ممكن تقولوا لي كيفية تمرين السيارة الموظبة ..

**د.هاني** · 06-04-2005, 02:29 PM

بسم الله الرحمن الرحيم

اخواني الاعزاء

السلام عليكم

انا عندي مرسيدس ثانية قديمة موديل 90 ,, نوعها 300 SEL مكينة 126 .......

ومن تلك الايام حتى يومي هذا لم تفتك المكينة ابدا ,, لكني لاحظت في الفترة الاخيرة لاحظت ان زيت السيارة صار ينقص نص علبة تقريبا بعد الـ 1000 كلم ...

رحت لمهندس قال سوي لها تسقيط رنجات .. ( شنابر ) لان البساتم والسلندر جديد لنج ..

من 15 سنة ولسه المكينة جديدة

....

انا فكرت اني اوظب المكينة بالكامل .. مقاس 25 ...

لكني احترت بالطريقة الصحيحة السليمة للتسليك او التمرين بعد التوظيب .

للعلم انا غير مستعجل على التمرين .. واتذكر ان والدي لما اشتراها زمان جلس يمرنها على سرعة 50 حتى 5000 كلم .. ممكن عشان كذا دامت السيارة معنا .

على فكرة الفياجرا حتى الان ماتعديت سرعة الـ 100 كلم/ساعة .... وانا قاطع فيها للان قرابة 6000 كلم ,,
بعد الـ 10000 ان شاء الله راح امشي فيها طبيعي .. ( بطبعي انا هادئ على السيارات ) .

ومشكور لكم مقدما

**د.فيصل** · 06-04-2005, 03:30 PM

اخوي احب اقولك انك غلط تخلي السيارة الى 6000 وانت ماتدري
عنا لازم تجربها وتشوف وش يطلع فيها
يمكن كذا ولا كذا

**فني سيارات** · 06-04-2005, 11:32 PM

السلام عليكم

شوف انت لو تلاحض كلام المكانيكي هو قال لك تبديل شنابر بس لان ما اعتقد ان المرسيدس ينعمل له خرطة لانه تتبدل الماكينة او تدخل جلب جديدة مكان السلندر ولا تخرط الماكينة و وضع شنابر بس لحالة سيارتك شي جيد وتحتاج تمرين يعني تسوق بهداوه على الاقل حتى الف كيلو وبعدها عادي

وشكرا

**الوليد الطائر** · 07-04-2005, 01:49 AM

مثل تمرين اي سيارة جديدة ..... والكثير من الناس يظن ان التمرين للسيارة يشمل تمرين الجيربوكس والدفنرس والمكيف وكل شي في السيارة وطبعا هذه معلومة خاطئة .... الشي الوحيد اللي يمرن هو المكينة فقط سواء كانت السيارة جديدة او المكينة موظبة

وبالنسبة للحين سيارات كثير تجي ممرنة وما يحتاج انك تمرنها بس من الافضل انك ما تتجاوز سرعة 140 كلم عند اول 1500 او 2000 كم

شي جيد انك شخص مهتم بالسيارة ويا حظه من يشتري السيارة من عندك ... لكن التمرين الطويل اللي تتبعه مع السيارة ما يغير شي