لأصحاب الالتيما فقط!!

التيما و بس @user_23604 · 18-11-2005

السلام عليكم اخواني اخواتي كيفكم ان شاء الله بخير

ندخل في الموضوع...انا بسألكم عن الالتيما لأني ناوي على وحده موديل 2006 وسمعت عنها خرابات وانها تتفكك:rolleyes:

هل هذا صحيح او مجرد كلام؟؟

وارجوكم اللي ما جرب الالتيما وفقط يسمع عنها التفكك والا الخرابات لا يكتب لنا شي..لأني ابي شي اكيييييييييد

انتظر ردودكم يا اصحاب الالتيمااااااااات|3|

التيما و بس @user_23604 صاحب الموضوع · 20-11-2005

اخوي الدبي انت تعرف احد مجرب التيما ؟؟؟ اذا تعرف قل مابي تقولي الناس والناس انا سنعت زيك لكن ابي آخذ الكلام من ناس جربوها لأن الناس تنقل كلام وبس...

اخوي الحيران انتبه ترى يمكن سيارتك من الدفعات الاولى لأني اعرف ناس صار لهم زيك وناس ماخذين الدفعه الأخيره وماشيه معهم زي العسل...وبعدين تويوتا اللي تقول عنها ما تتهربد ولا تخرب رح شف الافالون الجديده الدفعه الاولى مع واحد اعرفه فيه مشكله في المكيف وتنسيم هوى وتغيير القير ثقيل..يعني كل سياره جديده يلزمها عيوب

وشكرا

SANTOOT @user_2252 · 20-11-2005

يا اخوي الحيران الهيونداي ما تتهربد

انا معي سوناتا 2004 ماشيه 84 ألف وتمام معي مع اني لاعنها
خويي معه سوناتا 2002 اول ما طلع الشكل هذا كلعها وكاله وصكت الحين فوق 150 ألف من اللعن وتمام معه
وخويي ثاني معه ألنترا 2000 وحتى الان يفحط عليها وما اشتك منها بغير الكهرب لأنه يلعب فيها

وكثيييييييييير اعرفهم معهم هيونداي ونيسان وتويوتا ....... ألخ

يعني اي مشكله بالسيارات الاسيويه اروح اجرب سيارة خويي واتأكد ......

ومشكور اخوي ......

الحيران الحيران @user_18683 · 20-11-2005

أخي الكريم عشان تقتنع ان الالتيما بصراحه مقلب انا اليوم اخذت من الدوام اجازة لمدة يومين عشان يحلون لي مشكلة المساعدات بعد ما مشيت 44 ألف كم وسبق ان غيروها لي بعد 1000 كم قالوا لي ان القطع غير متوفره وعشان كذا السيارة يمكن تقعد الى يوم الأربعاء وغير كذا الضمان يمكن يشمل ولا ما يشمل والمساعد سعره نار، وغير كذا قالوا لي ان بوية الدرج الاوسط اللي طارت ما يشملها الضمان وغير كذا انتبه من نيسان تراها سيارات تهربد بسرعة وانصحك بالتويوتا وذا تبا سيارة عملية خذ هونداي بس نفس الشئ الهونداي تهربد من ناحية البودي والبويه وحماية المستهلك عندنا ما ادري وين الله حاطها

edubai @user_19910 · 20-11-2005

ما اعتقد ان الناس تبالغ

اللة يعلم انة كل الناس الي جابو طاري الالتيما كلهم عندهم نفس المشاكل

هذي نصيحة لوجة اللة ابعدو عن هذي السيارة وانتظرو الشكل يتغير

اللهم اني بلغت !

سيّاف @user_21467 · 19-11-2005

مهب كله كلام في كلام !
بعض المشاكل تجي صحيح :)
بس الناس مبالغين ..
والتيما رائعة و أنصحك فيها ..

