السبت 13 يونيو 2026
الرئيسية أخبار السيارات مواضيع اليوم
روابط قد تهمك : السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | قناة السيارات
عاجل
رصد فولفو XC40 الفيس ليفت الجديدة خلال اختبارتها الأخيرة | المجدوعي تطلق عروض الصيف علي طرازات شانجان بالسعودية | أهم الحالات التي تستدعي طلب ونش إنقاذ فورًا | أشهر أسباب توقف السيارة المفاجئ أثناء القيادة وكيف تتعامل معها | دودج تُشوق لظهور مفاجئ في الصيف، وقد تكون إحداها سيارة تشارجر إس آر تي هيلكات
الرئيسية المنتديات الرئيسية منتدى السيارات العام اخواني مطلوب نصيحتكم معاي 85000 وش تنصحوني بسيارة

اخواني مطلوب نصيحتكم معاي 85000 وش تنصحوني بسيارة

منتدى السيارات العام مغلق
16 رد 4,505 مشاهدة 10 مشارك الأقدم أولاً
d
design @user_15801 · 20-04-2005
السلام عليكم

اخواني الاعزاء

انا معاي 85000 وابغى اشتري سيارة وكالة .. وانا بصراحة ودي لو تكون السيارة رياضية او كشف

يعني انا انا حاط ببلاي البيجو الجديدة 307cc .. سيارة حلوة وكشف وسعرها تقريبا 86000 .. وودي اعرف هل قطع غيارها غالية ومتوفرة .. وسهلة تبيعها بعدين .. ووش اللون الحو عليها .. اسود ولا احمر

ومن ناحية ثانية انا شفت Bmw 330 ci 2002 كشف بسعر 90000 بس المشكلة اخاف تطلع لي خربات بعدين

عشان كذا قلت ابي شي حلو ووكالة


اتمنى اشوف نصائحكم .. وشكرا
أ
أكورد وبس @user_7944 · 24-04-2005
طق لك أفالون سياحي

6 سلندر ، 280 حصان ، فخامة ورحابة ورزة وتويوتا
m
mazda3 @user_12170 · 24-04-2005
خوي البيجو مايصلح انساه خذلك اكورد 6 سلندر
d
design @user_15801 صاحب الموضوع · 22-04-2005
السلام عليكم ورحمة الله وبركاته

تسلم حبيبي mortally

المشكلة انا ابي شي وكالة ما ابي شي مستعمل .. احسن واضمن لي ...
m
mortally @user_10232 · 22-04-2005
صراحة ذوقك حلو والجو بدبي مو مثلنا يعني انتو عندكم رطوبة اما احنا الله يساعدنا بالكويت تحس انة الشمس تلحقك وين ما تروح. ولا تحاتي ترا الموتر حلو وطيب والبيجو قوي واما عن قطع الغيار لا تشيل هم لانك بالامارات وبالتوفيق بس ليش ما تفكر بالاودي tt وانت وكيفك بس اختيارك طيب
d
design @user_15801 صاحب الموضوع · 22-04-2005
السلام عليكم

عزيزي أبو عبدالملك

اشكرك على نصيحتك .. لكن انا موجود بدبي .. فالاجواء مختلفة بعض الشي

وشكرا
أ
أبو عبدالملك @user_18068 · 22-04-2005
في الحقيقة يا أخي اللي أعرفه أن سيارات بيجو مشاكلها كثيييييييييييرة ولا تتحمل الأجواء عندنا ...........
تبي الصراحة لو كنت مكانك أخذت أفالون وبسسسسسس .....
d
design @user_15801 صاحب الموضوع · 22-04-2005
السلام عليكم

اشكر الجميع على ردوده

وانا انتظر لو احد عنده خبرة في هذي السيارة ...

