السيارات الامريكيه ماقبل ال 2000

المـمـيـز @user_14840 · 19-06-2005

السلام عليكم ورحمة الله وبركاته ..

كيف حال اعضاء منتدى السيارات ..؟

هلا وغلا بالشباب

انا عضو هنا ومتابع دائم لهذا الصرح الشامخ

ودايم تعودنا منكم على الاجابة والافاده والزياده ومساعده الزوار والاعضاء

فأتمنى يكون لي نصيب من ردوكم

انا مقدم على شراء سياره وفي حيره من امري وابي طبعا سياره حلوه ورزه شوي

فمالقيت بالسعر والشكل والمواصفات

إلا اللنكن والقراند ماركيز والفورد ماقبل شكل موديل 98

طبعا المبلغ رايح يكون 30 الف ريال تنقص لاتزيد

فحبيت اسأل عن إلي قد جربها او ساقها او يعرف احد معه زيها

وش رايه بالشكل من احلاها والخرابات وصرفية البنزين ووش فرق المواصفات والشكل
والموديل واي شي ممكن يفيد اخوكم

طبعا انا يمكن اشتري موديل 95 وفوق بس محتار بين هذي السيارات ومن احلى شكل
وطبعا استخدام داخل المدينه مو لسفر او شي

وان شاء الله اخواني الاعضاء ماراح يقصرون معي

وشكرا لكل من راح يرد علينا ولو بمشكور او بمعلومه صغيره عشان استفيد منها

وآسفين على ازعاجكم
وان شاء الله ماتخجلونا
اخوكم المميز

المـمـيـز @user_14840 صاحب الموضوع · 20-06-2005

هلا وغلا بمشرفنا بو العابد

تسلم على ردك

وإن شاء الله نلقى مافوق ال 98 لانها اجدد شكل لكن السعر شوي مرتفع بالنسبه لي لكن باحاول

وان شاء الله قبل ماشتري اي سياره من تحت 98 بافحصها في اكثر من مكان والله يوفقك الجميع يارب

وماقصرت اخوي بو العابد تعبناك معنا

والله يعافيك ويقويك يالغالي

اخوك المميز

المـمـيـز @user_14840 صاحب الموضوع · 20-06-2005

هلا وغلا اخوي bashar_255

تسلم ياخوي على هالكم من المعلومات والفائده يالغالي

وان شاء الله ربي يوفقني لأختيار السياره المناسبة لأنه المستعمل مو دايم تلقاه نظيف

والله يعين
وتسلم على هالمعلومات وتعبناك معنا ياخوي bashar_255

وماقصرت وهذا عشمنا فيك وان شاء الله نردها لك بالافراح

اخوك المميز

bashar_255 @user_12025 · 20-06-2005

شوف أخوي

علشان نريحك ، اللي يجي على الماركيز و الفكتوريا و اللنكن الثمانية سلندر في العادة محركين

1- 4.6 لتر و هذا اللي يسموه المديولر و هو اللي يجي كام بكل راس و هو بدأ تصنيعه من 96 حتى الآن
2- 5.0 لتر و هذا المحرك العتيد مالنا اللي نعزه و يخافو منه :D و جا قبل الـ 96 يعني من 95 و نازل و هذا الفورد مصنعتنه من سنة 69 حتى 95 و كان بكام واحد يجي بالنص حق المحرك كله و هذا اللي يسموه كلاسك :)

بو العابد @user_15343 · 20-06-2005

كلهم نفس المحرك تقريبا وإذا لقيت كراون فيكتوريا 99 ولا 2000 أو قراند ما ركيز لا تتردد سياره حلوه وتمام أما موديلات قبل 98 و أقل لازم تشوف لك واحد نظيف مره وتتأكد من محركاته مظبوط ولا بيبهدلك في الخرابات

والله يوفقك

bashar_255 @user_12025 · 19-06-2005

b

bashar_255

نفس المحرك بالضبط الا انه يقال ان الكام مقاسه غير :)

