محتــــــار بقوة من وين أشتري كورولا , من عبداللطيف أو من البازعي؟؟؟

مراحب بك أخوي zx مالك لوا عزيزي هذا الجنط نفس اللي على موتري بس اللي أقولك عليه شفه مقابل سيارات اللكزس في صالة العرض ماهو جوا عند الأكسسوارات وتحياتي لك .....

أما بخصوص الإشراف تكفى فكني من المسؤولية --- ياويلها يا الوزير --- لا حبيبي أنت اللي طرحت الموضوع وأنت راعيها ....ولي الشرف أكون مساعدك ونائبك الأول


تحياتي لك...

الصراااحه الكرولا حلوه

ونصيحتي اشترها من عبد اللطيف جميل




تحياتي

إيه صح أخوي نواف .........

يالله يالله مشينا نصوت للكورولا ......

لعل وعسى يفتح منتدى خاص للكورولا......

وتصير أنت المشرف وأنا النائب ......

وتفضل هذا الرابط :

http://www.assayyarat.com/forums/showthread.php?t=56204

أهليــــــــــــــــــــــن وسهليـــــــــــــــــــــــــــن فيك نواف ....





إيه يا أخوي كورولا بس بمواصفات لكزس وتستاهل من يدفع فيها ....






أظنك تقصد هذا

http://www.toyota.com.sa/media/saar/images/showroom/corolla_cbu/corolla_cbu_kce4_01.jpg


إذا هو هذا ....

بصراحه ....

حلو ومناسب على الكورولا مره ......


وفيه جنط ثاني شفت عند محل من المحلات سباعي بس صراحه رهيييييييييب راكب 100% على الكورولا ويعطيها شكل ....

بس أبسألك الجنط السباعي موجود في الوكاله .....؟؟؟؟

وإذا كان لا هل تنصح أشتريه ولو من برى الوكاله أو أنه راح يسبب رجه في السيارة .....


وحيــــــــــــــــــــــاك الله أخوي ثاني .........

مراحب بك أخوي وأشكرك على تجاوبك..

مداخلة بسيطه أخوي .... الكفرات الوكالة مثلك عارف الكفر حق البازعي معروف أنه قوي في الخط ولو تلاحظ فيه كثرت النقشة حقته وبصراحة أنا من وجهة نظري الشخصية أشوف أنه ماينفع مع الخط السريع وعلى فكره تراني ركبت يوكوهاما وغيرت المقاس إلى 205/60 -15 ولاحظت أن السيارة تنقز وأحس أن فيها فضاوة في السرعات العاليه على عكس مقاس الوكالة تحكم أفضل بس في الراحة أشوف اليوكوهاما أريح شوي ومعطي السيارة منظر أفضل من أول خاصة وأن مقاس 205 أكبر من المقاس 195 رغم إن الدعوى كلها كورولا... وياحبينيلها بس ....



عزيزي أنا سألت عن مقاس 205 بريللي وقالوا لي 230 تقريباً إذا الذاكرة ماخانتني.. أما 195 والله ماأدري بس الغرابي تحصل فيه اللي ماتلقاه في أي مكان ...

معلومة بسيطه لك في جنط عند عبداللطيف في معرضهم في خريص على كلام البائع إنه مقاس 15 طبعاً هو سداسي ويعطي شكله قريب من جنط الأودي s8 الموديل القديم تقريباً 2000 شفه وعطني رايك

..... . والله أعلم...

تحياتي لك وآسف على الإطالة

هــــــــــــــلا والله وغلا ....فيك أخوي : نواف 1,8

أشكر لك ردك وصراحه أكثر شي أعجبني فيك أنك منت متعصب للسياره ولا للوكاله إلي شريتها منها ....

وأعطيتني مميزات السيارة وعيوب السيارة ....

وكل من سألته عن السياره أعطاني مميزاتها وما عطاني عيوبها والان سمعت منك عيوب وراح تكون في عين الاعتبار ...


وبنسبه للباد راح أتأكد منه وأشوفه عن قريب ولو أني قريت ردك بدري كان شفته لأني اليوم رايح للوكاله ......


وبالنسبه للكفرات ....

تخطيطي أني أشتريها من عبداللطيف وأغير كفرات على طوووول إلى برجستون 195/60 بس بعد كلامك راح أفكر ....
كيف ما فهمت قصدك قاسية مع الخط...؟؟؟

والبرلي هل ألقى نفس مقاس الكورولا ...؟؟؟



-------------------------------

والله أحرجتني صراحه بهالخدمه ......
وجزاك الله خيــــــــــر وأنا من سكان الرياض ....

