أريد اشتري سيارة جديدة, شو أختار ؟؟

ZID @user_21219 · 11-08-2005

بسم الله الرحمن الرحيم
السلام عليكم و رحمة الله و بركاته .
أنا محتار في شراء واحدة من هذي السيارات :
1- نيسان ألتيما .
2- نيسان صني .
3- شيفروليه أفيو .
4- هيونداي أكسنت .
5- هيونداي إلنترا .
6- هيونداي سانتافي .
7- كيا ريو .
8- كيا سبورتاج .
9- تويوتا كرولا .
10- تويوتا كامري .
11- تويوتا إكو
12-هوندا CRV .
و محتار في سيارات أكثر (لاكني نسيتهم) لاكن كلهم الفكرة في اختيارهم انهم اقتصاديين .
لاكن أريد أعرف , أي واحدة فيهم أحسن في توفير البترول و مواصفاتها أكثر و تسمل دي في دي أو على الأقل سي دي و شاشات تحمل نظام الملاحة و خرائط دالة .
و شو السلبيات في الألتيما 2005 ؟ (أو باقي السيارات)
و متى بتنزلالألتيما 2006 بدول الخليج ؟
و أي حد عنده معلومات عن شاشات نيسان ذات مظام الملاحة ؟
و هل سيارة هوندا أيليمنت تباع في دول الخليج (الامارات تحديدا) ؟
و هل سيارات ساتورن كالأيون تباع في دول الخليج (الامارات تحديدا) ؟ و وين تحديدا أقدر أحصلها في أبوظبي ؟
أتمنى ألقى على الأقل اجابة واحد عن أي سؤال .
و آسف على الاطالة و مشكورين على جهدكم .

سراب الود @user_22125 Banned · 13-09-2005

سوناتا الجديده
جوده وقوه تصميم جذاب بسعر خيالي
واتمنى لك التوفيق

أكورد وبس @user_7944 · 10-09-2005

هذي استشارة وإلا اختبار :D

الشـــرس2006 @user_21938 · 08-09-2005

أخوي من ناحيتي أنصحك بالشفروليه أبيكا صرفيه جيده وفخمه تجي سي دي و دي في دي و مريحه تكفي إلى 6 أشخاص وسعرها 49000ريال سعرها مناسب مره لمواصفاتها.

waleed4w @user_18798 · 13-08-2005

ياهلا بلاخ زيد ,, نورت المنتدى يالغالي

عزيزي زيد انت ذكرت انك ترغب بسياره
1.عائليه
2. خمس ركاب
3. للخطوط والتنقلات

طيب ,, اذا فلوسك بين 40,000 الى 50,000 فخذ سوناتا 4 سلندر

بين 50,000 الى 60,000 سوناتا 6 سلندر

بين 60,000 الى 70,000 التيما

بين 70,000 الى 80,000 كراون فكتوريا

هذا بلنسبه لسيارات السيدان اما الجيوب فما عندي خلفية كبيره عن اسعارهم

واسفين على القصور

ford_mondeo @user_19621 · 13-08-2005

اكسنت التيما

ZID @user_21219 صاحب الموضوع · 13-08-2005

السلام عليكم,
شكرا يا المنشد 2005 لتوضيح عيوب الألتيما .
و أشكرك يا فتى حايل على تصويتك للكامري, بس اعتقد انه مواصفات الألتيما مقارنة بينها أكثر .
و شكرا للأخ الصقار, أنا اخترت السيارات الأسياوية لانها ما تصرف و مواصفاتها زيادة , بس تشيري كيو كيو من أي شركة ؟ و شو هو الـ"شاص" ؟
و شكرا يا اسعد عمر قلي على ردك, بس ممكن تنصحني بسيارات من الفئة الثانية ؟
أخوي واهب, أنا السيارة الي أريدها تكون استخدام عائلي أو لخمس أشخاص و تكون للنقل لمسافات قصيرة و للتنقل بين المدن .
و شكرا مرة أخرى للجميع على الردود

waheeb @user_20070 · 13-08-2005

اقول حدد استخدم السيارة

أبـــوبـــدران @user_19528 · 12-08-2005

اخوي احس انك لاشاري ولاشي
لأن السيارات اللي فوق ولا وحده من فئة الثانيه

معليش انا تلخبطت من كثرها

وافضلها الألتيما والكامري

وشكرا

الـصـقـار @user_12505 · 12-08-2005

اخوي zid

يعني ما ادري وش اقولك

مافيه سياراه الا جبتها كوري ياباني سيدان جيب كبيره وصغيره

مافيه اي رابط بينهن

بعدين يا اخوي مهو حنا اللي نقرر وش موترك يعني لو تجي علي انا اقولك خذ شاص .... تاخذه ؟؟

ياخي انت اللي تحدد وش موترك

انا انصحك تاخذ تشيري QQ

سيره قويه وجميله واقتصاديه

ولا وش رايك

اقول خلك على شاص اطلق يارجال

فتى حايل @user_21150 · 11-08-2005

أنصحك بالكامري أخوي zid

المنشد2005 @user_21084 · 11-08-2005

اليك العيوب بالالتيما من واقع تجربة 1-دخول الروائح الكريهة مع وجود المكيف واغلاق الهواية 2-قربها من الارض احذر ان تحمل بها زملائك فهي سوف تحتك باي مطب وقد افيدك في المستقبل عن ماسوف اجده علما انها 4 سرندل ولا اتحدث بالعموم ولاكن عن سياراتي الخاصة بي والله اعلم

ZID @user_21219 صاحب الموضوع · 11-08-2005

مشكوووووووور أخوي مرزوق على ردك .
الحين انت أقنعتني بالألتيما و بشتريها لو ما حد عارض عليها .
بس الألتيما 4 سلندر تتحمل 5 أشخاص كبار, ولا لازم 6 سلندر ؟
و جزاك الله الف خير .

M.A.D about u @user_4452 · 11-08-2005

حبيبي انت جبت كل شي الوسط والصغير

يعني اكيد بذولا الالتيما او الكامري لان الباقيات اقل منهم بالفئه

وانا اقول الالتيما :)

اخووووووووووووك مرزوووووووق