وشكرا
n
noone @user_18619 · 20-04-2005
اولا يابو شطيب انا معجب بتوقيعك كثير اقدر اقلدك--------------------->والله انك صادق حتى انا اقدر؟؟؟؟؟؟؟؟
انت قلت تبي كشف في كشافات بالسوق ب200 وفيه اقل------------------------------->سوالي فيها غبي
الكشف حلوه لكن مشاكلها كثير خذ مثال في فلم السرعة والغضب خش عليهم المطر وهي من الوكالة---------------->اصلا موب في ذا الفلم
الصراحة مادري عن الكشف لكن اتركك منه---------------------------------------->طيب قول ليش؟
اقلك انتظر الشباب يردون عليك----------------------------->ايوه احسن شي تسكت مو تسوي فاهم!!!
والسلام عليكم---------------------------->وعليكم السلام
ا
ابو شطب @user_11771 · 20-04-2005
والله يااخوي لو تاخذ اكورد فل 4 سلندر...اسأل مجرب

فخامه داخليا وخارجيا....واكثر مايميزها انه ذات جوده عاليه جدا (جودة المواد المستخدمه في صناعتها)

يعني تضمن تمر خمس سنين والسياره ماتغيرت ابد :)
d
design @user_15801 صاحب الموضوع · 20-04-2005
السلام عليكم ورحمة الله وبركاته

عزيزي الوليد الطائر

صح كلامك بالنسبة للوكاة عندنا .. و ان شاء الله انا بستخير قبل لا اشتريها وبشوف كلام اخوانا في المنتدى اصحاب البيجو

==========================

عزيزي Type R

والله يا خوي الحمد لله الجيب فيه الي يكفي .. ولكن انا خصصت هالمبلغ فقط للسيارة وانا كنت حاط اكبر منه بس قلت خلنا نشغله في شي ثاني


الف شكر للجميع
T
Type R @user_453 · 20-04-2005
شوف بدل ما تضيع 85 ألف ريال في سيارة ، أشتري سيارة بـ35 ألف والباقي أستثمرهم ......


أيش الفايدة من الرزة والكشخة والجيب فاضي؟
ا
الوليد الطائر @user_17749 · 20-04-2005
اذا انت عايش في دبي اكيد الوكيل مختلف عن السعودية .... لان حسب كلام الاخوان في المنتدى ان الوكلاء في السعودية هم الاسوء في الخليج ........

اكيد الوضع مختلف 180 درجة في دبي من ناحية قطع الغيار والصيانة .... بالنسبة للبيع ما بيشتريها احد الا وهو راغب في السيارة لانها ليست يابانية وليست تويوتا ... والراغبين ممكن تلقاهم بس المدة تطول معاك يمكن تاخذ معاك شهر او شهرين علشان تحصل المشتري المناسب ...... انا ماعندي خبرة في البيجو لكن اعتقد اانها سيارة اقتصادية ..... واكيد الاخوان اصحاب البيجو في المنتدى ما يقصروا
d
design @user_15801 صاحب الموضوع · 20-04-2005
السلام عليكم

الف شكر على جميع التوضيح عزيزي الوليد الطائر

وبالنسبة للبيجو انا موجود بدبي وهي متوفرة عندنا هنا وبكثرة

بس لو ممكن مثلا عندك خبرة هل تنباع بعد ما نشتريها وهل قطع غيارها رخيصة ولا غالية عموما يعني

وشكرا
ا
الوليد الطائر @user_17749 · 20-04-2005
307 CC سيارة حلوة وومتازة ولكن اعتقد ان الوكيل بالسعودية ما يجيبها .... بس في امكانية انك تشتريها من دول الخليج الجوار وما فيه اي فرق من النواحي المكانيكية بينها وبين 307 الهاتشباك الموجودة في السعودية ..الفرق الوحيد هو ان السقف متحرك فقط ...وانا اعتبره من افضل انواع الكشف واكثرهم عملية لانه ليس قماشي ......البي ام حلو ولكن سعره غالي لاني من فترة شفت 318 موديل 2004 وكشف وماشي تقريبا 10 الاف كيلو ويبغوه بـ 115 الف وهذا بدون تفاوض او تفاهم علشان ينزلون من سعر السيارة وكانت جديدة جدا ...فما بالك بموديل 2002 وعلى العموم 2004 يختلف في الواجهة الامامية والانوار الخلفية عن 2002 .... يعني في امكانية تلقى لك واحد هالايام بسعر 90 الف او اقل لان الموديل الجديد من الفئة الثالثة نزل بالاسواق وهو شكل جديد تماما
d
design @user_15801 صاحب الموضوع · 20-04-2005
السلام عليكم

تسلم والله حبيبي THE CORVETTE

على الرد .. لو معي كان ما قصرت جبتها من اول لوول
T
THE CORVETTE @user_8478 · 20-04-2005
خذ لك كورفيت C5 كشف على الذمه :)

لا امزح معك بس بالنسبه بهالسيارتين الشباب يفيدونك لانه مالي خبره فيهم