برأيكم ، دفع أمامي أم خلفي

الدفع الخلفي وبس
والاسباب اريح والطاره تكون اخف
الثبات افضل
صرفية البنزين اقل ويمكن هذي تخفى على الجميع
الاعطال والمشاكل اقل بكثير من الدفع الامامي
تحياتي

انا احس ان الامامي افضل من الخلفي

مع ان سيارتي دفع خلفي

وانا اقول الدفع الخلفي احسن من الدفع الأمامي

لأن الدفع الأمامي خراباته واجد وانا جربت كذا

والخرابات العكوس تصير خايف علشان لو ينفلت عليك الكفر مشكله والدفع الخلفي تحس بالراحه

اخوك:

عــ الربع ــاشق

ما شاء الله

تحليل راااائع أخي Initial D

لي عودة إن شاءالله

أنا سيارتي دفع رباعي مستمر ....
الدفع الرباعي حلو بس ترى بعد له عيوب ... تبي الصج أنا طول السنه ما أحس ان سيارتي دفع رباعي إلا في الشتاء
في الشتاء تحس انه عندك سيااااااااره جباره ... انا كل يوم اروح للدوام (( طبعا متأخر كلعاده )) المهم انا في المطر ايام الشتاء الوضع طبيعي عندي كان الجو مافيه مطر ... العالم كلها تمشي شوي شوي إلا أنا طاير مع انه طريق الدام كله لفات

على العموم مثل ماقلت ... نوعية دفع السياره مايهم المهم هو نوعيه السايق نفسه إذا كان محترف ولا لا
أما نوعية دفع السياره فأنا أقول انه لكل منهم عيوبه وميزاته سواء كان دفع امامي او خلفي او حتى دفع رباعي :)

اثبت دفع هو الدفع الرباعي المستمر لكن مكلفففففففففففففففففف

جرب سوق اكلبس و ادخل بها في دوار 60 كيلو شوفها شلون ثابته انا مجربها و ما سقت اثبت منها لا بي ام ولا غيره من سيارات

حتى الدفع الرباعي ترى مو بعيد من سيارات الدفع الامامي .... تصرفات الدفع الرباعي تقريبا 90% مثل تصرفات الدفع الامامي ... أنا عندي سوبارو ومجرب هالشيء بس مع الوقت إذا عرفت لها وعرفت متى تدوس بريك(( wight shifting )) ومتى تدوس بنزين تقدر تخليها تدخل اللفات عروووووض مثل الدفع الخلفي

\/
\/
\/ صح كلامك في هذي النقطه

اتفق معاك

مع تحياتي

افضل شي الدفع الرباعي مثل الايفو و الاكلبس و السوباروا

|346| اخخخخخخخخخخخخخ
نسيت أذكر هالنطقه .... بس كلامك صحيح عن الـ ABS
بس اللي قصدته بعد في الدفع الامامي مش في حالة البريك ...
جرب سوق مكسيما بجير عادي وخلها بـ 2 أوكي ولما تدخل دوار أو أي لفه دوووس لها بأقوى مافيها شوف شلي بيصير ..... السياره ماراح تلف معاك ..؟راح تمشي للامام وماراح تستجيب معاك إلا إذا شلت رجلك من البنزين بسرعه قبل فوات الاوان

\/
\/
\/
((هذي معناتها انك لما تكون في أي سياره (( خصوصا الدفع الامامي )) وتجيك لفه مثلا لليسار وانت كنت مسرع ولفيت دركسون السياره لليسار ودست البنزين فل (( أو حتى دست بريك بقوه )) شتتوقع يصير ؟؟
طبعا الكل يتوقع انها تلف لليسار بكل سهوله ..... انا اقولك العكس ... ماراح تلف السياره معاك وراح تكمل طريقها للامام كأنك ما كنت لاف الدركسون كلش ))))


اختلف معاك في الدفع الامامي في نقطه بسيطه

لو كانت السيارة الموضحه بالرسمه دايسة بريك فورا و موجه المقود الى اليسار ما راح تلف يسار الا في حاله عدم توفر نظام ال ABS

يعني لو فرضنا ان نظام ال ABS متوفر فيها يعني السيارة راح تستجيب الى السائئق سواء كان موجه المقود الى اليسار او يمين و و مع دوسة البريك فورا

خخخخخخخخخخخخخخخ ... أخوي ترى حتى الدفع الامامي في اللفات في أي لحظه ممكن يوديك ورا الشمس ..؟ أقولك شلون ... انت قد سمعت عن شيء اسمه Understeering
هذي معناتها انك لما تكون في أي سياره (( خصوصا الدفع الامامي )) وتجيك لفه مثلا لليسار وانت كنت مسرع ولفيت دركسون السياره لليسار ودست البنزين فل (( أو حتى دست بريك بقوه )) شتتوقع يصير ؟؟
طبعا الكل يتوقع انها تلف لليسار بكل سهوله ..... انا اقولك العكس ... ماراح تلف السياره معاك وراح تكمل طريقها للامام كأنك ما كنت لاف الدركسون كلش ...
هذي رسمه توضيحيه عن الدفع الامامي إذا دخل اللفه مسرع

