شريت ماركيز وعندي استفسارات مهمة ارجو الافااادة كيف اطلع الارقام السريه؟؟

السلام عليكم ورحمة الله وبركاته


وش اخبارر الشباب

انشالله مبسوووطين



ابشركم شريت قراند ماركيز موديل 2000 امريكي <<<<<<<<<< قولو مبرووك



عندي كم استفسار ودي اطرحها عليكم وابي مساعدتكم

1/ الباب له ارقام سريه <<<< المشكله هي اني ما اعرف الارقام حقت السياره

بتقولون تلقاها بالشنطه

باقول لكم ان الشنطه تبع الموتر مغيره وحست فيها لين قلت بس ما لقيت الارقااام

ابي اعرف كيف اقدر اطلع الارقاااااااااااااااااام السريه للموتر ان كان بالوكاله ولا بالورش ولا انا اقدر

------------------------------

2/ الموتر امريكي واكيد جو امريكا ماهو مثل جونا

اشوف تحت السيارة لما رفتها الاقزوزت ( الشكمان ) اللي عند المكينه فيه دبتين ماهي موجوده في الماركيز اللي استعماله سعودي

هل تنصحوني اغيرها بسعودي ؟؟؟


-------------------------------

3/ السيارة ما لها الا شكمان واحد فقط

ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟

وهل اقدر اخليه شكمانين

ووش الفرق بينها وبين ام شكمانين

هل لها دخل بالصرفيه الوقود او عزم الموتر او حرارته

---------------------------------

4/ اذا فيه اي شي اقدر اعدله في الموتر عشان اقلبها زي السعودي من حيث الميكانيكا ممكن تعلموني وشو

عشان الحراره والمكيف وغيرها

---------------------------------

5/ العداد عندي بالميل ما اقدر اخليه بالكيلووو ؟؟؟؟؟؟؟؟؟

--------------------------------

6/ لما ادق اشاره يمين او يسار في نفس الاصطب اللي على الجوانب فيه لمبة يسمونها لمبة رصيف

ما تشتغل عندي سألت راعي الورشه قال موديل موترك ما تشتغل فيه الا بالتوليف هل هو صادق ولا يستهبل

-------------------------------

7/ الموتر فيه مروحه وحده قدام المكينه وورا الرديتر والحراره طبيعيه على النص

هل تنصحوني بتزويد الموتر بمروحه سوبارو صغيره امام الرديتر لتفااادي الحراره الحارقه بالرياض

-----------------------------------

8/ المراية اللي بالنص فيها زرين وش سالفتهم

وفيها شاشه صغيره مكتوب فيها 100 لا تغيرت ولا شي هذي وشهي حقته حراره الجو ولا وش ؟؟

--------------------------------------






اااااااااااااااااااااااااسف جدا على الاطاله بس قلت باعطيكم كل اللي عندي مره وحده عشان ما اغثكم بمواضيع ثانيه



الف شكر مقدما لأدارة المنتدى ولأعضاااااءه المتألقين بمواضيعهم الشيقه والهاامه



اذا ذكرت شي باكتبه هنا





الموتر ماشي 138 الف ميل




ننتظر ردودكم على احر من الجمر

<<<<<<<<<<<<<<<<<<<<< متحمس توه شاري الموتر لا تشرهون عليه


وشكرا