:D

قلنا نفس المحرك :rolleyes:

الفورد محركات الـ 4.6 كلهم نفس المحرك و الـ 5.0 كلهم زي بعض اللهم ان فرق في الثلاجة و الكام و الروس

بس التاون كار ما تفرق عن الماركيز الا بالكام فقط

اما الموستنج فهو بثلاجة أكبر و كام أكبر و روس أقوى :)

و اذا تشوف ان سيارة كوبيه عملية بالنسبة لك فأنا انصحك بها و معروف ان محركات السبورت عملية أكثر في السفر |1|

المـمـيـز @user_14840 صاحب الموضوع · 19-06-2005

هلا وغلا بالغالي bashar_255
وتسلم على المعلومة لاني استغربت انها ماتتشابه المكاين

ومن ناحية الصرفيه فهي اكيد تصرف وطبعا الواحد يالغالي مو دايم بيكون محافظ جدا على دعسته

لكن ممكن سؤال ؟؟ وش رايك باني اخذ موستنج من ناحية السعر والخرابات لانها اعجبتني لكن خايف منها جدا

وتسلم على ردك ومعلومتك وماقصرت وهذا إلي دايم نتوقعه منكم ياعضاء منتديات السيارات

اخوك المميز

bashar_255 @user_12025 · 19-06-2005

ا

الغريب

اما عن اللنكن والله ما ادري عنه لكن يقولون انه خراباته كثيره ... مع العلم اني احس ان قطعه الميكانيكيه هي نفس قطع الفكتوريا والقراند ماركيز ...

نفس المحرك بالضبط الا انه يقال ان الكام مقاسه غير :)

و بالنسبة لخراباته فزيها زي الفكتوريا ما عنده مشاكل

ا

الغريب

لكن اخوي يشتكي من صرفية البنزين ...

الموستنج نفس المحرك و كام أكبر و سيارة أقوى ولا يصرف الا عند الدعس :rolleyes:

اذا تدعس كثير يصرف كثير :D

المـمـيـز @user_14840 صاحب الموضوع · 19-06-2005

هلا وغلا باخوي الغالي
كابـــSSـــرس

وتسلم اخوي .. لكن يالغالي ماتعتقد انه بهالمبلغ ممكن الواحد يلقى سياره ثانيه افضل من الفكتوريا ؟؟

من ناحية الصيانه وصرفية البنزين والخرابات والراحه طبعا

ووش رايك هل هي تستحق هالمبلغ يعني لين لقيت وحده اشتريها بعد الفحص بدون تردد ..؟ لاني محتار يعني

لكن باشوف يالغالي وماقصرت

وتسلم على ردك اخوي كابرس

وباحاول اني اشوف الفكتوريا من هذا الموديل واني اقدر ادفع هالمبلغ

وماقصرت على ردك الرائع والمفيد لي وربي

اخوك المميز

المـمـيـز @user_14840 صاحب الموضوع · 19-06-2005

وعليكم السلام ورحمة الله وبركاته

هلا وغلا باخوي لوميـ 2005 ـنـا

تسلم يالغالي واكثر الناس نصحوني فيها من حيث الشكل والخرابات والصيانه والراحه طبعا

وانا خلاص غضيت نظر عن اللنكن لان اكثر الناس مايؤيدونها

والله مادري عن هالسيارات لكن تعتقد انها راحه تكون مريحه وقليلة الخرابات

لكن انا بانزل المعارض واشوف ان شاء الله هالسيارات إلي قلت وباخذ لفه وفكره

وشكرا لك اخوي على ردك إلي وربي فادني وخلاني افكر بالسيارات الثانيه

اخوك المميز

كابـــSSـــرس @user_6060 · 19-06-2005

انا يالغالي ولد خالي توه مطلع فكتوريا امريكي 2001 فل كامل

خذها ب48 الف

والسياره ماشاء الله جدا حلوه وماشية معه بشكل حلو

لوميـSTOCــنا @user_18022 · 19-06-2005

السلام عليكم ورحمة الله وبر كاته

مشكور على الموضوع .

