عندي كوريه مشاركتني براتبي

من ملاحظتي لردود الشباب في الموضوع

تبين مصداقية القول بان : الكوري اثبت جدارتة بالسوق السعودي

سوناتا 2001 ... ماشية أكثر من 100 الف كلم ... والحمد لله أكبر شيء غيرته في السيارة كان البطارية ... فكيف انت طلعت عندك كل المشاكل هذي ؟؟؟

السلام عليكم ورحمة الله وبركاته ..

عزيزي .. عندي هيونداي سنتافيه ..

راج الحارة فيها .. قومات ، دعس ، بس ما أفحط :)

وحارق والديها ..

الأمبر يوصل إلى 6 ..

ولا عمرها شكت .. ولا أغير فيها إلا الزيت والقماشات بس ..

تحياتي
موفقين

السوناتا موديل 2001 جودتها ضعيفة ..

لكن حتى مع جودتها الضعيفة .. فيه اشياء انا ما أدري شلون خربت ؟

مثل تروس القير .. والكلتش .. هذي مع احترامي لك ..سبب عطلها أكيد من السائق ..

وبالنسبة لدودة الدركسون ..

قد مرة خربت بسيارة نيسان باترول 2000 ,,

وقد صلحتها ,, وخربت مرة ثانية بعد سنة وما زلت مخليها ..

تحياتي لك يالباش مهندس

انا بقولك شي
في عند عيال عمي سوناتا نفس موديل اللي معك
وماني قايلك كل عيال عمي ساقوها وبس
كل الحاره ساقتها
حتى ان بعض عيال جيرانهم تعلم السواقه عليها

وماصار عندهم نص اللي صار معك

اكيد في شي غلط عندك

مرحبااا اخووي
مااضيف على كلام الشباب الا انه اخوي عنده سوناتا 2001
وقير اتوماتيك واربع سلندر والمعروف ان العادي يدوم اكثر من الاتوماتيك
والله العظيم ان ماعمره دخلها وكاله الا بعد الالف ويوم سوا القماشات مرتين بس...
وغير كذا ماعمرها طلبت شي
انا كان معايه سوناتا ليمتد 2003 فل كامل
اول ماشريتها ماكانت ذاك العزم مع انها 6 سلندر ووديتها الوكاله مع الالف وقلت لهم عن المشكله
قالو غيرنا لك كرسي الميكنه وهذا خلل تصنيعي ومايطلع الا بكل 1000 سياره وحده
وحتى بااي وكاله ثانيه ممكن ان يجي في سياره خلل تصنيعي
واعرف واحد من الشباب مشتري افالون والله العظيم شهر ونص بوشت المكينه عليه
ويوم وداها قالو خلل تصنيعي وعطوه وحده بدالها
ومعليش على الاطااله ...


تحياتي

اشكر الاخوه على الردود الجميله
ولاكن تبين لي من بعض الردودمن الاخوه الاعضاء بأني مبالغ في كلامي في بعض الاشياء التي ذكرتها
ولاكن والله كل ماذكرته حصل معي ولا اعرف ماهو سبب ذلك .
على فكره انا ناوي انشاء الله ابيعها واشتري لكزس 400مستعمل موديل 99ويش رايكم تنصحوني بها
رايكم يهمني

شوف اخوي انا صارت عندي هونداي النترا 1.5 موديل 2000 وظلت عندي الين 2003 والله العظيم سيارة جبارة

انا ماكنت اعتني بها كنت اتطارح مع كل شي مهما يكون مع العلم انها كانت قير اوتو وعزمها مو لهناك

بس ماخررررررررررربت عندي ولا مرررررررررررة حدي اغير لها قماشات وبواجي وزيت

عيبها فقط انها تستهلك قماشات


سلام

اخوي ابو مطر

يمكن هي من سياره لسياره او من سواقه لسواقه

بس مستحيل سياره موديل 2001 ما تحتاج صيانه او تغيير قطع

اعرف ناس معهم كامريات الي كل الناس تشهد بقوتها وجودتها نفس هالمشاكل صايره لهم وهم من اشد المحافظين على السياره


على العموم الاختلاف في وجهات النظر لا يفسد من الود قضيه <====== وش يبي ذا


اخووكم مرزووق :)

شف اخوي
انا معاي سوناتا 2001 يعني نفس الموديل
ما اوديها الوكالة الا تغيير زيت وفلتر وتشييك كل عشرة الاف كيلو
يعني يمكن المشكلة منك
لايكون تهجول :D
وابشرك شريت سوناتا 2005 من زود حبي لهذي السيارة

تحياتي

اخوي صح ممكن انك انت تحافظ على السياره لكن ممكن مطب جامد يكسر لك مقص وهذا اللي صار لي مع سيارتي التيرسل مع انها يابانيه

أخوي الفاضل

انا معي هوندا اكوورد موديل 2001

شاريها وكاله جديده على ايام الجامعه

والان ماشية فوق 200 الف كيلو

والصراحة اني ما احافظ ذيك المحافظة

ورحت بها لكل مكان الشرقيه الغربية الجنوبية

وكارفها كرف الله لا يوريك

ولله الحمد ما غيرت فيها الا كفرات وفحمات وبس

سياره ماشاء الله تبارك الله

والصراحة حبيتها ومستحيل افرط فيها

انا كلامي زي كلام الاخ E2004

بس اضيف شي الي هو موديل السياره
يعني سياره موديلها 2001 لها اربع سنوات الحين وما تبيها تطلب تصليح ؟؟

ومن ناحية كرسي المكينه هذا عادي حتى الكامريات من 98 الى 2002 فيها نفس المشكله لان فيه ضغط على احد الكراسي فلما يخرب لازم تغير الكراسي كلها

وانشا الله يفيدوك باقي الشباب

اخووكم مرزووق :)

صدقني نص الاشياء اللي انت ميرها ماله داعي تغييرها

يعني لعبوا عليك واخذوا فلوس على الفاضي

اول شي ياهلا فيك بالمنتدى وعلى ما اضن ان هذي اول مشاركة لك ...


السيارات تفرق حسب الاستخدام ويمكن الي كانت معاك كانت مضروبة ؟؟ عموما احب اقولك حاجة ..
1-دودة الدركسون : هذي لوكانت السيارة تحت الضمان صلوحها على الضمان .
2- الاذرعة والمقصات : ماتخرب الا اذا كنت تفحط او تمشي بسرعة على المطبات والحفر .
3- المساعدات : شي طبيعي تخرب المساعدات لانه تتغير بين فترو وثانية ويمكن للسبب السابق خربت .
4- كرسي المكينه : انا مدري بصراحة شلون خرب ؟؟؟؟؟؟؟؟
5- تروس القير : نفس الرد السابق .
6- الكلتش : من الطبيعي يخرب اذا كان الشخص مايعرف يسوق عادي صح ، واكبر دليل محلات الايجار دايما يخرب الكلتش عندهم على اغلب سيارتهم القير العادي لان الواحد الي يستاجرها غالبا مايكون متعود على القير العادي .




اخيرا : ارجــــــــــــــــــــــوا تحــــــــــري المصـــــــــــــداقية بكلامك وردودك ،، وياهلا فيك مرة ثانية