خاصة الستة سلندر

الحيران الحيران @user_18683 · 19-11-2005

كتبت عن الألتيما آمل الرجوع إلى الموضوع
الألتيما 2005 بكل أمانة

التيما و بس @user_23604 صاحب الموضوع · 19-11-2005

يعني كل هذا كلام في كلام

شكرا اخوي سياف على الإفاده:)

سيّاف @user_21467 · 18-11-2005

يالغالي أنا شاري آآآآآآآآآآآآخر الدفعات !
الدفعة الثالثة زي ما قالوا لي :)
وخاليه من المشاكل !

--------------

كنت اسمع إن دريشة السواق إذا نزلتها يطلع صوت
و إن الاذرع الامامية فيها صوت بس حلها الحمراني
الديكور مهب زين .. الخ
الهيكل ضعيف ..
قير النيسان مهب زين .. الخ
وووو

هذي كنت مستعد لها و كل هذا ومصر أبي التيما :D
و الحمد لله ولا مشكلة من ذولي لقيتها في السيارة !
يعني الموضوع موضوع بركة :)

edubai @user_19910 · 18-11-2005

اذا نزلو السعر يعني الشكل بيتغير او يبغون يتخلصون من السيارات الي عندهم

هذي سياسة معظم الوكالات

التيما و بس @user_23604 صاحب الموضوع · 18-11-2005

يعطيكم العافيه اخواني على الإفاده

إيسوزاوي @user_18360 · 18-11-2005

وفرق الــ2006 عن الــ 2005 ان فل الأربعه سلندر صار فيها مثبت ,,

هارد لك سيـــاف

لكن ما اعتقد ان الــ2006 أرخص من الــ 2005 .. انا سمعت انهم زادوها

SANTOOT @user_2252 · 18-11-2005

2006 نازله ....

نفس الشكل ......

ومبرووووووووووووك مقدما

التيما و بس @user_23604 صاحب الموضوع · 18-11-2005

متأكد اخوي عذب الاحساس!!!

وهل 2006 نزلت؟

عذب الاحاسيس @user_15092 · 18-11-2005

هل تعلم 2006 ارخص من 2005

سعر 2005 فل كامل 67 الف و 2006 فل ب 64 الف

تحياتي

التيما و بس @user_23604 صاحب الموضوع · 18-11-2005

اي والله انك صادق يا سياف الناس حاطه حرتها في النيسان ومدري ليه؟
واخوي معه مكسيما وكارفها ويدخل بها طرق غير معبده ولا خرب عليه شي ماشاء الله ولا تفككت..بس الناس غريبه!!

طيب بسألك اخوي سياف التيما حقتك الدفعه الاولى والا الثانيه ومتى وهي معك؟:)

سيّاف @user_21467 · 18-11-2005

هلا والله أخوي التيما و بس !
معي التيما 2005 فل الـ 4 سلندر !
اللهم لك الحمد لا تفككت ولا شئ !
شكل وقوة وراحة ورساوة <-- بالذات الرساوة ماشاء الله !
وانا أخوك تتفكك ذي من سنة 1401 الظاهر و هم يقولون النيسان يتفكك
المسألة مسألة بركة و محافظة !
..
وأعتقد إنك تذكر وش كانوا يقولون عن المكسيما !
تتفكك ومكيفها وووو ..
لكن الناس ما زالت تشتريها !
ويعلم الله إن أحد أقاربي عنده مكسيما اللي هي أخت الالتيما الصغرى كما يقال
موديل 99 ماشاء الله العزم و الراحة و المكيف ولا تفككت !
و الرجال رجله حاره بعد :)
وأولا و أخيرا صدقني إذا بتاخذ راي الناس بتظيييييييييع !
كل سيارة لها معجبين و اعداء !
وانا مالك هل السيارة ( التيما 2005 ) ومرتاح لآخر درجة !
اللهم حافظ عليها ووده الصيانة وإن بغيت أمش فيها 1000 كيلو متر في الثانية :D
وبتسير معك زي العسل بإذن الله :)

هذا اللي عندي و أي إستفسار أنا جاهز :)

أخوك
سيّاف