رابطــــــة .. بيجــــــ307ــــــو . أخبار × صور × نقاش × تكلنوجيا × اكسسوارات.. الخ

ياشباب بخصوص البيجو وخاصة موديلات 307 و 206 ... ما شاء الله عليها عيني عليها باردة ...

قصتي مع الـ 206 في أمطار الرياض في 2005 .. غرقت مع السيارة مياه الأمطار غطت مساحة الزجاج الأمامي .. ولكن بفضل الله .. خرجتني البيجو من تلك البركة .. ووقفت على جنب الطريق انظر الى باقي السيارات مثل الجيمس والجيوب بكل انواعها لم يستطع احد عبور تلك البحير .. (كنت مغامر)

وبالنسبة للـ307 أخي معه واحدة 2006 ما شاء الله عليه .. في البحر والطرق السريعة وحتى في طريق الباحة .. ثبات ورسوخ ولا أحلى منها ،،،

هذا ما عندي وكما قال عاشق الجولف .. اذا انت راغب في السيارة فهي تعطيك اللي تستحقه وزيادة ... واتمنى للجميع الفائدة ،،،

^^
اهلا و سهلا

توكل على الله ...
ومن ناحية البودي .. في الرفارف فيبر جلاس و هذه لو جات لها صدمة خفيفة ماتحتاج لها سمكره

اما بالنسبة للحوادث
فالامان بيد الله عز و جل و لكن هي افضل من الاكورد و الكامري و الالتيما من ناحية الامان
بل تضاهي السيارات التي بأكبر من فئتها
لان نظام الامان الاوربي معروف لدى الجميع

السلام عليكم يا شباب
الموضوع فعلا مميز |1| ودى اول مشاركة ليا فى المنتدى و انا دلوقتى متحير لان انا ناوى اشترى بيجو 307 وفعلا مميزاتها جامدة بس بعض الاعضاء يذمون فيها فالان انا حيران اتكل على الله و اشتريها ام هناك اقوال اخرى و احب اسئل عن قوة بودى السيارة وهل هو ضعيف جدا وعن مدى الامان فى الحوادث لاقدر الله ولكم جزيل الشكر :D

السلام عليكم
ما بعد كلام اخواني تعليق او زيااده الا غير اني اقولك الله يباركلك فيها اذا خذتها وبنسبه للعزم فيه هي تجي مكينتين 1600 سي سي وتجي 2000 سي سي فا خذ 2000 اذا في راسك دعس وبنسب 1600 هذهي معي والله ااوكيه عزمها اذكر كذا مره دعست مع شباب والحمد لله ما اخذلتني مره مع النتره2004 ومره مع كامري 2001 وكذا سياره والله مبيضتها فا ما عليها

مرحبا شباب .........

كل عام و أنتو بألف خير وصحة وسلامة .........

لا أريد أن أضيف على كلامي أخيPEUGEOT-307 الصراحة السيارة في غاية الروعة من ناحية المواصفات

والشكل و أنظمة الثبات والعملية ( بحكم تجربتي ) السيارة اللي عندي موديل 2004 هاتشباك صار

لها معاي 3 سنوات و 9 أشهر ماشيه في حدود 87000 كم .|1|

المشاكل اللي واجهتني في السيارة قليلة و أغلبها بسبب الطرق الغيرمعبدة تماما ً وتم تغييرها(بالقطع الجديدة) على الضمان.

حصلت لي مشكلة قبل فترة قصيره وهي تغيير السلف والسبب حصول مشكله في (الدقمه).

أنا عن نفسي محافظ على السيارة من ناحية الصيانة الدورية و السياقة بعناية.

الشيء الوحيد اللي مو عاجبني في السيارة العزم مو قوي.......:o


وفي النهاية على كلام أخويPEUGEOT-307

تختلف من شخص لآخر حسب اهتمامه بالسيارة


واذا كنت مقتنع بها.. توكل على الله وخذها



آسف على الاطاله بس حبيت أنقل لك بصوره وجيزة عن تجربتي مع 307



تحياتي


عاشق الجولف

وعليكم السلام ورحمة الله وبركاته
وانت بخير وصحة .. هلا بك اخوي
بصراحه مادري عن موديل 2007
اتذكر اخر مرة كان العرض بدون دفعة اولى والقسط حدود 1200لمدة 5 سنوات

لكن الآن مدري.. يمكن تغير بعد رمضان.

بالنسبة للبيجو.. كأي سيارة اخرى... الأفضل المداومة على الصيانة الدورية
صح في ورش تعرف شوي عن البيجو.. لكن في امور اهمها الي تتعلق بالكمبيوتر مايعرق لها الا الوكيل

بشكل عام السيارة تمام للي بحافظ عليها

سيارتي موديل 2004.. كملت 3 سنوات والحمد لله .. كل شي تمام

في النهاية..
تختلف من شخص لآخر حسب اهتمامه بالسيارة

واذا كنت مقتنع بها.. توكل على الله وخذها


ولا عليك من الي قال خرابات وخرابات..
انا مثلك سمعت كثير عن البيجو قبل ماخذها..
لكن لاني مقتنع بها وواثق اني بحافظ عليها.. اخذتها ولله الحمد :)


ان شاء الله الشباب الي عندهم 2007 يفيدونك اكثر

|3| تحياتي

والله من ناحيت افضل فا احس انه افضل شوي من اول بس خوفك ما تدوم وعلى ماسمعت انهم بينقلونها لوكيل ثاني والله يستر

غريب اول مرة اسمع هالمشكلة :confused:
مالك الى ترجع للوكيل وتشوف الحل لان سيارتك لساتها على الضمان

وان شاء الله تتصلح المشكلة في اقرب وقت


...

