محتار في الكابريس بين الإل تي زد والإإس إس الـ96

انا انصحك تشتري ال تي زد

الكابرس ss وال ltz مافي فرق بينهم من ناحية المحرك و ناقل الحركة نهائيا ... المحرك من نوع LT1 للإثنين وهو يعطي قوة 260 حصان على ما أذكر

الإختلاف بين الإثنين هو في نظام التعليق وحجم الجنوط وبرمجة الكمبيوتر والداخلية

طبعا الفحمات تختلف بين الLTZ وال SS ... ال SS فحماتها أغلى واذا ركبت نوع رخيص بتطلع صوت ( عن تجربة )

المشاكل المعروفه :

تهريب في ثلاجة المحرك وهذي سهل تصليحها بتبديل غاسغيت الثلاجة

تهريب في مثبت فلتر الزيت .. وهذي تصليحها جدا سهل

تهريب في غاسغيت الدفرنش وتصليحه يحتاج تبديل غازغيت الدفنرش مع تبديل الزيت ( الزيت من الوكالة تشتريه )

هذي الاعطال تكون مرة واحده واذا تم التركيب بالشكل الصحيح ماتحتاج الى تصليح مرة ثانية
====================================================================

سنسر الحرارة لازم يتبدل كل 50 ألف .. سعره بحدود 40 ريال وتركيبه ماياخذ دقيقتين

تبديل البلاكات متعب شوي

وأنتبه من الديلكو لايجيه ماي لأن مكانه أمام المحرك خلف طرمبة الماء مباشرة عكس الكوابرس القديمة اللي يكون الديلكو خلف المحرك

عموما الكابرس قطع غياره جدا رخيصة ومتوفرة ومافيه أي شيء معقد وهذي سيارات تعيش عمر لدرجة أن الامريكان الى الأن يستخدمونها في الشرطة لكنها تحتاج الى صيانة من فترة الى فترة لكن العيب الوحيد اللي ماريحني فيها هو الداخلية لأن موادها رخيصة

صرفية الوقود معقوله جدا بالنسبة لحجم السيارة ... يعني من واقع تجربة في المدن يمشيك 550 كيلو اذا رجلك حامية اما في خطوط السفر يمشيك لايقل عن 740 كيلو

واذا كانت السيارة ماتمشيك هالمسافة يكون فيها مشكلة أو تحتاج تصفية

======================================================
لاجيت تشتري السيارة ارفع السيارة وتأكد من عدم وجود أي تهربيات مهما كانت .. كذلك افتح غطاء المحرك وخليهم يشيلو غطا المحرك الأسود وتفحص المحرك وابحث عن اي تهريبات ظاهرة وحط ايدك ورا المحرك وتلمس وجود اي زيت ممكن يكون موجود ( هذا دليل على وجود تهريب في الثلاجة ) وتأكد من المراوح انهم يشتغلون .. افصل سنسر الحرارة ( أمام المحرك في طربمة الماء ) وانتظر 10 الى 20 ثانية والسيارة شغالة اذا اشتغلوا المراوح يعني حالتهم سليمه اما اذا ما اشتغلوا يعني تحتاج مراوح او كتاوت جديد ... سعر المروحه الوحده 120 ريال ... افحص الدفرنش وشوف اذا في تهريب أو لا ... شغل السيارة وتأكد ان مافيها اي رجفة ولو خفيفه ... تأكد من تبديلات القير لايكون فيها خشونه أو تأخير

بالتوفيق

عزيزي بالنسبه ل LTZ فأنا انصحك فيها لانها عمليه وقويه وتتحمل الكرف بالاضافه الى انها اقل خرابات من ال اس اس


لانه ال اس اس حساسه وبالاضافه الى انها صرفيه ..


تحياتي


night

السلاام

والله انا قريبي عنده اس اس ... ما عليه كلام رساوه في الخط و قوه سياره صح

بس اهم شي تنتبه للحراره.. لانو بعضهم يجي يرفع وبعضهم لا...

وعندك شوي شوي على القير لانو كثر الدعس والعبجه يضره يعني لو انت تبع هالحركات كل فتره يبي لك كراسي قير...

اما الال تي زد... مالي خبره عنه ... بس طبعا مش بقوة الاس اس ولا رساوته على الخط...

سلااام

أشكر الأخوة الذين ردو على تساؤلي
ولكن ماوضحتو لي أي السيارتين أعطالها وخرابها أكثر وشكراً مرة أخرى .........

أوي بنسبة لسفر فمافي أحسن من الأمريكي مايصرف أبدا حتى لو كانت أقوى سيارة أمريكية بس أهم شيء ثبت الدعسة:D

وسلامتكم|3|

من ناحية البنزين الكابرس اس اس 96 من خلال تجربه مايشرب في الخطوط بشكل ماتتصور عكس المدينه الويل

يعني اذا انت حق خطوط والسفر الكابرس مايشرب ابداااااااااااا