&&& مـطـلـوب هــونـــدا أكـــورد &&&

أخي عزيز النفس ألف مبروووك السيارة والله يعطيك من خيرها ويكفيك شرهاااا ...
وعن الجنوط التجارية صحيح أن شكلها جميل ويعطي هيبة للسيارة لكن لا أنصحك بها فهي تسبب رجة على السرعات فوق 100 وبنفس الوقت هناك خطر كسر الجنط لأنه تجاري ومعرض أن ينكسر لأي سبب وإذا انكسر وأنت مسرع كارثة ,,, أنت الآن لاترضى أن تركب كفر صيني غير معروف الهوية على سيارتك لأنه مليء بالمشاكل فما بالك بالجنط ؟
دور في شارع الغرابي عن جنوط وكالة مستعملة وبتحصل إن شاء الله وإذا مالقيت واترك لهم كرتك أو رقمك وخذ أرقامهم وشيك عليهم كل فترة لأنه يجيهم بين فترة وفترة ...
وإذا فيك عجلة شف وكالة السبر اللي على طريق خريص قبل مخرج 13 على الخدمة يقال ان عنده جنوط اصلية وأرخص من الوكالة بس مو متأكد هل الجنوط وكالة 100% أم أصلي درجة أولى المهم أنه أرحم من التجاري اللي في الغرابي .

اخواني

أنا أبشركم شريت أكورد سبشل 2006

بس اللي يقدر يفيدني عن الجنوط التجارية هل فيها مشاكل ؟؟

صراحة احترت .. فيه ناس يقولون تمام وناس يقولون لك عليها

يقولون تسبب رجه بالسيارة اذا زادت السرعة عن 120 كم

وتأثر على الاذرعة والعكوس ... هل هذا الكلام صحيح ؟

أرجوا منكم النصيحة اخواني

في أمان الله

أشكر الجميع على تفاعلهم مع الموضوع

وأسف جداً على التأخير بالرد


اخي الكريم msh3l1

الف الف الف شكر لك على تفاعلك مع الموضوع وجعل ذلك في ميزان حسناتك يا رب

--------

أخي الكريم برابوس

الف شكر لك على الرد والتفاعل مع الموضوع

وأنت صادق اخوي فعلاً الاكورد ماسكه سعرها وهي مستعملة

--------

أخي الكريم zaeem

أنا أبشرك شريت سبيشل جديد

الف شكر لك على الرد وعلى عرضك للسيارة

والله يطعمك خيرها ويكفيك شرها ويرزقك ببيعة أفضل ان شاء الله

---------

أخي الكريم المميز 2003

الف شكر لك على الرد والله يرزقنا واياك من واسع فضله

وان شاء الله المعلومة اللي ذكرتها يستفيد منها اخواني الراغبين بشراء سيارة اكورد 2006

وخاصة اخي برابوس الله يرزقه بسيارة نظيف وبسعر معقول ويطعمه خيرها ويكفيه شرها

--------
استودعكم الله الذي لا تضيع ودائعه

في أمان الله

ياخي توني بايع سيارتي قبل فترة جلد وفل والظاهر أن لها إعلان هنا ... على العموم فيه وحده فل كامل جلد ماشي حوالي 20.000 مدري هي نظيفة والا لا في معارض الشفا وقال المعرض مطلوب فيها 77500 وتراني لمحت مخش في الرفرف الأيسر الخلفي لكن تأكد منها والمعرض قريب من الساحة الجهة الجنوبية معرض عند جيوب وتلقى الأكورد حاطها في الوجه وشكرا ...

أخي زعيم هل هي 4 أم 6 سلندر ؟ وهل تم عمل الصيانة الدورية في الوكالة ؟ وهل مقاعدها جلد أم مخمل ؟
[EMAIL="w41@hotmail.com"]w41@hotmail.com[/EMAIL]

يوجد هوندا اكورد 2006 فل كامل اللون ابيض لؤلؤي ماشيه اقل من 9000كم بحاله الوكاله جديده حد 78 الف

اذا بغيت ارسل لك صوره على الاميل ما عندي مانع

أنا الفترة هذي قاعد أدور في المعارض على أكورد 2006 قلييييل ماتلقى وإن لقيت فهي غاالية لقيت ثنتين والفرق مااايسوى عن الوكالة تقريبا ثلاثة الآف إلى خمسة الآف وهي مستعملة وماشية مشي معقول !!
واحذر من نصب الشريطية بعضهم يركب جنوط تجاري 2006 وإذا سألته قلت أصلي ولا تجاري قالك خل أشوف ويقول دام عليها علامة هوندا أكيد أصلي يعني يضحك عليك على أنها 4 سلندر فول كامل والأسعار ..... نااار .
وترا البرحة ( الساحة ) أرخص من المعارض لكن متى بيجي صاحب الأكورد اللي لونه لؤلؤي عشان يبيع رح متى مافضيت ودور لعل وعسى تطيح بواحد يبي يبيع .

و الله يخوي للاسف ما اذكر اسم المعرض لاي شايفها من اربع شهور

لكن انت دور و بتلقى ان شاء الله

و انا بمر المعارض ان شاء الله و اذا حصلت شي زين عطيتك خبر

و بالنسبه لهذا اللي طالب 64 الف الظاهر انه محدد السعر

بالاعتمادعلى الاسعار القديمه ما يدري ان الاسعار نزلت

و بالتوفيق ان شاء الله

والله وانا خوك
مره رحت تشاليح الحاير
وشفتلك تشليح عنده كم سياره من ضمنها هوندا اكورد
موديل 2005 او 2006 اللون ابيض فيها صدمه في الركن الامامي
الايمن اظن ورده طالب فيها 30 الف والصدمه والله تصلحها بحول خمسه الاف
يعني قل 40 الف
شفت الصيداااااااااااات

هلا وغلا فيك اخوي msh3l1

والف شكر على الرد والتفاعل

يا ليت اخوي msh3l1 تقولي اسم المعرض لو تكرمت

لأني تعبت تقريباً وأنا أدور بالمعارض مرة شفت موديل 2006 اقل نوع اوتوماتيك يعني بس قير اوتوماتيك

وبدون جنوط ولا فتحه وماشيه حوالي 6000 كيلو وطالب فيها 64000 ريال :(

والجديد عند الموزع بــ 67000 ريال يعني معقولة بس طايح فيها ثلاث ألاف ريال ؟!!!!

مرة ثانية ألف شكر لك اخوي msh3l1 وما قصرت

واذا مافيه كلافة عليك تذكر لي اسم المعرض أكون لك من الشاكرين

ولك فائق تقديري واحترامي