وأشكر لك نصيحتك ........

هلا والله فيك بي إم دابليو .....



أشكر لك الرد ....

والمعلومه إلي أضفتها .....

صدقني رايك على عيني وراسي ومقدر لك كلامك ...

ولكن فكرت في الموضوع أكثر من ماتتصور وسألت أكثر من ما تتخيل ......

كل من أعرفه يعرف في السيارات من الاقارب والزملاء سالته قال : تستاهل قيمتها ....

وبعضهم قال تعيش أكثر من الكامير......

وأحب أقول لك أن سعرها راح ينزل بعد العيد إلى 56 ألف ريال الفل أوبشن على كلام واحد يشتغل في معرض

والله يكتــــــــــب إلي فيه الخيــــــــــــــــــر ....

وأشكر لك مرورك وردك وحياك الله

مراحب بك أخوي zx

أبارك لك أختيارك سيارة كورولا وخاصة أنك إنسان راعي ذوق في القيادة ....

أنا معاي كورولا البازعي 2003 1.8 xli طبعاً أتماتيك صارلها معاي قرابة سنة وشهر وماشيه 45000

شريتها على نزلة 2004 بمدة وبقيمة 56500 وكان 2004 بـ 60000 أنا إنسان شريت الكورولا عن قناعة وكان بإمكاني أشتري كامري وأكورد وماكس بس طبعاً لكل شراء سيارة له ضروفه مو معناتها معي 65000 إن ملزم بشراء كامري مادام الكورولا معجبتني وش اللي رادني عنها...

المهم الفرق حسب معلوماتي البسيطه أن البازعي سياراته خليجية آخر مسمار ركبوه كان في اليابان ويجيبها عن طريق عمان أما عبداللطيف سياراته كلها مركبه باحد مصانعه في السعوديه بس والله مدري وين وبالنسبة للزينات يعني زينون معليش هذا مو شد بلد والحساسات آيضاً والمسجل والتخشيبة كلها، وأيضاَ المكيف وفي حاجه ودي أنك تشوفها وأهي إذا فتحت الكبوت تأكد في اللباد اللي جاي بين كابنية الركاب والمكينة لأن البازعي موجوده في ولونها أسود...

طبعاً فل الكورولا إذا مافيها شي 40 ريال ويوصلك تقريباً حدود 400 كيلومتر... أو على دعسة رجلك....أنا أسافر من الرياض للدمام وبسرعة مايقارب 180 -190 أوصل الدمام ولمبة البنزين مولعه بس توصلني لأقرب محطة ....
طبعاً السيارة صغيره وماتنطاق على الخطوط السريعه خاصة إذا انت راعي سرعه...
أما داخل البلد مثل ماذكروا الأخوان قيادتها متعه.....
الريموت ريموت وكاله مافيه فرق عن vxr موصل بالمفتاح مو ميداليه... بس عيبه مافيه جهاز إنذار

مسجل البازعي بصراحة الكاسيت تجيه حرارة غير طبيعيه خاصة إذا انت مشغّله على طول لدرجة أنه مايشتغل إذا أحتر أما السيدي من شريت السيارة ماأذكر ركبت فيها سيدي أصلي وماشي زي اللوز ... على فكره يمكن يكون مسجل الكاسيت عندي في مشكله....

جنوط البازعي 15 سداسية مو خماسية وكفراتها بريجستون 195/60 وأنا أشوف إنها قاسية مع الخط إذا ودك تركب كفرات مالك إلا برللي واحد من الربع مركبه على لكزس ES ويمدح فيه مدح شاريها تقريباً 230

تحياتي لك وإذا ودك تجرب الموتر اللي معاي أنا في رسم الخدمة طبعاً أنا ساكن بالرياض وراح أرسل لك رسالة برقم جوالي وتراني أعرف الأخوان اللي في مبيعات البازعي.



نصيحة ////// كورولا البازعي الحين مالها داعي بصراحة لأن مافيها ريموت ولا المرايا ماتنصفط أتماتيك...والموديل الجيد راح يجيي بعد 6 أشهر ............. وياليل ماأطولك....

