ابغي مشورتكم في ميتسوبيشي جالانت مستعمل؟؟

[راعي الكـراون]

كيف الحال شباب ..

محصل ميتسوبيشي جالانت موديل 95 بسعر مغري جايبينها من الكويت ..

وشرايكم بالسيارة ؟؟ وهل هي تمشيني الى 4 سنين ..؟ وشعن قطع الغيار ؟؟ ووشهي صرفية البنزين ..

ضروري الرد بأسرع وقت لأني راح اعزم اشتريها ..

تحياتي

[سراب الود]

اول شي اخوي كم راح تدفع فيها
وثاني شي السياره قديمه شوي
واي سياره نظيفه وتحافظ عليها بتعيش انشاء الله
والمستوبيشي سياراتهم قويه
بس السياره قديمه شوي
اماقطع الغيار فهي ناررررررر على ما اعتقد
بسبب الوكيل
والله اعلم

[Kenny]

نصيحة .. لا تاخذها .. أول شي السيارة قديمة .. ثاني شي .. السيارة كربريتور .. يعني ما تصلح

وثالث شي .. الموديلات حقت الجلنت من سنة 1988 إلى 97 .. بصراحة .. ما خشت راسي .. وخرباتها كثيرة.

تحياتي

[chevy]

السلام عليكم ورحمه الله وبركاته

هلا والله براعي الكراون وببقيه الشباب كلهم..

في الحقيقه أنا زعلان عليك أسمك كراون وتروح للميتسوبيشي . طيب خليك ضمن العائله ( كامري ولا كرولا ولا أفالون.....

حتى لو كان مستعمل معارض جده اللي في مخطط الجوهره متروسه كامريات و أفالونات و كرولات وهايلوكسات لو تبي بعد ومستعمل إستعمال

أنظف من النظيف سواء خليجي أو أميركي..

بعدين ماحصلت إلا جالنت 95 وين يابو الشباب الناس تطلع فوق وأنت تقلي جالنت 95 بعدين الجالنت ماوراها إلا المشاكل وعور

الراس لا من القربعه ولا قطع الغيار تقول رايح تشتري طقم الماس يعني هينه لو أنها كامري ولا شئ من تويوتا قوه و خدمه وكاش بيدك

لو طفشت منها بعدين.. والأمر عائد إليك في الأول و الأخير ...................... ولاتقلي ما نصحتك

والسلام عليكم ورحمه الله وبركاته..

[EF Sonata]

إذا VR4 حلو

[Zoom-Zoom3]

.. بصراحـه ما أنصحك فيهـا ..

.. سيـاره لهـا 10 سنوات من عمرها + في وقتها كانت كلها خربات !! تبي تاخذها بعد 10 سنوات !! ..

.. وقل لنا عشان نشوف لك سياره تناسب ميزانياتك ..

[salehhd]

السلام عليكم

الجلنت سيارات قوية وتتحمل لاكن زي ما قالو الشباب موديل 95 قديم وبشكلها قبيح شوي

وقطع الغيار مرتفة

انا استخدمت وحدة 91 ايام 93 وبصراحة سيارة كرف بس لاطاحت الله يعينك

انصحك تستخير ترى من استخار ما خاب

والله يوفقك