تركيب ريموت للقراند ماركيز

كان عندي فكتوريا 97 فل كامل

المهم الريموت اللي جاء معها هو النوع القديم اللي مثل الكمثرى ، وخرب

المهم رحت الوكالة عشان يعطوني ريموت قال لي الريموت بـ 100 ريال والبرمجة بـ 130 ريال

طبعا طلعت من عندهم

ورحت لقطع الغيار واشتريت ريموت المربع الشكل بـ 100 ريال

وبالاستعانة بكتالوج السيارة عن طريق الأزرار اللي على الباب برمجت الريموت على السيارة وتعرفوا على بعض هههههههه


الشاهد في الموضوع النصب اللي عند الوكالة !!!!!

برمجة ما أخذت 5 دقائق ويقول لي بـ 130 ، المفروض مجانا مع القطعة

يعطيك العافية
|357|

الله يعافيك ويبارك فيك

يعطيك العاافية

ومبرروك الاشرراف تستااهل كل خير

تحياتى

يجي اربعة فتح واغلاق وشنطة وزر البحث عن السيارة اللي هو البوراي والانوار

تسلم اخوى فيصل تعبتك معى بارك الله فيك

بالنسبة للى على الفل كامل هل يااتى 4 ازرار فى الريموت ام 3

تحياتى لك عزيزى

معليش اسف على التاخير بس المنتدى مافتح معي امس نهائيا


بالنسبة للريموت اللي تقصد وتقول ان السيارة ماتشتغل بعد فتره هذا اسكوربيون جهاز انذار ضد السرقة وسعره 1043 بعد الخصم والتركيب 130

واما الاصلي اللي يجي على الفل كامل فسبق اني ذكرت سعره في الصفحة السابقة ولك تحياتي

اخووى فيصل

شكلك نسيتنى ههههههههههههههه

هلا اخوى فيصل

يعطيك العافية

الريموت الى تقصدة ب 541 ريال هل فيه خاصية انه اذا فتحت السيارة به ولمدة ( مانى فاكرها تقريباً ) اذا ماشغلت السيارة على طول لايمكن لك التشغيل الا بعد اغلاق الابواب وفتحها بالريموت مره اخرى

ياليت تووضح لى هذه لنى سمعت الشباب يتكلمون عنها الى يملكون الفكتوريا

وهل هذا النوع الى ذكرته اخى ب 4 ازرار

تحياتى لك

أنا أبغى الريموت العادي الي يجيء فيه 4 أزرار .. اللي يفتح ويسكر والشنطة مع الهرن ..
..
أي المتوفر على الفكتوريا الي بريموت ..
..
واكون لك شاكر لو تبين لي كل ريموت بميزاته ..
..
طبعاً لون السياره أسود ومن الداخل بيج مايل الى الأبيض بشدة علماً أني طلعت بالسياره يوم مع الاهل ورجعنا السياره كأنها صار لها 5 سنوات عندنا اللون يتوسخ بسرعه كبيرة .. وكل من وقف معانا قال وش لكم بالأسود والسياره اكبر من النوع العادي .. وللأسف ماعندنا كراج يعني السياره دوم بالشمس .. بدون لاتظليل ولاغيره .. وبالفعل أمس طلعنا مشوار طويل شوي المكيف على الماكس والمروحة أعلى شيء .. المكيف بارد جداً ولكن السياره حارة بشكل مخيف ..
يعني بالراحة بالظهر لازم نص ساعة لين يبرد المكيف . وهو على أقصى سرعة .. والي زاد الطين بله كل من شاف السياره يسأل موديل 98 لو 2000 دي .. وصراحة صابتنا علامات الأحباط .. كأن فلوسنا 87 الف طارت بالهواء . ولاحظت شيء رجة بالدركسون وانت تسوق على خط طويل ماأدري هل من الشارع مع ان بالمونديو امشي 180 والدركسون ثابت أقصد انه يهتز مع المطبات .. ماادري هذا خراب أو ؟؟

