة كأنه جهاز ديفيدي متكامل
4- نعم يشغل السيدي وجهاز الايبود بالنسبة لصيغة الإم بي ثري

حياك اخي الكريم وانا في الخدمة

مرحباً أخي أبو فيصل وألف مبرووك على السيارة الجديدة:) الله يطعمك خيرهاً ويكفيك شرها.. اللهم آمين. لدي بعض الاسئلة إذا لم يكن لديك مانع..! لأني مقبل على شرائها وقد دفعت عربون على حجزها..!

1- أخي الفاضل ما هو رأيك فيها بعد تجربتها هذه الفترة؟

2- ما هو اللون المميز على ES350؟ طبعاً اللون الذي يمزها عن بقية السيارات..! لأني محتار بإختيار اللون خاصةً بأني كنت أفكر في اللون اللؤلؤي ولكن بعد التفكير رأيت بأنه أصبح لون قديم ولا يميز السيارة.!!! :(

3- هل جربت تشيغل DVD.؟ وهل هو يشغل الافلام فيها؟ وهل هو يشغل جميع الر يجون؟ يعني متعدد الانظمة..!
4- وكيف يعمل تشغيل MP3؟ هل يعمل في السيدي أو فقط كما وضعت صورة توضح جهاز IPOD...!

تحياتي لك وعذراً على كثرة الاسئلة..! جزاك الله عنا كل خير وبارك الله لك فيها.

my name/ حياك اخوي ومشكور على ردك الجميل

أول شي : [SIZE=4]ماشاء الله , والله يعطيك خيرها ويكفيك شرها ويبعد عنك العين بإذن الله .[/SIZE]

إبداع أخوي ابوفيصل966 موضوعك هذا وريح ناس كثيره واولهم انا بالإستفسار عن هالتحفه ماشاء الله , تقريباً كل اللي براسي سألوه الأخوان وماقصرت بالإجابه على كل هالإستفسارات ...

تحياتي

الأخ عبدالله/ بالنسبة للفتحتين لا ليست موجودة لدينا والسبب على حسب كلام الوكالة انها لاتناسب الأجواء لدينا وأن اجهزة التكييف في السيارة لن تقوم بدورها بالشكل المطلوب

اخوي المغترب/ يالغالي ماحلفتني اني مكمل شهر بالدقيقة لكن تبي الصراحة في الوقت الحالي اذا جتك خلال شهر حب يدك مقلوبه لانه يقولون فيه طلبات عالية على السيارة طيب اذا كنت يالغالي بتسافر انا انصحك انك تدفعك قيمت السيارة كاملة وتنهي جميع الإجراءات عشان لو سافرت ووصلت السيارة تكون جاهزة وفي انتظارك

معليش ابو فيصل اشغلتك يالغالي

ابسألك كيف صار الانتظار معك ؟

لأنهم قالوا لي انتظر شهر وانسى .. انسى تجي قبل اقل من شهر

والحين باقي لي تقريبا اسبوع واكمل شهر

بس مو مشكلة الانتظار لكني انا ابظطر اسافر بعد اسبوع لمدة 20 يوم اخاف تجي وانا مسافر :confused:

يعطيك العافية ياابو فيصل

الاخ مشعل فهد/ الله يبارك فيك يالغالي ومشكور على مرورك

اخوي المغترب/ اختيار موفق والله يعينك على الانتظار

مبروك على السيارة

انفنيتي Q45 وبس/في البداية اعتذر عن التأخير بالنسبة يالغالي السيارة في الخط ماشاء الله تبارك الله سلمني عليها فعلا رساوة غير طبيعية تفاجأت بالسيارة انها شكلا اكبر من الافالون لكن صراحة اثبت واثقل وهذا ماعرفته بعدين ان السيارة وزنها اثقل من الافالون والله يكتب لك اللي فيه الخير

المغترب/ شف يالغالي انا ماقلت ان الافالون افضل انا قلت افتقدت حاجتين ولا اعتقد انها مهمة الا وهي الرحابة الداخلية والدعسة لانه صراحة هذي اشياء تعتبر لا شيء مقارنة بالأشياء الأخرى التي تتميز فيها لكزس نصيحة لك اخي المغترب اذا عزمت لا تختار اللون الأبيض صراحة انا بعترف السيارة تصميمها ليس مميز بحيث يمكن ان تلاحظ انها شكل جديد واختيارك للون الأبيض لن يجعلها مميزة وستتساوى مع بقية السيارات عكس الأفالون التي فعلا كان تصميمها يجذب الانظار والإنتباه.

الولد المدلل/ اخي العزيز اذا قلت لك خذ الأفالون فأنا صراحة ماعندي سالفة على الرغم ماكانت تتميز فيها الأفالون بس الصراحة تبقى هذي لكزس وفيها مواصفات لا تعد ولا تحصى بالإضافة الى فرق السعر الذي يصل الى 27 الف ريال أما بالنسبة لقطع الغيار والله ياخي السيارة جديدة وان شاء الله ماراح تحتاج لقطع غيار خلال الثلاث أو اربع سنوات القادمة عند المحافظه عليها والأسعار صراحة مثل ماسمعت من احد الأخوان ان الكزس لم تعد كالسابق اسعارها في العلالي مقارنة بقطع غيار السيارات الأخرى وبالتوفيق

طيب ابو فيصل يهمني رايك بخصوص المكينة وش رايك فيها انت قلت انها قومتها ثقيلة لكن إذا مسكت بها الخط كيف تصير معك لأني بصراحة من هواة السرعة على شوية محافظة .

ربي يعطيك خيرها ويكفيك شرها اخوي فيصل


بس بغيت اسئلك

وش تنصحني بالافالون او اللكزس

لائني من جد محتار مابينهم

خايف اخذ افالون واتحسف على الكزس والعكس صحيح

انا كل اللي مخوفني من اللكزس قطع الغيار احس انها غاليه

اما الافالون قطعها ارخص من الكزس وهذا اللي انا محتار فيه

بس انا ميولي على اللكزس اكثر وبنفس الوقت الافالون ماهي بسهله وانت هالحين مجرب الثنتيني ياليت تفيدني

لائن ردك بيخليني احزم اموري اكثر والسبب انك مجربهم

وبالنهايه الف مبروك عليك مره ثانيه

وبانتظار ردك يالغالي

اخوي ابو فيصل

تصدق اني كنت محتار بين الافالون واللكزس وبالنهاية اخترت اللكزس والان انتظارها بموجب حجزي قبل اسبوعين

وبكلامك ذا تخليني اتحسف ! لأني اساسا وانا اختار اللكزس محتار بينها وبين الافالون !