وانصحك بسيارة الفكتوريا سيارة جميلة وخراباتها قليلة وفخامه و راحه .

و اللنكن لا انصحك بها خراباتها كثيرة جدا ........ الخ .

ويوجد سيارات اخرى بهذا السعر ( 30000) مثل ( كورولا , نيسان صني , كامري موديل 2000 )

وشكرا

المـمـيـز @user_14840 صاحب الموضوع · 19-06-2005

هلا وغلا باخوي BiG-DaDy

تسلم اخوي على النصيحه وان شاء الله بابعد عنها لان اكثر الناس مانصحوني فيها

وانا معجب بشكل 98 للفورد والماركيز محتار وقالو الماركيز احسن وافخم وارز

وتسلم على نصيحتك يالغالي

مشكور لردك إلي افادني كثير يالغالي وماقصرت

اخوك المميز

المـمـيـز @user_14840 صاحب الموضوع · 19-06-2005

هلا وغلا بك اخوي الغالي الغريب

تسلم لطرحك تجربة اخوك وافادتي .. وانا كانت معجبتني اللنكن لكن مدام ان ماسمعته عن خراباتها

فأنا غضيت النظر عنها يالغالي

وصحيح كثير من الناس قالو لي ان صرفيتها راح تذبحني وانا محتار بين الفكتوريا وماركيز ونصحوني ناس بالماركيز لانها افخم

وامم اقتراحك والله يالغالي على عيني وراسي

وصراحه رأي حلو وباروح السوق وادور واشوف الاسعار

لكن اخوي مدام لك خبره باللومينا وش رايك فيها من ناحية الصرفيه والقطع والصيانه ..

وماشاء الله عليك كفيت ووفيت ماقصرت يالغالي

وتسلم يالغالي ومشكور وماقصرت وتعبتك معاي

اخوك المميز

BiG-DaDy @user_1111 · 19-06-2005

عزيزي أنا ما انصحك بالنكون أنصحك
بالفكتوريا أو الماركيز موديل 98أو 99 حلوه و رزة
و مكينتها بطلة بس الماركيز أفخم
تحيااااااااااتي للجميع

الغريب @user_116 · 19-06-2005

هلا اخوي ...

وحياك في المنتدى ...

اخوي المـمـيـز انا اخوي معاه كراون فكتوريا موديل 95 وارد امريكا السياره صارلها معاه تقريبا 4 سنوات ...

طبعا الكراون فكتوريا مثل منت خابر انها نفس محرك القراند ماركيز وفيه شبه في الشكل ... لكن القراند ماركيز فيه فخامه اكثر ...

من ناحية الخرابات ماشالله السياره ما تشكي من شي ... وعزمها روعه ...

اما عن اللنكن والله ما ادري عنه لكن يقولون انه خراباته كثيره ... مع العلم اني احس ان قطعه الميكانيكيه هي نفس قطع الفكتوريا والقراند ماركيز ...

لكن اخوي يشتكي من صرفية البنزين ...
وفي شي صراحه ازعجه في السياره انها وهو محركات القزازات الأربعه الأثنين الأماميه والأثنين الخلفيه ... ماشالله خربو عليه كلهم على فترات !! |10| ما ادري اذا موديلات الحديثه غير الـ 95 تختلف نوعية المحرك او طريقة عمله :rolleyes:

وغير كذا السياره ما عليها كلام ...

و عندي اقتراح اخوي لك ...

الصراحه السياره شوي كبيره ...

يعني ليش ما تفكر بسياره ثانيه بالسعر هذا ...

وانا صراحه ارشح لك " اللومينا " من موديل 99 الى 2002 تكون LS او LTZ دورلك وحده نظيفه وياكثرهم في السوق والسياره شبابيه وتعطيك ... واذا تبغى زود على ميزانيتك شوي بس وخذلك SS |2|

مجرد رأي ... |6|

انشالله اني اكون افدتك ...

واذا في اي استفسار انا جاهز ...

تحياt