ما هي فئات السوناتا الاربعة سلندر؟

أخوي EF Sonata .. القير ال 6 غيارات .. هذا لمحرك الديزل اللي في اوروبا ..

وبالنسبة للسيارة .. استأجرها أخوي أمس ..

وللأسف ما قدرت أجربها الا مدة ساعة ونص ..

وملاحظاتي عليها التالي ..

( السيارة عزلها الصوتي ممتاز جدا .. حتى صوت المحرك بالكاد تسمعه )
( السيارة من ناحية العزم جيدة جدا .. وشبيهة بالأكورد والكامري لكن تلاحظ خفتها بالطريق أكثر من الأكورد )
( السيارة مريحة أكثر من الطراز السابق المشهور براحته )
( فرامل السيارة أصبحت أفضل من الجيل السابق بشكل ملحوظ )
( المكيف تحسن كثيييرا عن الطراز السابق وأصبحت قوة تبريدة رائعة )

هذي الميزات اللي قدرت الاحظها بهالساعة :(

للأسف حاولت أجربها بشكل أكبر لكن الظروف لم تسمح لي ..

وهذي عيوب السيارة اللي لاحظتها ..

( سماعات السيارة قوتها عادية .. ما أدري السماعات ضعيفة او لأني ما وازنتها من المسجل )
( التحكم بالمسجل عن طريق الدركسون فيه بطء ملحوظ من ناحية الاستجابة )

هذي العيوب اللي لاحظتها .. طبعا غير عدم وجود الايرباق او الاي بي اس بالفئة السياحية

وعلى فكرة الدفعة الجديدة راح تجي في 30 ابريل بالظبط ( الدفعة الحالية خلصت )
وفيها تحسن بسيط في المواصفات ..

تحياتي لكم ,,

شكرا لك يا أخ (EF Sonata) ع المعلومات القيمة ................بس لو تعرف لنا متى بتنزل عند المجدوعي ولك جزيل الشكر

sama_7
------------
ايه الحمد لله شرينها قبل شهرين تقريباً حق أخوي الأصغر ... والسيارة بشكل عام ممتازة ومواصفات حلو كثير ... حتى أخوي واحد من ربعه عنده أكورد يقول من ورا فيها تشابه مع الأكورد لكنها أحلى من الأكورد بشكل عام ... وفي واحد راعي كامري من الشكل الجديد يقول لو أني صابر شوي وماخذ السوناتا كان احسن لي.... الشيء الوحيد إلي ماعجبني في السيارة إني أحسن إنها مرتفعه شويه ... يمكن لأن سيارتي نازله ... مواصفات السيارة هي زي إلي ذكرتها فوق:

[ مثبت سرعة - تحكم في المسجل من المقود - جنوط ألمنيوم مقاس 17 - مكيف إلكتروني بالكامل - محرك 4 اسطوانات - نظام صوتي كاسيت وسيدي MP3 (سيدي واحد فقط) - تنجيد جلد - زينون - انوار غازية - فتحت سقف - رموت كنترول للأبواب والشنطة ونظام منع السرقة - تخشيبة - ناقل حركة اوتوماتيكي (شفترونيك) من 4 غيارات - وسادة هوائية للسائق - نظام ASP و ESP - نظام TCS (أظن) - زجاج ملون ] وأضف عليها إمكانية التحكم في مستوى الأنوار الأمامية من داخل السيارة ... وكذلك واحد من إلي يشتغلون في السيارة يقول إن السيارة توازن نفسها عند التحميلها (هيدروليك) وكذلك أن الكفرات تفرش مع المشي ... وسعرها زي ما قلت لك في حدود 67 الف تزيد وتنقص شوي للمواصفات الكاملة عند المجدوعي في الشرقية ...

مرحبا فيك يا أخ (EF Sonata ) انا اخبر انك قلت بتشتري سوناتا الجديدة ما ادري وش سويت ؟ اذا كنت شريتها نقول لك مبروك والله يعطيك خيرها ويكفيك شرها ......... وياليت تعطينا رأيك فيها بكل صراحة -وبدون تحيز- من حيث المواصفات والسعر وأهم شئ هل هي عملية؟؟؟؟؟


ولك جزيل الشكر



أخوك ama_7

عادي واحد قبل 3 شهور ماخذ أكورد 4 سلندر بـ 90 الف ريال ... ما تبي سوناتا V6 بـ 80 الف ... لا تنسى إن الدولار نازل ... وعملات دول الخليج مرتبطه فيه ...
بالنسبة للقير العادي 6 غيارات ... إذا كانت عندك سوناتا فأفتح كتلوجها (دليل السيارة) وروح على صفحة القيور راح تلقى إنها تتوفر بـ 4 قيور ( شفترونيك 4 أو 5 غيارات أو عادي بـ 5 أو 6 غيارات)

كلامك صحيح وشكرا لك...

ما أنصحك تجيب من الامارات ..

بتتعب نفسك عشان ايرباقات جانبية ؟

الله يخلف من متى سياراتنا فيها ايرباقات أصلا ...

أكيد سياحي ............


طيب يا أخوان تتوقعون أن المواصفات لل 6 سلندر اللي بالامارات أفضل من عندنا (يعني ايرباق للسائق والراكب وايضا جانبية) ؟ لأنه ال 4 سلندر عندهم 2 ايرباق للسائق والراكب والباقي تقريبا نفس مواصفات الفل عند المجدوعي والسعر متقارب ............

وسلامتكم................sama_7

59 الف ريال !!

أكيد انها سياحي ..

بس ولو سعر معقوووووول جدا ..

