نصيحة (اياكم وشراء هالسيارة )

امسك سيارتك و أمن عليها و ريح راسك

المفروض انك يوم كنت مقرر انك تبيع السيارة انك تاخذ سيارة شعبية ومطلوبة

لكن مادام سعرها كذا انكسر لا تبيعها

قسم بالله غبنة :(

غريبة والله أخوي يعني انت أول مرة تعرف عن شىء أسمه يمسك سعره وما يمسك


شيء طبيعي أن المازدا طاح سعرها 11 ألــــف ،،،


لأن اللي يفكر يشريها ما يفكر بالسعر يفكر بأشياء أفضل وأنت ما شريتها لأجل انك تبغى تبيعها حتى بعد 3سنوات

وأنا أقولك المازدا 6

أشتريها لأجل :

الرساوة الرهييبة
القوة والمتانة
الشـــــكل
الأمـــــــــان أفضل بكثير
تصميم أوربي
فخامة
وووو

ما أفكر ببيعها أبـــــد

،،،،،،،،،،،،،،،،

على فكرة مو بس تويوتا اللي تمسك سعرها هذا كان زمان
الحين فيه أكــــــورد وفيه أكســــــنت بالنسبة للي يقول الكوري هونداي يطيح سعره ،وفيه وفيه ...


0
0
0

أبطااااااااااااااااااااااااااااااااااات
ولا وتقولي...





تبيني أشتري طول عمري وكل سياراتي تويوتا؟؟؟؟
أبطاااااااات

تحسب تويوتا شركة الرقم واحد في كل شيء!!!

طبعا لا وألف لا

أنا لا أنكر انها لها سيارات ممتازة ومميزة وعملية وآلخ

بس خلني أقولك تجربتي لسيارات تويوتا!

تويوتا كامري 2003 تماتيك GLI و هايلكس 2005 وكالة GLX غمارتين دفرنس واحد.

نبدا بالكامري
شريتها مستعمل أستخدام نظيف جدا ماشاء الله تبارك الله بحول 55 ألف وبعتها لواحد من الزملاء بـ 53 ألف طاح بس 2000 ريال

نجي للهايلكس
شريته بـ 64 ألف بعته بعد سنة كاملة بـ 62 ألف ومعلم راعيه أن الأستبنة مسروقه الله لا يبارك في اللي سرقها :(

المهم شفت كم طاح منها! بس كلها ألفين وأنا أشهد لها أنها سيارات تمسك سعرها بس خلنا نجي للجوانب أخرى.

الكامري وش الميزات الي عجبتني فيها ووش السلبيات:

الميزات:
1- أقتصادية في أستهلاك الوقود.
2- مريحة المركب.
3- قطع الغيار متوفرة بكثرة ورخيصة أيضا
4- سعرها بعد البيع لا ينقص كثيرا أبدا بل يمسك سعره.
وغير من المميزات الي لا أذكرها آلخ.

طيب نجي للعيوب الي لاحظتها فيها:
1- تنسيم زي العسل ههههه صراحة التنسيم مزعج للغاية أقول ليش بس ما أفك الدريشة أحسن :D .
2- أي واحد يقدر يسرقها بالراحة!!! وهذي أكره شيء لي فيها.
3- أسمحولي للي معه الكامري الرساوة مافي بعد 150 والطارة خفيفة مرة أحس الموتر يبي يهج بالراحة لو أهزها هزة قوية.
4- شكل عادي جدا مقارنتا بالمنافسين للسيارة يعني ما أحس أني أركب سيارة مميزة.
5- التماتيك فيها ضعيف أنطلاقته تحس ثقيلة بالمرة الكامري الي قد كانت معي قبل موديل 2001 تماتيك GLI كانت أحلى وأفضل بمليون مرة في العزم تنط من يوم تلمس دعسة البنزين أما الجديدة بطيئة بقوة تقول بطة هههه.

هذي الكامري

نجي للهايلكس

ميزات:
1- قوي جدا وأقتصادي في أستهلاك الوقود.
2- يستطيع أن يتحمل اشياء كبيرة في التحميل مثل ثلاجة قد شلت عليه ثلاجة كبيرة.
3- يمسك سعره نفس الحكاية.