أما الدفع الخلفي إذا دست البنزين كامل وحاس عليك فيسمى oversteering


فيأخي العزيز ترى كلن له عيوبه وميزاته
وكل اللي ابي اقوله انه هذا كله يعتمد على نوع السايق اللي ورى دركسون السياره إذا كان يعرف يسوق فماتهمه نوعيه الدفع سواء كانت دفع امامي أو خلفي وتلقاه مسيطر عليها

أشكركم على تفاعلكم القوي والمشرف مع الموضوع

وأعتذر عن التأخر

إذن .. بالإجماع الدفع الخلفي أفضل

أعجبتني بعض الردود العادلة

فعلا ، لكل نوع مميزات

أتصور إن أفضل ميزة بالخلفي هو توزيع العمل ، بحيث يكون الدفع من الخلف واللفات من الأمام

لكن ، فيه تساؤل قوي

في اللفات والمنعطفات ، لو دعست على الدفع الخلفي ممكن تفر معك السيارة من ورا ، صح وإلا لا ؟؟!!!

لكن مع الدفع الأمامي أتصور إنه يتحكم في الكفرات الخلفية حتى مع الدعس في اللفات والمنعطفات

تصورتوا معي ، طبعا هذا من تجربة

وأيضا ، الدفع الأمامي غالبا يكون أقوى من الخلفي

وفيه تساؤل آخر

هل فعلا الدفع الأمامي خراباته كثيرة

أنا ما أشوف إنه فيه خرابات بالشكل المتصور عند الناس ، نكرف السيارة كرف الويل من موديلات 97 ومع ذلك تصبر

لكن تبقى المميزات لصالح الخلفي

وشكرا مرة أخرى :)

أنا من ناحيتي أفضل الدفع الخلفي لأنه أفضل وأحسن وخراباته قليله أمه الأماي خراباته كثير يعني لو يجيك واحد يفحط بدفع خلفي لمدة سنة كالية يعني كل أسبوع ينزل أماكن تجمع الشباب ويفحط ويجيك واحد راعي دفع أمامي كل أسبوع يرووح يفحط تضرب عنده العكوس وأشيائ ثانية مايتحمل وبغيت أسأل الشباب لمن الواحد يفحط بدفع أمامي وش يخرب عنده وشكرا

الدفع الخلفي طبعاً ..

قوة
تحمل
أكثر أمان من الأمامي
وحق شغل وكرف وتحويس

ونلاحظ أن السيارات الرياضية دائماً بالدفع الخلفي ، وهذا أكبر دليل على أنه سبب في القوة والرساوة الأمان ..


:)

الخلفي بدون تفكير


عمررررررر
قله المشاكل
السهولة بس مو في كل السيارات

الامان بس مو في كل السيارات

اما التغليم فنفس الشي

الخلفي و الامامي نفس الشي مجرد القير تلغيمه اصعب(الامامي)

|1|


:D بس ترى حتى الدفع الامامي سهل في التلغيم

لكل نظام محاسن ومساوئ

ولكن برأي ان الدفع الخلفي أفضل بكثر من الدفع الامامي بسبب أن الدفع الخلفي دائما

اولا الثبات وسهولة التحكم بسبب التوزيع الصحيح للوزن

ثانيا الراحه في القياده بسبب انظمة التعليق المستخدمة في الدفع الخلفي

ثالثا سهولة الصيانة ولايحتاج نظام الدفع الخلفي لصيانة مستمرة بشكل متقارب لبعض القطع مثل الدفع الامامي

رابعا العمر الافتراضي لأنظمة التعليق المستخدمة في السيارات المزودة بدفع خلفي أطول من الدفع الأمامي

خامسا سهولة التطوير ( التلغيم ) في السيارات ذات الدفع الخلفي مقارنة بالدفع الامامي

سادسا نسبة الأمان في السيارات ذات الدفع الخلفي اعلى من الدفع الامامي ( تخيل تمشي بسياره دفع امامي ويضرب عليك الكفر )

عموما أغلب مصانع السيارات توجهت للدفع الأمامي لسبب واحد وبسيط وهو قلة تكلفة صناعة هذه النوعيه من السيارات وتعقيدها بحيث يكون المستهلك بحاجه دائمة الى الصيانة ... فمثلا لانجد قطع غيار تجارية جيده للسيارات ذات الدفع الامامي لأن صناعة هذه النوعية من القطع يتطلب دقة كبيرة ومعدات مكلفه وبالمقابل نجد تنوع مصانع قطع الغيار التجارية الممتازة للسيارات ذات الدفع الخلفي وبأسعار جدا زهيده

بحفظ الله :)

الدفع الخلفي فوق اللي قالوه الشباب (( امان ))








الف شكر اكورد وبس .

.