<<< من الخبر
والله قرفنا من سالفة عوائل وعوائل يعني تترك المجمعات والكباين عشان ترتاح من هم للعائلات فقط وتروح الكورنيش وتحصل الواجهه مقفلينها الدوريات وكم جمس هيئه ويقولون عوايل بس ,, اخ يالقهر وين تروح يعني ,, وتتعوذ من ابليس وتقول بروح لأول ساحه بالكورنيش هناك كلها شباب وتتفاجأ ان الدوريات اللي كانو مقفلين الواجهه بعد مامشو العوائل جو عندك وحاصرو الساحه اللي انت فيها وخذ تفتيش ومخالفات وحجز سيارات وجمس الهيئه يطب عليكم اخر الليل وتفتيش ومصادرة المعسلات
يعني ما يتركونك بحالك حتى لو انك تارك كل شي لهم
فـ افضل حل انك تسوي مثلي ومثل شلتي المحترمه كل ما نطفش نتجه الى جسر الملك فهد والى البحرين على طول وروح كل مكان يخطر على باللك ماراح تشوف جموس هيئه ودورياتهم وعساكرهم محترمين ومانرجع الا الصباح وكذا نكون انبسطنا رغماً عن انوف الحادقين <<<( اللي يطوقون الساحه والجمس اللي يطب عليهم) :)