العيوب:
1- شكل الداخلي قبيح للغاية.
2- أنسيابية مااااافيه أبدا أذا جاء هوى قوي الموتر يروح يمين ويسار <<< حمدالله والشكر.
3- مزعج للغاية من ناحية صوت المحرك مافي عزل بينه وبين صوت المحرك تسمع صوت مرتفع للمكينة وهي تمشي 120.
4- التنسيييييييم وكالعادة تويوتا حدث فلا حرج أكثر شيء تشتهر به هي التنسيم التنسيم يطلع بقوة عن 110 عاد الباقي أسوء لو تسرع أكثر.
5- هذا أغبى عيب شفته في حياتي للهايلكس أمشي في طريق مستوي ولا مكسر الموتر يطامر طووووووووووول الوقت <<< بالله ذي سيارة للأوادم! هذي سيارة للخرفان وتخب بعد.



يعني فيه لكل سيارة ميزة وعيب!

وكلامي أنا لا أقصد اني أقولك تويوتا سيئة بل هي ممتازة بس قد تطلع سيارات مستواها متدني نوعا ما

يعني خلني أقولك

لو تخيرني بين كابرس رويال وأفالون ليمتيد تدري وش باخذ؟؟؟

ولا الفرق شوي باخذ أفالون |6|

فيه مواتر ممتاز وفيه بعضها نص ونص وغير كذا تجد بعضها مبالغ بها

طيب فيه ناس تحب نوع معين من السيارات مثلا الهايلكس!!! الي توني طلعت عيوب الدينا فيه

تدري أنه عاجيني رغم أني أكرره
بس وش الي يعجيني فيه

الي بياخذه للبر وبيكسر ويطعس به إلى أن يطلع الي في راسه هههههههههههه
نفس الكلام الكامري الواحد ياخذها وهو يحس انه توب التوب

تدري ليش يحس بهذا الشعور!

لأنه يعرف السيارة بكل ما فيها
ويعرف ميزاتها وعيوبها
وطالما يعشقها لان يرى بعض عيوبها
وقت تكون هناك عيوب ذكرتها أنا لا أحد يهتم لها أو لا أحد يراها عيباً

أعتقد أنك فهمت ما أقصد

يعني تاخذ الموتر على قناعة أفضل شيء ولا تفكر في أن السعر يطيح ولا يمسك إلا اذا تفكر أنك تبيعها قريب.


أخوك أبـــوأســــد|3|

عزيزي eng2s

مثل ماقال اخوي بشار عدم شطارتك في البيع لايعني فشل السياره ...

طيب الBMW اول ماتنزله من باب الوكاله يطيح اقل شي 20000 ريال ... تصدق ؟؟!!!!!

وبلنسبه للمازدا فهي من الشركات صاحبة السيارات العمليه والرائعه ولم اسمع بان احدا يعاني من مشاكل او هربده

الا اذا كان عيب مصنعي فهذا امر محتمل مع جميع السيارات

عدم شطارتك في البيع ما يعني ان السيارة فاشلة !!!

السيارة تبيعا الوكالة عشان تستخدمها مو عشان تبيعها

تحياتي ،،،

الله يعينك اخوووي

فعلا كذا المازدا .....

احمد ربك 11 الف ريال
وش تقول بالي يشتري سياره ب480 وبيعها 250 الف !!!!!!!!!!!!

صحيح انا اعتبرك غلطان 100% لو انك بتبيع السيارة كان قلت لا تشوف مازدا ولا تقرب لمها ابدا ابدا مشكلتها زي الكوري اسعارها تنهار حتى لاتقرب نيسان ولا كيا ولا هينداي ولا سوبارو كلها تطيح اسعارها بمبلغ كبير

اما الخرابات مشكلة مازدا شبه حساسة ولكن اعرف واحد استخدامة سيئ للسيارات وما عنده مشاكل ماشاء الله

ياخوي الوافي احلي شكل بس مضمونا والله ولا شيء انا خوي عنده فل كامل مازدا 3 والله مالها سنه ماعاه والحين أصوات طقطقه وخرابات واجد وازيدك من الشعر بيت لمبه المكينة ولعت مدري ليه

الله المستعان !!!!


ليش طيب !!

صدق والله حرام لكن السياره رائعه صراحه احلى من الكوريلا بمليون مره ( وجهه نظر )


وشكرا

عادي وش توقع كل الشركات كذا عدا تويوتا