منظف البخاخات

[MAKER]

السلام عليكم

الكل منا يعرف ان البخاخات (حاقنات الوقود) مايصير ان تفتحهن ولهذا يوجد منتوجات سائلة توضع في تانكي السياره لتنظف البخاخ . السئوال هل هذه المنتوجات فعلا تنظف ؟ الرجاء الرد لاصحاب الاختصاص

[CamSHAFT]

نعم لها فائدة وليست (نصب) كما يعتقد البعض
خصوصا ان بعضها ينتج من شركات محترمة مثل جنرال موتورز , وبعض الشركات الثانية تضع مواد ماتفيد بشي مثل الايثانول او البنزين نفسه!!!
انت اهم شي لا تاخذ اي نوع

[سوبرا]

طيب أخوي night hawk
اش أفضل نوع فيها ؟!

وبعدين من اللي قال إن البخاخ ما ينفك .. يفتح على حسب الحاجة في التنظيف ..
هذا حسب معلوماتي واللي أعتقد إني قرأتها في أحد ردود الفني أو فني السيارات ..

[Night]

السلام عليكم ورحمه الله وبركاته

عزيزي بالنسبه لمنظف البخاخ توجد مواد عديده للتنظيف وهي متوفره من كثير من الشركات والماركات وحسب الجوده بين الرديء والممتاز

ولكن الافضل هو بانزين الطائرات

لانني جربت الماده هذي

واسمه

0 To 60 BOOSTER

يعني من الصفر الى 60

ولونه برتقالي على شكل نار

وهذا بانزين الطائرات

وينظف البخاخ تنظيف عجيب

وطريقة استعماله :

لازم يكون بالسياره ربع بانزين يعني ماتترسها لي النص فقط ربع

وتصب العلبه داخل البانزين لما تخلص العلبه

وبعدين تمسك خط سريع وتمشي يعني فوق ال 120 مسافه عشان تتبطل البخاخات ويطلع عزك الله الوصخ لي خارج الاقزوز



===================

وفي نوع ثاني صراحه انا أأيده تحصل في ورشات تسوي تنظيف بخاخات على جهاز بدون فك البخاخات وفك المواد الاصقه على الربلات

فقط الجهاز اهو اللي ينظف السياره واهو اللي يشغل عن طريق مد توصيلات بين السياره والجهاز ويظيفون مواد تنظيفيه خاص للجهاز

وايضا مجرب وقوي ويعطي السياره راحه في الضغط


**********


والطريقه الاخيره اللي اهي فك البخاخات ماانصحك تسويها اذا انت سويتها مره

لانه يفضل ان تتبطل البخاخات مره واحد فقط

وبعدها خلك على الجهاز احسن


لانه ممكن تخترب الربلات واشياء كثيره
والشغله هذي يبيلها واحد محترف عشان مايخربلك البخاخات وتدفع قيمتها ولا يقولك البخاخ كان في عطل

وانصحك تشوف واحد محترف خاصتا اذا انك تبي تبطل البخاخات لانه شغلتها حساسه

وانشالله افدتك عزيزي

وانا جربت التنظيف صراحه راح تشوف الفرق انه الموتر راح يرتاح خاصتا بالضغط

تحياتي لكم

Night

[$المهندس$]

كتبت الموضوع عشانك و ما يهونون الشباب


http://www.assayyarat.com/forums/sho...055#post930055



و التنظيف من الفك افضل من هذي السوائل ...

[DBA]

أنا أوافق الأخ Night Hawk والأخ المهندس
وأضيف أن البخاخات لا تنظف بشكل مستمر مع كل عملية صيانة بل كل 100000كلم فقط والطريقة المثلى هي وضع الكميكل الخاص من الشركة الأم وأقصد لو أن سياراتك كابرس مثلا تضع منتج من شركة AC Delco وهكذا مخصص للتانكي وليس مباشرة مثل الموديلات القديمة 1990 إلى 1994 فقط لأن البخاخات الجديدة لو تلاحظها أنها صارت أصغر وكثرة تعرضها للكميكل أي مواد التنظيف فإنك تقصر في عمرها إن لم تتعرض للتلف وملاحظة يا أخوان البخاخ يوجد له دروع حماية تبدأ من الفلتر الموجود داخل التانكي إلى الفلتر الخارجي إلى الفلتر الموجود داخل البخاخ فلا أعتقد أن البخاخ يحتاج إلى تنظيف كل فترة بل كما ذكرت سابقا كل 100000 كلم وعن طريق التانكي
هذا والله أعلم
وشكرا

[need_for_speed]

السلام عليكم

في منتج في الاسواق اسمه وررث worth الالماني الصنع انا الصراحه جربته
وعموما لما تستحدم منظمات الكيماويه لازم تستخدمهاعلى طريق سفر لحتى ما تبقى في تنك البنزين او في الخراطيم لانه بتسبب بتنشيف البلاستيك

[MAKER]

مشكورين يالربع على الردود وشكر خاص للمهندس