بسم الله الرحمن الرحيم
.
اخواني اعضاء منتدى السيارات من مشرفين واعضاء
.
.
انا عندي ملاحظات بسيطه عن المنتدى وبما اني من عشاق هالمنتدى الرائع اتمنى ان كلامي مايزعج احد لاني قلت شي غلط شفته واتمنى تناقشوني فيه بموضوعيه وبعيد عن الزعل
.
وياليت اهم شي موضوعي ماينحذف لاني ماراح اغلط فيه على احد لانه مو من طبعي اولا واخيرا
.
ياشباب انا من سجلت بهالمنتدى وانا ملاحظ ان فيه بعض التفرقه بين الاعضاء
.
يعني العضو اللي توه جديد او انه مايعرف احد بالمنتدى وماعمره سولف معاهم ماسنجر او غيره تلاقي مايرد عليه الا 2 او 3
.
اما العضو اللي مسوي علاقات ويعرف اغلب الاعضاء تلاقي 30 او 40 رد بالقليل
.
ليه كذا ؟
.
يعني معقوله ان الردود كلها فقط بالمجامله والصداقه ؟
.
والعضو اللي مايعرف احد نسفطه على جنب ؟
.
انا واحد من اللي يعانون من هالشي صدقوني ماراح اقول شي وانا ماني ملاحظه او بس علشان اسوي فبركه بالمنتدى
.
انا عضو بالمنتدى ومن حقي كعضو ومحب لهالمنتدى ابدي سلبياته واحاول اخلي الاعضاء يتجنبونها وانا اولكم
.
هذي نقطه
.
النقطه الــ 2
.
واللي اعتبرها بنظري اهم من الاولى
.
الا وهي الغرور في بعض الاعضاء القداما وبعض المشرفين
.
ياشباب مهما يكون احنا بشر ولا هو منتدى او غيره اللي يخلي الانسان مايتنازل يرد على انسان زيه
.
كلنا بالنهايه بشر ونهايتنا بالتراب
.
بعض المشرفين لاحظت انه مايتنازل يرد على موضوع لعضو جديد او عضو ماهو مشهور مره لكن اذا عضو من معارفه وزملاءه او من اللي تعرف عليه بالمنتدى تلاقيه اول من يرد عليه
.
صدقوني هالاشياء تخلي بعض الاعضاء الجدد والمميزين يبطل يخش المنتدى
.
ماراح يفيد الغرور اي انسان مهما كان مستواه لاننا متساوين عند رب العالمين والافضليه للي اعماله صالحه موب للي مشرف بالمنتدى او عضو مميز .
.
ارجوكم لحد يفهمني غلط بس هالكلام طالع من قلب واتمنى انكم تفهمونه لاني ودي اشوف اعضاء منتدى السيارات احسن اعضاء
.
والف شكر لكم جميعا على الدخول والرد واسسسسسف شديد الاسف على الاطاله
.
.
.
اخوكم ومحبكم : اسامه الغامدي
|586|
