الله يحييك اخوي تركي ... لا عادي وش دعوه وبحاول ان شاء الله افديك باللي اقدر عليه J
الاجوبه : :D
1- السياره ماشيه يا طويل العمر 3900 تقريبا
2- بالنسبه للمشكله في المساعدات الاماميه يا طويل العمر هاذي كانت بالدفعه الاولى .. طبعا هاذا عيب من المصنع .. مع العلم ان وكالة الحمراني اعلنت انه من يواجه مشكله من هاذا القبيل يراجع الوكاله وان شاء الله هم يقومون بالاجراءت اللازمه لحل المشكله ..وانا ولله الحمد ما واجهني مشكله من هاذا القبيل .. وبالنسبه لسيارتي فهي من الدفعه الثالثه ...
3- بالنسبه لرفع القزاز او فتحه انا لا اواجه اي مشكله والقزاز شغال معي زي العسسسل .
4- والتكييف الخلفي لا اواجه فيه اي مشكله .. حتى والله واحد من اخوياي كان جالس ورى يقولي بالله قصر على المكيف .. مع العلم اني حاطه على LO .. عاد انا والله ما جربته ولا جلست ورى .. بس اعتقد ما فيه اي مشكله ... انصحك تسأل احد الاخوان بالمنتدى ان شاء الله يقدر يفيدك من هالناحيه....
5- بالنسبه للتنسيم .. صراحه ما فهمت قصدك ... هل هو العزل ؟ ام تنسيم الكفرات اكرمك الله .. على العموم بجاوب عليها كلها .. بالنسبه للعزل الهوائي اقل من 160 ما تسمع شي ابد .. ولكن بعد 160 يمكن تسمع اصوات خفيفه ....وبالنسبه للكفرات ما نسمت ابد سليمه ولا اواجه اي مشاكل منها ...
6- واللهي الخامات الداخليه لك عليها شوي ..اما بالنسبه للتخشيبه صراحه كنها دولاب جدتي :D .. بايخه صراحه ...
7- واذا جينا نتحدث عن قطع الغيار .. وانا صراحه ما قد جربها بس اتوقع يا تركي انها تكون رخيصه.. واتوقع انها اعلى من الكامري بشوي ... وبصراحه ما اقدر اعطيك خبر اكيد .. لكن هاذا توقعي يعني ... بس السياره يابانيه وش بتكوون قطع غياراها يعني .. اكيد رخيصه :D ...
8- اما بالنسبه للسعر اللي ياخذونه للصيانه ما عندي علم صراحه لاني ما وديتها ابد للصيانه .. بس شفت عندهم لوحه .. وما اظنها غاليه ..
9- اولا نتحدث عن مميزاتها .. 1- صراحه ما كنت اتوقع السياره راسيه كذا . صراحه فأجأتني برساوتها بحكم انها سياره يابانيه ... 2- طبلون صراحه خيالي ..ولونه يخليك تنبسط يا شيخ كنك راكب BMW :D .. 3- سياره عزم صراحه ... 4- تكييفها ممتازو جداً ...5- صرفيه للبنزين صراحه حلوه ( لكن اذا انت من النوع اللي رجله حاره على الموتر فأكيد بتصرف السياره ) .... ..
10- والأن نأتي لعيوبها .. وراح اتحدث بكل العيوب اللي شفتها وبكل صراحه ... 1- اول شي النور صراحه ضعيف واقل من المستوى المطلوب ... 2- تخشيبه بايخه صراحه .... 3- الاغراض اللي بداخل السياره تتفكك بسهوله .. فنصيحه لا تركب معك بزران واجد ...
وهاذا كل ما عندي .. وآمل اني قد افدتك بهالمعلومات البسيطه ..وبالعكس اخوي لا ثقلت علي ولا شي .. ازعل منك والله J ...ومعليش اخوي تركي تأخرت عليك بالرد ..... تحياتي