حطمني السستم :(

حبيبي M.A.M
المحل اسمه بالضبط ما اعرفه لكن الرجال الي فيه معروف

اسمه مراد اسأل اي واحد بالغرابي يدلك جنسيته تركي

سعره شوي غالي بس مضبووووووووووط


وودي اروحله بس ماني فاضيله هاليومين


حبيبي مجنون هو لان الموضوع قديم انا ما علمتكم باني غيرت المسجل مع التسليك

وركبت سي دي لحاله طبعا (( ما اعترف بالكاسيت )) بايونيير MP3 and WMA

والصفايه الاصليه مدري وين الاقيها كل ما اسأل الاقي الي بثلاثين وعشرين ومن هالطقه الي مالها سنع

والتويترات ناويها ان شا الله


ومشكوريين على ردودكم


اخوووووووووووووكم مرزووووووووق

السلام عليكم ورحمة الله وبركاته
ماشا الله بالنسبه للعده مايحتا ج مزبوطه بس العيب في التركيب
والمسجل
اما الزنه هاذي يبغالها صفايه اصليه
والمسجل انصحك بالكينود او البايونير واخيرا السوني اما غيها خرررررررطي
ولاتنسى تركب سكسكه (تويترات) بايونير الأصليه بتديك صوت مره حلو
وشكككككككررررررررررا
اخوك محمد هزازي.

اخوي مرزوق ياليت لو تدلنا على المحل اللي سوا لك تسليك جديد وضبط الوضع عندك علشان نستفيد منه لان الرياض قليلة المحلات اللي تسليكها مضبوط
بس قهر انه يطلع لك زنة حتى لو بسيطة انا لو محلك رحت له وقلت لازم تروح :)
تحياتي

الموضوع قديم شباب
والسيستم ضبط من زماااان

بس زنه ما الاحظها الا اذا رافع الصوت على الاخير وخلصت الاغنيه وخفييييييييفه


بس معليه مشكور اخوي مهندس صوت


اخوي صحور :) الفلاتر هاذي جربتها قبل ما يضبط السيستم
انهبلت صار العكس البيس ما يجي الوفر ويروح للسماعات بزياده :)

وفتره ما كملت اسبوع وانحرقت :( وانحاس الصوت عندي


بس رحت لواحد مضبوط سلك من جديد وضبط الوضع


ومشكور على ردك :)


اخوووووووووووووووووووووووووووكم مرزوووووووووووووووووووووق

مرزوق لو تركب فلاتر عشان البيس كله يروح للأوفر


وفلاتر في السماعات إلي قدام عشان ما يروح لها البيس

عيوني لازم تخي اسلاك الكهربا في جهه واسلاك الايرسي ( اسلاك السماعات ) في جهه لاتمدهم مع بعض او متلاصقين لان سلك الكهربا ينتج مجالات مغناطيسيه و تأثر على اسلاك الايرسي وتطلع الزنه وشكرا



تحياتي للجميع

تشاااااااااااو

اذا احد عنده اضافه على الكلام يكتب اضافته عادي ترى :)

ماني مسوي شي الا بعد كم يوم يعني باقي وقت

(( من لديه شي ضد هذا الكلام فليتكلم الان او ليصمت الى الابد )) < ========== متأثر بالافلام واجد :)



اخوووكم مرزوووووووووق :)

يعطيك العافيه اخوي محمد وما قصرت

كفيت ووفيت

انشا الله نردها لك بالافراح :)

اخووك مرزووق :)

السلام عليكم

الفيوز يكون على السلك اللى طالع من البطارية

وتجي احياناً على شكل قواعد .......... ويفضل تركيب فيوز احتياطاً

================

اسلاك السماعات والصوت في جهة والكهرباء في جهة ......

يعنى التمديد يكون جهة السواق للكهرباء وجهة الراكب يكون للصوت .......

ان شاء الله وضحت...