فل الكامري بي 58 اذا الخزان على الزيرو ،،،،، يمشيك حوالي 650 كم ، وانا مجرب

وغير الكامري لا تدور ، حرام تحط 62 الف بكرولا

والله انك بطل يا غنيم ... ألف شكر حبيب ألبي على هالمعلومات

حمستني لدرجة اني لغيت فكرة شراء سيارة Audi وقلت أخذ لي كورولا <<<< قوية ما تنبلع

اللي أعرفه عن التظليل العازل الشفاف انه ممنوع .. وان الدوريات يشيلونه لك عند التفتيش .. وخاصة إذا بتطلع برى السعودية ( البحرين مثلاً ) ماتطلع إلا وهم شايلنه لك ... والله انهم غنم


سمعت عن الجنوط السباعية و الخماسية

.. شوف اللي في الصورة حبيب قلبي

هذي الجنوط هي نفسها حقت عام 2004 .. شرايكم فيها ؟

http://www.toyota.com.sa/media/saar/images/showroom/corolla_cbu/corolla_cbu_kce4_01.jpg

وهذي جنوط ثانية

http://www.toyota.com.sa/media/saar/images/showroom/corolla_cbu/4_2.jpg


شرايكم فيها ؟ وين تفضل ؟

في أحسن منها عند الوكالة للكورولا ( يعني قياس 15 مو أكثر ) ؟؟



على فكرة .. في الخبر وإلا في الدمام ما أسمع عن وكالة البازعي ... عالموم نسأل عنها ( علشان الجنوط مو أكثر )


ولك مني أجمل تحية يا غنيم

عبداللطيف جميل وارفع يدك

هلا اخوي من ناحيتي انا والله ماأدفع 64ألف على كورلا

بس بصراحه الكورلا فل كامل حلوه مره مايبيلها كلام بس سعرها غالي تحس انك وصلت للكامري بذي القيمه

بعدين لو تلاحظ تلاقي انك جبت سعر الماكس الماكس أس تورين سعرهابـ62الف والGV30بـ65ألف

بس على علامك ماتبغى سياره تصرف واجد

وبالنسبه للكامري قريبي معه كامري أك ال مطور قير اوتو أذا صار التانكي مره فاضي يعبيهابـ53ريال
بس ماقد حسب كم تمشي سالته كم تتوقع تمشي يقول فوق ال500كيلو

ومشكور

أهلا وسهلا بمشرفنا شادو وحيـــــــــاك الله ....


معاك حق في إلي قلته بس الشكو على الله عبداللطيف أفضل مع كل مافيه ....


وأشكر لك المشاركه في الموضوع .....

أخوي كــــــ717ـــــــام :


والله أنك أحرجتني بكلام ......


الله يعطيك 1568عـــــافيه أخوي وماقصرت معاي .....


بس ودي أخذ شورك في الزينات حقت السياره ....


راح أركب تظليله عازله للشمس وش أركب في رايك ووش اللون إلي يناسب للون الكورولا البحري .....وكم تتوقع سعره ...؟؟؟


وأعيد وأقول مشكووووووووور أخوي كــــــ717ــــــام ...

مخاوي المواكب :

أشكرك على المشاركه.....


ولا تخاف ما راح أركب إلا جنوط أصليه .....

والله يكتب إلي فيه الخيــــــــر ....

هلا اخويZX

والله اعرف واحد زيك تعب مابين عبداللطيف والبازعي واخرتها ماشرى شي ...

والله مبين ان مواصفات عبداللطيف احلى .... لكن فل كامل واطياس احس انها قوية ثلاث حبات مو حبتين .... ولابعد 62 الف ريال ...

الي اعرفه ان عبداللطيف يبدل المسجل ...صحيح المسجل الي يحطه سوني اصلي .... لكن مع احترامي لكل من يدافع عنه هذي مافيها امانه ... ومسجل الوكاله ليش يغيره ؟

وايضا المكيف .... يغيره وكمان الحساسات والخشب الزائف كله من تركيبه هو ....... يعني الكورلا شغل تعديل في جده مش شد بلد .. جايته ربي كماخلقتني ولبسها هو :D

والبازعي الي اعرفه ان مافيه تعديل ولاخرابيط تكون شد بلد ..........

لكن ايش تقول حكم القوي على الضعيف مافيه غير ابو جميل ....

وبالمناسبه واحد شرى كورلا من الكويت نص فل ............. وجنوط ..... سلملي على عبداللطيف وقل وين راحن جنوط الفل الكامل (هذا إذااااا كانت بالاصل جايته وارد يابان فل كامل ) LOL :)