بتكتسح السوق اكتساح :)

السلام عليكم ورحمة الله ............ اسمحولي بالمداخلة , انا سألت موظف في الوعلان قال لي انو ال 6 سلندر نزلت عندهم بس قير عادي بسعر 59 ألف .. وماني متأكد من عدد الغيارات ..... وسلامتكم

يا طويل العمر انا ما عندي علم عن مواصفات المجدوعي ..

الفل الكامل عند الوعلان ب 61 الف ريال ..

ومندوب المبيعات قالي ان السعر راح يكون 70 الف تقريبا وأقل ..

وانا متأكد ان مواصفات الوعلان بتكون ناقصة شوي ..

اما 80 الف على سوناتا فهذا ضرب من الجنون ..

وان ارتفعت اسعارها بشكل خيالي راح توصل للـ 74 الف .. ومستحيل تتعداها ..

وبالنسبة لكلامك حول ان القير العادي راح يكون 6 غيارات فهذي معلومة خاطئة على فكرة ..

تحياتي لك

eagle
----------
السوناتا كان سعرها قبل شهر وشوي عند المجدوعي في المنطقة الشرقية 67 الف تقريباً
للمواصفات الكاملة [ مثبت سرعة - تحكم في المسجل من المقود - جنوط ألمنيوم مقاس 17 - مكيف إلكتروني بالكامل - محرك 4 اسطوانات - نظام صوتي كاسيت وسيدي MP3 (سيدي واحد فقط) - تنجيد جلد - زينون - انوار غازية - فتحت سقف - رموت كنترول للأبواب والشنطة ونظام منع السرقة - تخشيبة - ناقل حركة اوتوماتيكي (شفترونيك) من 4 غيارات - وسادة هوائية للسائق - نظام ASP و ESP - نظام TCS (أظن) - زجاج ملون ]

حارش مارش
-----------------
ما اظن إن الـ V6 يكون سعرها 70 الف ريال ... السعر ممكن يوصل 80 الف حسب كلام احد الأشخاص في الوكالة لكاملة المواصفات ...
تخيل الـ I4 بـ 67 الف ... والـ V6 راح تزيد عنها بـ [ محرك V6 - فتحتين شكمان - وسادتين هوائيتين - مقاعد كهربائية - مسجل MP3 و مبدل اقراص بسعة 6 اقراص - حساسات - ناقل حركة شفترونيك من خمس غيارات أو ناقل حركة عادي من 6 غيارات) ... تتوقع يكون الفرق لكل هذي الزيادات 2000 ريال بس ؟ ... ما اظن

جربوا تزورون هذا الموقع الخاص بالسوناتا الجديدة
www.hyundaisonata.com

أشكرك يا أخ (حارش مارش) 70 ألف سعرها طيب لكن ما أتوقع ...

تحياتي

ايه نعم أخوي ..

هذي المواصفات والاسعار كلها من الوعلان ,,

و الله المواصفات روعه على السعر

اخوي حارش مارش المواصفات هذي موجوده عند الوعلان و بنفس السعر؟؟؟

انا معاك في شكل الكونسول انه جدا عادي ..

لكن بصراحة مع هذي المواصفات والقوة تنسى شكل الكونسول ..

والف شكر على الصور :)

الف الف شكر لك اخوي حارش مارش على المعلومات وما قصرت...

و تقبل هديتي المتواضعة http://www.carenthusiast.com/hyundai/

عند دخولك للموقع انزل للاسفل الين ما توصل عند sonata2005 و شوف الصور اللون الاسود طالع يجنن....

بس الشي اللي ما عجبني هو شكل الكونسول الوسطي يعني نوعا ما شكله عادي جدا و الشيء الثاني هو الجلد بس شوف ابنفسك و عطنا رايك...


سلامي...

أخوي sama_7 موعد نزول الستة سلندر قريبا ان شاء الله ..

بفترة تتراوح بين ثلاث اسابيع الى شهر بالكثير .. ولكن صدقني انها راح تكون تستاهل الانتظار ,,

بالنسبة لك أخوي eagle ..

فئة السوناتا الاربعة سلندر السياحي تأتي بمواصفات كالتالي ( مثبت سرعة - تحكم بالمسجل عن طريق الدركسون- مقاعد قماش - نوافذ كهربائية - كشافات ضبابية )
وسعر الفئة السياحية 51 الف ريال تقريبا ..
هذي ابرز مواصفاتها ..

أما الفل الكامل الاربعة سلندر تزيد عنها بـ ( جنوط مقاس 16 - مقاعد مخمل - ديكور خشبي - مكيف الكتروني - عدد سماعات أكثر - ايرباق واحد فقط مع اي بي اس واي بي دي وبرنامج الاستقرار الالكتروني بالتحكم - ريموت كنترول - فتحة بالسقف - دركسون ملبس جلد - قير تيبترونيك 4 سرعات )

وسعر الفئة هذي 61 الف ريال ..

الستة سلندر تزيد بمواصفاتها ( غير المحرك ) .. ( شكمانين - جنوط مقاس 17 - ايرباقين - تحكم كهربائي بالمقاعد - مشغل سيديات 6 اسطوانات mp3 - ستارة كهربائية - جلد - حساسات - قير تيبترونيك 5 سرعات )

وسعرها ان شاء الله أقل من 70 الف ريال لكاملة المواصفات .. طبعا الاسعار تزيد وتنقص حسب المواصفات الاختيارية ..

وراح ينزلون 6 سلندر سياحي قير عادي لكن اتوقع يبي له وقت ..