السلام عليكم ورحمة الله وبركاته
يعطيكم ربي الف عافية اخواني الغاليين .. والله حبيت اطرح هذا
الموضوع ونقارن بين الوكلاء لجميع انواع السيارات لدول الخليج
وكل واحد صار له موقف مع اي وكيل او شاف شي عن معاملتهم
يخبرنا وينورنا واتمنى الكل يشارك في الموضوع ...
بما اني كتبت الموضوع راح اكتب عن الوكلاء في البحرين ...
بالنسبة للوكلاء في عندنا في منهم الزين وفي منهم الشين على قولتهم
اصابعك مو سوى ... يعني بالنسبة لمعاملة التويوتا جربناها وكانت جداً
جميلة وتعاملهم طيب وفيهم اخلاق ... بالنسبة للفورد والله لك عليهم حيث انه
مره رايح مع خويي نشوف له سيارة والي قابلنا كان مودع الدنيا وشايل
هموم الدنيا فوق راسه ولا له بال حتى يكلمنا مما دعنا نطلع بسرعة البرق
والمتسوبيشي اول ما تدخل يجي لك احد العمال ويساعدك بالي تبيه ...
الأوربية شويه مو وايد شايفين في حالهم يعني يتعاملون معاك زين بس
ما يليق بمستوى المطلوب ... المرسيدس ما عليه اي كلام طبعاً احلى من العسل
ولو جينا حق السيارات الفخمة مثل الرولز رايس تشوف المعاملة جداً سيئة
واول ما تدخل يضيق خلقك من معاملتهم .. وراح احكي لكم قصة احد رجال المملكة
ومن كبار رجال اعمالها رحمه الله .. كان يلبس لباس عادي وراح الوكالة يبي
يشتري له رولز رايس لما دخل استفسر عن سعرها قال له هاي سيارة مو من
مستواك واتفضل ... قاله طيب قول لي سعرها وانا اقولك من مستواي او لا
قال له لا بس متع نظرك فيها واتيسر قال له مب مشكلة انا راح اوريك من مب
مستوى الثاني ... طلع الرجال وراح احد الدول واشترى ثنتين بدل الوحده
وجابهم على باب الوكالة وخلى وقاله تعال وراح فتح له الصندوقين معبيين
حشيش للحيوانات .. قال له شوف هاي الي مب من مستواي شريتهم لنقل حشيش
وجى المسؤول يستسمح وكذا قال له خله يعرف يتعامل مع الناس مره ثانية ..
وهاي القصة يا اخوان حقيقية ومعروفة ... والدوج ايضاً لا يبعد عن مستوى
اخلاقيات الرولز رايس الا بمستوى قليل والمميز في الدوج انه يتصيد بالماء
العكر يعني محتكر السوق وقطع غيار جدا عالية ومعاملة سيئة كذلك ....
اخواني انا ماريد اطول عليكم بس هاي القصص الي في بالي والوكالات الي
على بالي ... اتمنى من الاخوان التفاعل في الموضوع ويطرحون تجاربهم
من جهة تعاملهم مع الوكلاء في السعودية او اي دولة ثانية ..
اخويكم
clk_200
يعطيكم ربي الف عافية اخواني الغاليين .. والله حبيت اطرح هذا
الموضوع ونقارن بين الوكلاء لجميع انواع السيارات لدول الخليج
وكل واحد صار له موقف مع اي وكيل او شاف شي عن معاملتهم
يخبرنا وينورنا واتمنى الكل يشارك في الموضوع ...
بما اني كتبت الموضوع راح اكتب عن الوكلاء في البحرين ...
بالنسبة للوكلاء في عندنا في منهم الزين وفي منهم الشين على قولتهم
اصابعك مو سوى ... يعني بالنسبة لمعاملة التويوتا جربناها وكانت جداً
جميلة وتعاملهم طيب وفيهم اخلاق ... بالنسبة للفورد والله لك عليهم حيث انه
مره رايح مع خويي نشوف له سيارة والي قابلنا كان مودع الدنيا وشايل
هموم الدنيا فوق راسه ولا له بال حتى يكلمنا مما دعنا نطلع بسرعة البرق
والمتسوبيشي اول ما تدخل يجي لك احد العمال ويساعدك بالي تبيه ...
الأوربية شويه مو وايد شايفين في حالهم يعني يتعاملون معاك زين بس
ما يليق بمستوى المطلوب ... المرسيدس ما عليه اي كلام طبعاً احلى من العسل
ولو جينا حق السيارات الفخمة مثل الرولز رايس تشوف المعاملة جداً سيئة
واول ما تدخل يضيق خلقك من معاملتهم .. وراح احكي لكم قصة احد رجال المملكة
ومن كبار رجال اعمالها رحمه الله .. كان يلبس لباس عادي وراح الوكالة يبي
يشتري له رولز رايس لما دخل استفسر عن سعرها قال له هاي سيارة مو من
مستواك واتفضل ... قاله طيب قول لي سعرها وانا اقولك من مستواي او لا
قال له لا بس متع نظرك فيها واتيسر قال له مب مشكلة انا راح اوريك من مب
مستوى الثاني ... طلع الرجال وراح احد الدول واشترى ثنتين بدل الوحده
وجابهم على باب الوكالة وخلى وقاله تعال وراح فتح له الصندوقين معبيين
حشيش للحيوانات .. قال له شوف هاي الي مب من مستواي شريتهم لنقل حشيش
وجى المسؤول يستسمح وكذا قال له خله يعرف يتعامل مع الناس مره ثانية ..
وهاي القصة يا اخوان حقيقية ومعروفة ... والدوج ايضاً لا يبعد عن مستوى
اخلاقيات الرولز رايس الا بمستوى قليل والمميز في الدوج انه يتصيد بالماء
العكر يعني محتكر السوق وقطع غيار جدا عالية ومعاملة سيئة كذلك ....
اخواني انا ماريد اطول عليكم بس هاي القصص الي في بالي والوكالات الي
على بالي ... اتمنى من الاخوان التفاعل في الموضوع ويطرحون تجاربهم
من جهة تعاملهم مع الوكلاء في السعودية او اي دولة ثانية ..
اخويكم
clk_200
