السلام عليكم
مساكم (صبحكم ) الله بالخير
الموضوع اني باذن الله ناوي اطلع سياره جديده
واحترت في كذا سياره وابغى نصيحتكم
كنت مفكر بالافالون بس قبل امس كنت بوكالة تويوتا وبعد سعرها والمده المنتظرة هونت عليها
قالي قيمتها 116 الف
والطلبية تاخذ 4 شهور
وقلت بيني وبين نفسي لو بدفع 116 الف ابزيدها وباخذ اودي الجديده ، او اشوف انفنتي الجديده
غير المده الطويلة
مع ان الافالون عاجبتني مره
بس وش نسوي من هالوكيل الله يهديه
وفكرت بالكابرس الجديد
بس عندنا للوالد كراون فوكتوريا 2002 جديد وما مشى كثير والوالد قليله مشاويره ومتقاعد وماله داعي اشترى سيارتين من نفس النوع وبينهم تنافس ولا وش رايكم؟
قلت اشتري سياره دفع رباعي
فكرت بالانفوي
بس عيبها بتذبحني 8 سلندر
والتلبليزر
هي داخله مخي وعاجبتني بس قالولي انها بتتغير 2007 ( شكل جديد)
الالتيما والاكورد والكامري وما دخلوا مخي ولاهم عاجبيني مدري ليه
مع ان الكورد الجديده مزيونه
بس والله مادفع 103 الف عشانها
وما ودي اخذ الا فل اوبشن
وباقي عندي خيارين
الباثفانر الجديد والله شكله عجييب بس ابي سعره لا هنتوا (2006) وصلني سعر 2005 الفل بـ 99 الف بس شكل 2005 مو عاجبني
وهل في سيارات تنصحوني فيها غير ذي؟
والهمر الي حاطين عنها اعلانات بالجرايد بـ 119 الف الصغيره زينه ؟ وش تفرق عن الكبير
موضوع
طويل وادري وجعت راسكم بس اتمنى تنصحوني
سلاام
