هل السرعات العالية مضرة بالسيارة ؟

كلام سليم ، ولو يكون المقياس أن عداد الضغط مايتعدى 3 أفضل ..

موضوع جميل جدا


وتوقعي(( بدون خبره)) لان سيارتي قديمه
اتوقع السرعه تضر السياره
واتوقع المقياس في الضرر هو ارتفاع الحراره
وبالنسبه لسيارتي موديل92 بصراحه مع السرعه ترتفع الحراره



مجرد دردشه
ترى ماعندي خبره

والله ياشباب مااشوف ان السرعه العاليه بتضر بالسياره مادامها ماوصلت للنطاق الاحمر

هذا انا على الالتيما رايح جاي للمعهد وانا مغير 160 الى 200 .. ولا وبالعكس قبل كنت شوي شوي تجيب ال200 وال180 بس الحين ماشاءالله قامت تجيبها بفتره تعتبر اقصر

والظاهر انك كل ماتسرع على السياره كل مايخلي يكون فيها عزم اقوى

وهذا الشي لاحظته انا ومحد قاللي لان بفتره بغيت اجيب 200 .. وقعدت فتره وبالشين جابتها بس الحين ماشاءالله تبارك الله تجيبها واهي مرتاحه

وشباب السرعه خطره وانشالله بحاول امشي على ال140 الى ال120

بس بيني وبينكم الاتيما تغري

طبعا التيما v6

وشكرا

الله يجزاكم خيييييييييييييييييييييير !!

لاني من يوم شريت السيارة ...
وأنا ما غير 140 إلى 160 ..

أول وش حليلي 120 :D
بس الاليتما هي السبب ..:P

الله يجزاكم خير على الفائدة :)
والله يعطيكم العافية ..:)

سلام

التسارع المفاجأ والتباطئ المفاجئ يسئ للسيارة

ممكن تتسارع بس بشكل تتدريجي

وهالشي مكتوب في كتيب التعليمات مال السيارة
انا عندي كيمري 98 مكتوب فيها هالشي

والقيادة بسرعة بطيئة جدا بعد يضر بالمحرك

السرعة لاتضر كما زادت سعة المكينة والعكس صحيح

|190| طبلون موتري بالخامس ......



:D هذي وهي بقوة 120 حصان لووووووول

أنا ماأتوقع في أي ضرر أذا ماوصل الضغط الأحمر !! ..
..
عندنا سيارة من فئة 8 سلندر صار لها 11 سنة أذا مافي يوم مايندعس بها الدعسه حدها ... ففي ذاك اليوم معجزة !! .. ولله الحمد الى الان لم تتوضب المكينة .. الحمد لله يا رب ..
..
بالنسبة للسيارات أربعة سلندر 2 ليتر ونازل .. الضعط فيها راح يكون مرتفع وبذلك راح بصير ضرر وانقاص من عمر المحرك .. ولكن ماالعمل في محرك سياره في هذا الحجم والسياره ماتمشي يعني لازم تعطيها شوي ولا يهمك عادي أنا يومياً أقطع 35 كيلو رايح 35 كيلو جاي .. امشي حوالي 150 - 160 وأذا مستعجل 180 .. ولم أرى أي ضرر .. على فكرة الزيت أخر مرة بدلته في اخر تشييك للسياره 57 الف كيلو والأن السياره ماشية 63 أو 64 الف كيلو وماغيرته مع العلم لم ألحظ أي فرق في أداء السياره ولكن فقط التشغيل العالي والأهتزاز ..
..
بالنسبة لمحركات 2.3 وطالع .. هذي محركات جميلة جداً تجمع بين الهدوء وراحة المحرك والأقتصادية ..
..
حبيبي سياف مدام سيارتك من شركة ( نيسان ) فلو تدعس عليها يومياً حد الطبلون ماقالت شيء .. ولاتنسى سيارتك مرتاحة على أغلب الأوقات بمختلف السرعات لأن سعة المحرك كبيرة 2.5 .. أو يمكن 6 سلندر 3.5 .. فما يهمك شيء والي يقول السياره تضرر .. أقوله انا مجرب هذي الحركات في 3 سيارات ماشفت أي ضرر ..
..
تحياتي

