وش تنصحوني اشتري بكرا ( كابرس SS ) او ( لكزس ES )

ايوة صح .. الأفالون اختيار مرة ممتاز |1|

وأقوى من اللكزس بكثير وأقل من قوة الكابرس بشويتين..

اشوف الأفالون الأفضل صراحة :) فخمة وقوية وشكلها حليو ..

تجمع مابين الكابرس واللكزس :):)

الكابرس شكلها حلو وقوة وفخامتها من الداخل مش ولا بد ، اما عن الخرابات فخذها مني ، الكابرس لو بتعامله زين وما تضغطه كثير راح يعمّر معاك ، لكن لو رجلك حاره فاعتقد انه صعب يعيش معاك.

اللكزس فقط فخامه داخليه لكن شكله قبيح وقوته عاديه.

انصحك تشوف الافالون لانه جد حلو وراح يعيش معاك لانه من تويوتا.

نسلم على المشورة ...

الحقيقة يالغالي المورانو جيب ..

وزي ما قلت انا معي لاند كروزر الى الحين ... يعني تبيني اشتري مورانو واصفه جمب اللاند بعد ؟؟

المفروض اترك الــ SUV .. واجرب السيدان ..

مشكوور يالغالي مرة ثانية :)

تسلم اخوي vAMP

الصراحة انا من النوع اللي احافظ على السيارة منب اكرفها ومشاويري مهب واجد ..

يعني الجيب اللي كان معي له سنتين مشيت فيه 35 الف كيلو بس :(

الناس خوفوني من الكابرس بمشاكلها ... وانا الصراحة ابي سيارة تقعد معي 7 سنوات .. فهل الكابرس قادرة على تحمل هالمدة ؟؟

كنت مبهر بالحيل برزة الكابرس وسدحتها .. بس بديت افكر تفكير ثاني بالصيانة والخرابات فوجدت ان اللكزس بهذي تتفوق ..

على العمم نشوف رأي باقي الشباب :)

والله ياابو بندر انا اقترح اللكزس لأنه موتر يتحمل كرف وفخامه وياباني ويمسك سعره والكابرس كمان حلو بس مشكلته مايعيش واسأل مجرب عندنا كابرس 2002 كل يوم بالصناعيه وانت ومزاجك والله يوفق الجميع (الا على فكره ليه ماتشوف المورانو تراه حلو وفخم وقوي ويتحمل )

والله حيرة الصراحة ..

الكابرس يميزيها ان شكلها أحلى بكثير من اللكزس ES وأقوى بكثير ولها هيبة بالخط ..

بس مشكلتها ماراح تصبر معاك ويبغالها اهتمام كبير ومحافظة عشان تجلس معاك ..

اللكزس أفخم بكثير من الكابرس بس مافيها قوة المشكلة ..

لكن فيها مواصفات كثير داخلية تميزها عن اللكزس من فخامة وتقنيات وعزل صوتي رهيب ..

وبعدين حتى لو كارفها زي الدداسن ومهربدها راح تصبر وتتحمل معاك :)

عاد انت ادرى بنفسك .. شوف ويش تبغى قوة وشكل .. ولا فخامة وتحمل ..

إذا تعرف نفسك ولد رايق شوي ومالي ومال الدعس لكزس أكيد ..

وإذا تبغى شيء له سمعته وهيبته بالشارع بس عندك فلوس زيادة شوي تهتم فيها بالصيانات الدورية أكيد كابرس ..

صراحة حيرة .. استشير واستخير .. والله يوفقك ويرزقنا معاك بعد :)

S.touring

digital

الهويشل ابو مطر

**************************

تشكرووون يا شباب كل الشكر

وبالنسبة لاخوي S.touring : اللون الاسود مجربه باللاند كروزر حقي لمدة سنتين .. يعني مليت من اللون

وشفت الوان اللكزس ... اللي لفت نظري هو الابيض والعشبي ...

فاللي يشوف غيرهم يقترح وله الشكر :)

يا ابو بندر

ترى ES أسمها لكزس

تدري وش معنى لكزس

خذ لكزس حتى لو مالها لووون

نصيحة لكزس من الصعب ان تقارنها بغيرها

اللكزس وانت مغمض |345|
ياباني 100 % وجودة وفخامة وتمسك سعرها وتعيش معك اطول من الكابريس الاسترالي راعي الخرابات