..
أرجو الرد وأشكر لك التفاعل والمجهود

هلا اخوي MONDEO _05


الله يكون في عونكم


بالنسبة للاسعار اللي قلت عليها بالنسبه للريموت الاصلي حق الوكالة انا سالت عنه في قطع الغيار وقالي ان سعره 541 بعد الخصم والريموت اليدوي اللي هو الاسود حق الوكالة اللي فيه حق فتح الابواب واغلاق الابواب وفتح الشنطة والزر الاحمر حق البواري والانوار اذا جيت تدور السيارة في مكان كبير هذه سعره 93 بعد الخصم واتصلت على الصيانه وقلت لهم ابشتري من قطع الغيار ريموت وابركبه عندكم بكم تركبونه قالو لي 130 ريال ولكن اسمع انتظرني بكره وراح اروح لهم لاني اعرف كذا واحد بالوكالة واتاكد من كل شي من الجناح ومن المسجل بسي دي و الريموت

وللمعلومية فيه ريموت ب 990 وفي ثاني ب 1400 لكن اللي بالف واربعمائة هذا اسكوربيد حق السرقة وهو بصراحة حلو لكن يعتبر شي اضافي مو مثل الشد بلد اللي مافيه نظام سرقة

انتظرني بكره وانشاء الله الامور تتسهل

السلام عليكم ..
..
أخ فيصل سبورت أرجو الرد العاجل ..
..
طبعاً طلعنا كراون فكتوريا ستاندر من الوكالة ولكن القاعدة المطولة الي هي بنفس مواصفات الأستاندر القصير
..
وصراحة أتفقنا مع الوكالة أن مانستلمها الأ بعد تركيب الريموت لانها بدون وتركيب الجناح والسيدي ..
..
ووصلت السياره وتمت اخراج لوحاتها ولما جينا نستلم السياره ماشفنا شيء من الي ذكرناه حتى صار هواش بالوكالة والوالد قال ماأبغى السياره .. ولكن اشتغل مندوب المبيعات السوري وقال ماعليك احنا نزبط لك كل شيء .. قبل مانستلم السياره قال لنا الجناح بحوالي 400 ريال والريموت بـ 990 والسيدي بـ 1000 ريال
..
ولكن بعد مااستلمنا السياره قال احنا نتعامل مع مجموعة السلام وراح نحولكم عليهم وقال الوالد أنا ابغى اشغل بالوكالة .. مندوب المبيعات قال الريموت الي عندنا موااصلي يفتح ويسكر بس والموجود عند مجموعة السلام هو الاصلي تبع الوكالة ..
..
وقلنا له شوف لنا الاسعار .. وجاء بالبيان التالي ( الريموت بـ 1300 مع التركيب والجناح بـ 900 ريال والسيدي بـ 1800 ريال ) الوالد ماأقتنع بالأسعار وقال والله السياره ماتسوى وبالفعل السياره طاحت من عين الوالد ولكن الفاس طاح بالرأس وقال لو احنا ماخذين ماركيز مع ان فرق السعر قليل وشكل اجمل وافخم .. الفكتوريا مافيها شيء بـ 87 الف والماركيز بـ 95 الف والماركيز يزيد بـ السيدي والريموت والأزرار الموجودة على الابواب والهيدروليك بالأضافة للشكل الأفضل ولكن الشيء الوحيد الي دعانا نروح للفكتوريا هو الضمان 4 سنوات غير محدد ووكالة الحاج حسين بعيدة نوعاً ما . ولكن لو تشغل بالك وتحسب سعر الكراون بعد تركيب القطع راح يطلع بـ 90 الف وبدون هيدروليك وبدون ازرار على الابواب ولو راح نركبهم راح يطلع فوق سعر الماركيز .. ولكن مافائدة الندم الأن |5| طبعا أنا اتكلم عن الماركيز ذي القاعدة المطولة .. يعني النصب عينك عينك ..
الله لايهينك انت متاكد من الأسعار :)

بالنسبة للريموت الريموت الاصلي من الوكالة قيمته 541 بعد خصم 25 % والريموت اليدوي ب 93 بعد الخصم والتركيب شغل يد بالوكالة 130 ريال وبالنسبة للاقفال مع التعشيق على دي فبرضوه تبرمج لكن السعر والله نسيت اسال

عموما مالك الا الوكالة اللي هي توكيلات الجزيرة لان الحاج حسين شوي غالي وتوكيلات الجزيرة تستقبل الميركوري

يعطيك العافية

اخوي فيصل مااتقصر بارك الله فيك

ياليت تفيدنى ايضاً هل يمكن عمل برمجة له كاملة كما فى الفل اوبشن ( يعني انوار بورى عندى الفتح اوالاغلاق

ايضاً اقفال عند تغيير وضعية الى d )

بصراحه سمعت اشياء كثيرة تبرمج

تحياتى لك اخى