بالنسبة للمتوكل
الى الان ما سمعت انه فتح في الشرقية

لكن بالبيد الآن افضل من قبل


تحياتي |3|

هلا بك اخوي
في عدة امور تقدر تعرف من خلالها سعة المكينة
من الخارج: جنوط 17 ، الازياج بلون السيارة >> 2000 سي سي 138 حصان
جنوط 16 ، الازياج باللون الاسود المطفي >> 1600 سي سي 110 حصان
من الداخل: ديكور الداش بورد فضي + المقاعد نصف جلد نصف مخمل >> 2000 سي سي
ديكور خشب + المقاعد مخمل كامل >> 1600 سي سي

حسب تجربتي
المكيف بارد وماشاء الله ثلج حتى في الظهر
بالنسبة لموديل 2003.. اول دفعة بالذات
كان في مشاكل في الكهرباء خصوصا الفتحة تعلق

في رأيي انك تفحص السيارة كامل ولو قدرت في الوكالة بشكل سريع
وتشوف الي فيها والي مافيها

ومبروك مقدما

:cool:

يا ابن الحلال تعوذ من ابليس بالنسبه للحراره الحمد لله افتكيت منها بعد ماغيرت التماتك حق المروحه مع المروحه كامل وبنسبه للقير اخترب مره عندي كمبيوتر القير بسبب اني كنت دايم اغسل المكينه بالمويه وغيرته والحمد لله وبنسبه للمكره غيرتها والسبب اني كنت ماشي 190 من الرياض لشرقيه على دعسوه وحده وكذا مره مسوي نفس الطريقه على نفس الطريق فانا اعتبر ان المكره من الاشياء الاستهلاكيه هي مع السير والجنززير فا لو احنا محافظين على استخدامها مكان صار الي صار لنا وفوق كذا انا منزل السياره من قدام ومن ورى شبه مره لدرجت ان الحيه الي في الصدام تحك في اي شي مرتفع مثل مطب او نزلة البايكه الي داخل البيت فا سؤ الاستخدام له تأثير على كل شي في السياره وشكرا
اسف على الايطاله

سلام ياشباب انتوا مبسوطين بالبيجو 307 الله يلعن الساعه اللي اشتريت هالسياره فيه انا ماشير 170 الف لما ينتهي الضمان راح تشوف البلاوي وتندم وتبكي زي حلاتي مشاكل قير حراره البكره اللي انكسرت وغيرتها مرتين خلوها في القلب ياشباب توبه نوبه الله يلعن ابو بالبيد والفرنسين معاهم

كيفكم شباب
وكل عام وانتو بالف خير
بالنسبه للمتوكل بغيت اعرف فيه له فرع بالشرقيه ووين موقعه اذا موجود
وبنسبه لخوي الي يبي يشتري البيجو 307 موديل 2003 اسمع يا خوي انت فكر انك بتشتري السياره مو جديده يعني ماتدري عن استعمال الي قبلك يمكن انه جالدها فا ما اقدر اقولك انها انشالله اوكيه ولا اقدر اقولك انها تعبانها وانا هذهي معي ماشيه 94000 وشوي واغلب ممشاها على خط الرياض الشرقيه تقريبن شبه شهرياً وماعليها خرباتها داًمن استهلاكيه يعني سيرفحمات صوفت قير لاني منزل الموتر فا الموتر قوي مشالله والمكيف حلووو جداً مشالله فانت ورايك
وشكراً

شلونكم شباب
عندي بيجو 307 موديل 2006 وانا ماشي فيها بس شوي اخفف
من السرعة يعني عند الاستدارة او في التقاطع تنطفى السيارة لوحدها
واحياناً لاتعمل عند اعادة تشغيلها وعندي اشارة جهاز منع التلوث مشتغلة
ولاتنطفي ولكن مشكلة الانطفاء ليست دائما تحدث يعني مرات

والف شكر مقدماً

شباب بغيت رايكم في بيجو 307 موديل 2003 لون اسود فتحه بس ما ادري كم سعة المكينه

المهم شرايكم بسياره من ناحيه الاستعمال شلون المكيف بارد ولا عادي واهم شي الخرابات

لاني ابي اكرفها :)

ماعندك مشكلة

هو اصلا ضمان دولي

تحياتي |3|

شباب انا شريت السيارة من بالبيد

اقدر اوديها صيانة في المتوكل ؟وتكون على الضمان؟

^
^
^
نفس الحكايه :(

سمعت انه السيدي موجود مع المتوكل فعلا لكن لا يزال الموضوع مع وزاره الاتصالات والاذونات الحكوميه التعسيه اللي يومها بسنه !!

السلام عليكم
مشكورين يا شباب على ردودكم بس هل السيارة عادية؟؟ يعني أوديها عند اي واحد يغير الزيت
ولا الكمبيوتر راح يتأثر
وبالنسبة للاخ دريمز ماستر سيارتي ماشية 21000 موديل 2007 جلد وهو غالبا يثلج بالليل وأيام الرطوبة
والنهار والصيف(وقت الحاجة) يكون مش ولابد؟؟

وبالنسبة للمتوكل هل بيفتح عندنا بالشرقية ولا لا وسمعت انه راح يجيب CD نافيقيشن للبيجو 407
تكفون اذا جابة بس نزلوا موضوع انه جاب السيدي لانني متوهق مع (الزفت) بالبيد

ودمتم