والله ما ادري وش اقول لك

لاكن بنسبه لي اكثر من سنة ونصف وانا تقريبا 170 - 200 يوميا وانا رايح وراجع للجامعه

صحيح ان السرعه انتحار لكن الله يفكني من هذا العاده - ادعولي -

وبنسبه للخراب والله ما ادري بس انا 170 والضغط عندي حول او تقريبا 4

اما 200 الضغط يكون على 4 وشوي بس مايوصل النص

وانا اشوف ان المكينة مرتاحه جدا لاصوت ولا شي

السرعه عدو السيارات الاول ..

واذا كنت بتسرع 150 وتحت فهذا الوضع الاعتيادي

اما اكثر من 150 خصوصا في الاربعة سلندرات راح يزيد الضغط وينقص عمر المكينه الافتراضي

وحتى السيور والبيرينقات كلها راح تتأثر لكن مثل ماقالوا الاخوان ماببين معك الا بعد فتره ..

انا ما اشوووف اي ضرر
من السرعه
الا اذا كانت يوميه او شبه يوميه وفتراااات طويله
اما كل اسبوووع ما فيه اي ضرر
او ما تطووول وانت مسرع
احرص على زيت المكينه تغيره كل 3000كيلو اذا كنت تكرف السياره
او 5000 كيلو اذا كان استخدامك هاديء
وشكراااااا

the kid

انا ما عندي خبرة بالسيارات بس اللي اعرفه ان المعدل العادي للضغط 3 والصرفية ايضا تزيد كل ما زاد الضغط
و السرعة الزايدة اتعجل من توضيب المكينة
ولا تخاف على سيارتك ..يكفي انها أكورد وبخمس تعشيقات
في الموديل الجديد تسرع 150 الضغط على 3
موديل 2005 تسرع 140 الضغط على 3

عفواُ على المداخلة

الصراحـه اعجبنـي سـؤالكـ

وانا بعد مثلكـ

بس السرعه العاليه ماتضر بالسياره يعني مثلا تمشي 180 200

الا بعد فترة طويله

بس اذا وصلت المكان المحدد فك الكبوت :)

تحياتي

كلما زدت السرعة اكثر كلما استهلكت محركك بشكل اكبر .

جميع قطع السيارة كل شي يستخدم بشكل اسوأ كلما انتهى عمره الافتراضي بشكل اسرع .

خذ بعض الامثلة : جانبينات السيارة والركب كل ما تعرضت لمطبات اكثر قصر عمرها .

انوار السيارة : كل ما شغلتها اكثر قل عمرها بشكل ملحوظ.

حتى صبغ السيارة كلما غسلته اكثر يقل لمعان وتألق السيارة .

المقصود كل شي له عمر افتراضي ويقل هذا العمر مع سوء الاستخدام .

بشكل عام محركات النيسان محركات جبارة وتعيش فترات طويلة وتتحمل كرف وخطوط .

مشكورين على الردود ..
والله يجزاكم خير :)

طيب معليش مداخله بسيطه ياخوي سياف

ابي اسأل سؤال

اخوي السفير

انت قلت على حسب عدد دورات المحرك RPM


طيب انا عندي اكــورد اربع سلندر...

وين مصدر الخطر عشان ابعد عنــه اذا تكرمت..

تحيــاتي

كيد

بصراحة المحركات الجديدة قوية ,,

ولا من متى 4 سلندر يجيب 200 وهو مرتاح !

عموما السرعة العالية ما تضر الا اذا كانت بصفة شبه يومية ,,

لكن طبعا الآثار ما تبان الا بعد فتراااات طويلة ,,

وما شاء الله النيسان ما ينخاف عليه :)

مايضر بالسياره دام أنك ماتوصلها للخط الاحمر (( يعني قبل الخط الاحمر بـ 200 دوره على الاقل )) بس بشرط انه زيت المحرك مش قديم او ماشي عليه أكثر من 4000 كم :)