===

اما بالنسبة للتركيب تقدر تحرص اللى يركبها بالتفاصيل اعلاه ,,,,




تحياتي
محمد

يعطيك العافيه اخوي محمد

بس فيه كم شغله ما فهمتها
- لازم قاعدة فيوز للكهرباء الوصلة للامبلفايرات لاتقل عن 90 امبير سواء بالتوازي او فيوز كبير

شلون يعني وين تركب هالفيوزات لاني ما اخبر الا الفيوز الي يركب بالامبليفاير اما قاعده مادري عنها


1-لازم اسلاك السماعات واسلاك الصوت للامبلفايرات في جهة
والكهرباء في جهة

شلون يعني من جد شلون يعني ههه ما فهمتها مررره

بعدين انا ما ودي اتفلت بشي فيه كهربا علشان كذا اخلي المحلات يسوونها والمحلات انت خابر ما عندهم سالفه اهم شي يركب ويمشيك فاذا تعرف محل مضبوط دلني عليه لا هنت

وما عطيتني رايك بالمسجل الي اركبه وش تنصح اي موديل واي ماركه ..


ومعليش طولتها وهي قصيره بس تحملني هالمره

اخوووك مرزووووووووق :)

السلام عليكم

اول شي قبل السستم وقبل الامبلفايرات لازم تجهز نظام الكهرباء عندك لتحمل السحب الزائد

1- البطارية لاتقل عن 70 امبير
2- اسلاك التأريض "السالب" لاتقل عن 25 ملم ويفضل تدبل اسلاك الوكالة باسلاك عريضة
3- لازم قاعدة فيوز للكهرباء الوصلة للامبلفايرات لاتقل عن 90 امبير سواء بالتوازي او فيوز كبير


========

التسليك

1-لازم اسلاك السماعات واسلاك الصوت للامبلفايرات في جهة
والكهرباء في جهة

2- اسلاك التأريض "السالب" تكون بطول متر على الاكثر "الامبلفاير "يفضل يكون قريب للحديد "البدي"

هذي اذا طبقتها بالتفصيل مستحيل تطلع لك زنة "مستحيل" حتى مع اردى الامبلفايرات

تقدر تركز على هالنقاط اذا جيت تركب او تشرف على التركيب



تحياتي
محمد

ما انسحب علي ابد

وينكم يا جماعة الخير :)


صدق مسيكين انا دايمن مجحود :(


اممممممم نصبر الين الله يفرجها ...


مرزوق :(

يعطييييييييييك الف عافيه من ناحية المسجل انا خلااااص مغيره مغيره الله لا يعوق بشر

وجالس افكر جديا بالبايونيير بس لقيت JVC سي دي بس لحاله بدون كاسيت فيه مميزات حلوه مثل التحكم بالووفر لحاله هاذي الميزه الي انا ابغاه اصلا وسعره 800 ريال


والبوبينه مدري ليه مو مقتنع فيها بس بشوف الوضع


والتسليك مدري وين اروح الكل يقول تسليكي الاحسن وين الاقي الاحسن من جد الي عنده خبر يعلمني :)


اخوووووووكم مرزوووووق :)

اخوي مرزوق
اذا كان مسجلك ال JVC سعره مايتعدى 400 ريال فانصحك تغيره لان الانواع الرخيصة من JVC رايحة فيها مرة وتقطع وحالتها حالة وال JVC مافيها الا موديلين او ثلاثة مضبوطة والباقي رايح فيها .. فنصيحتي لك التغيير الى احد الانواع المعروفة والجيدة من JVC مثل KW-XC838 وهذا الموديل يشغل MP3 وكاسيت وسي دي وهو D-DIN يعني من النوع الكبير ومثل ال KD-SH707 وهذا يشغل MP3 سي دي وهو DIN يعني من النوع الصغير وهذا هو تقريبا افضل مسجل من JVC نزل بالسعودية ولكنه نادر لانه موديل 2002
واي مسجل غير هذي الانواع من JVC انا ماانصح فيه الا اذا كنت مجربه وسامعه مع واحد وهو يمشي علشان تتأكد انه يقطع ولا لا
واذا كنت ناوي البايونير فهي افضل مشغلات موجودة في السعودية واغلب موديلاته ممتازة
ومن ناحية الزنة فاذا كنت ماراح تسوي تسليك من جديد واسلاك عريضة فمالك الا الفلاتر واسأل عنها في محلات المسجلات وترا يسمونها بويبينة
تحياتي
تحياتي

يعني يركب ورا المسجل بس ما يحتاج افك غيره ؟؟ ووين الاقي هالفلاتر لاني اول مره اسمع عنها

وغير كذا ما جاوبتني <========= تحس بثر :)

تنصنحي اغير المسجل مع اني ناووي اغيره كذا والا كذا بس ابي نصايحكم
ومشكور على ردك السريع جدا هذا :)

اخووك مرزووق