من الأرمادا إلى الألتيمــا ... يا قلبي لا تحــزن

اخوي

ابوفيصل966

تعقيبي على الموضوع كالتالي :

ان بإمكان اي عضو وضع موضوع مشابه لهذا الموضوع . وكل ماعليه تغيير المضمون من نيسان الى تويوتا او هوندا او اي شركة

وضع موضوع بهذا الشكل امر سهل جدا

والسبب ان سيارات نيسان الان بأفضل حال من سابقتها .

وانا لا اكذبك او اذكب كاتب الموضوع لكن هذا هو الحاصل

اخوك غنيم

ما اتوقع ان السيارة توصل للدرجة ذي من المشاكل

انا كنت جالس في الوكالة مع واحد من الموظفين وجاه اثنين من الزباين اللي توهم شارين الارمادا والسيارة لها فترة معهم ، الاول قال الحمد لله توفقت في السيارة يعني راضي عنها تماما اما الثاني فيقول انه سافر عليها مرتين لجدة ورجع ويقول في الخط امشي عليها 180 كم والسيارة من احلى واروع ما يكون ، ما قال اني سمعت اصوات وقرقعة وانا ماشي عليها ، ما فيه شي يضطره للكذب ، حتى ان الاول قال ببيع السيارة واشتري موديل 2006 طبعا الكلام هذا اول ما جت موديلات 2006 عندنا وهذا دليل على انه مبسوط من السيارة

نيسان يخططون في الـ 3 سنين الجاية انهم يبيعون 140 الف سيارة في الشرق الاوسط مع طرح 19 سيارة جديدة كاضخم طرح لنيسان في التاريخ بالنسبة لمنطقتنا ، تعتقد انهم اعلنوا هالرقم من عبث ؟؟ لو ان سيارات نيسان كلها مشاكل وتتفكك على قولتك كان ما قالوا كذا ، بالعربي مبيعات نيسان في ارتفاع واضطراد وهذا بسبب طرح الـ 10 سيارات الجديدة في آخر سنتين تقريبا

اما مشكلة الفرامل انت ذكرتني بالباترول اول ما نزل في 98 ، كانت فيه رجه بالكفرات يعني تطلعها من الوكالة وهي ترج عليك وهالشي اثر كثير على الباترول في المبيعات ، الارمادا كانت فيه هالمشكلة البسيطة في اول دفعة بسبب ضخامة حجم الجنوط والاطارات لكن تداركوا المشكلة في الدفعة اللي بعدها و مبيعات السيارة زي ما هي يعني مو هذاك العيب الكبير زي الاطارات الي طلعت في الباترول

اما اللي يقول نيسان مكينة بس انا بسأله سؤال : تقدر تفسر لي سبب انتشار النيسان بين الناس ؟؟ ابي جواب مقنع

المورانو الجديد من يقول ان فيه مشاكل ؟؟ بصراحة اول ما قريت بداية الموضوع وشفت ان المورانو فيه مشاكل غسلت يدي من الباقي وعرفت انه كلام ملفق مع احترامي لناقل الموضوع ، المورانو ما فيه اي مشاكل او عيوب تصنيعية ابدا ولعل من اكبر اسباب خلوه من المشاكل انه وارد اليابان 100% ، النكتة الثانية اللي في الموضوع هي كلام الطفلة اللي تقول كأن طبلونه جوال العنيد ، يا حبيبي توها طفلة ، وش دراها بالجوالات وانواعها ؟؟ :D وش عرفها بالعنيد ونوكيا كله وخرابيطه ؟ انا ما اخبر البزران يهتمون بالجوالات ابدا ;)

هذا كلام واحد ما يداني شي اسمه نيسان واكرر واعيد انه كلام ملفق مع تكرار احترامي لك يابو فيصل