وش أفضل كفرات ؟؟؟؟

نواف 1.8 @user_8925 · 24-08-2004

مراحب بكم أعضاء المنتدى الأعزاء

السلام عليكم ورحمة الله وبركاته

أنا عندي إستفسار بسيط ألا وهو أنا عندي سيارة كورولا 1.8 2003 خليجي حجم الكفر الوكالة
195/60 مقاس 15 نوع بريجستون ،،،أنا ودي أغيره إلى 205/60 مقاس 15

بس محتار إيش أختار نوع من الكفرات طبعاً الكفر اللي راح أختاره راح أخليه حق خطوط سريعه
ماراح أستخدمه داخل المدينه يعني إذا نويت سفر ركبته... على فكره سفريات بالأشهر يعني كل شهر مره أو مرتين

أنا محتار طبعاً شفت كفر هنكوك بصرااحه أعجبني وخاصة إني كنت مجربه فتره بسيطه... بس حتى لو
انا ودي أخذ رأيكم وأتمنى أن قيمته تكون بحدود 160 إلى 210 ريال سعودي للكفر الواحد....

الله لايهينكم

تحياتي وأشواقي الحاره للجميع...

السلام عليكم...

نواف 1.8 @user_8925 صاحب الموضوع · 11-09-2004

مراحب بكم أخواني حبيب الأمس Ltz أحمد أنا بصراحة
شريت اليوكوهاما وبصراحة أشوف أنه جيد حتى هذه اللحظه وخاصة إني ماليقت أحد يسبه وكمان سعره كويس، أنا سألت عن
ميشلان بس مالقيت إلا التايلندي أو صيني والله ماأدري بس المهم إنه مو فرنسي وكانت قيمته حدود 230 وسألت عن البيرللي وكانت قيمته تقريبا أيضاً 230 أو 240 ،، والبريجيستون الدعسه الرياضيه اللي هو Gr أو شغله قريبه منه وقيمته في كل مكان حتى في وكالته 200 ريال ويقولون إنه مطور ولا له صوت مع الخط خاصة إذا ركب بطريقة صحيحه....

على كل حال أنا راح نجرب اليوكوهاما ونعطيكم خبر،

تحياتي لكم

احـــمـــد @user_14165 · 08-09-2004

برجيستون حلو لكنه ثقيل على السيارة

JUDGE_LTZ @user_13430 · 02-09-2004

اخوي نواف
شوف البريجستون مثل ماتفضلوا الشباب ممتاز وسعره مناسب ويعيش لكن عيبه الصوت وكمان سمعت انه اذا ماهتميت بوزن الضغط بشكل مستمر ممكن من مرتين يتفقع عليك الكفر؟؟؟؟
بس انا اقلك شي عندك يوكاهاما دعسة رياضية صحيح سعره شوي عالي بس ناعم على الخط ويعيش
تحياتي
اخوك Judge_ltz

حبيبـ الامسـ @user_7055 · 01-09-2004

خذ بريجستون وريح بالك

نواف 1.8 @user_8925 صاحب الموضوع · 30-08-2004

مراحب بك أخوي الحميدي

وتحياتي لك وأشكرك

النترا الحميدي @user_12230 Banned · 28-08-2004

والله انا انصحك باليوكو هاما احسن وافضل شي ،،

تحياتي واي خدمه انا حاضر

نواف 1.8 @user_8925 صاحب الموضوع · 27-08-2004

عاشق الجولف
S.TOURING
OPEL OMEGA
acceleraction
NYC
مطنش النت
العمليات

أخواني السلام عليكم ورحمة الله وبركاته

بصراحة ماقصرتوا يعطيكم العافية
معظمكم يؤيد الميشلان وبيرللي
بس ودي أسمع أكثر ودي أسمع الناس المجربه بالذات خاصة على الكفرات مقاس 15 الله لايهينكم

عاشق الجولف @user_7064 · 27-08-2004

أنصحك بالبريجيستون بس المشكلة بعد سرعة 80 كم / ساعة فيه صوت ويقولون أنا نزلو نوعية من البريجستون رياضي بدون صوت بس إلى الآن ما جربته وسعره ممتاز بشكل عام ويتحمل .....

بس إذا عندك فلوس أخذلك ميشلان أو بيرللي بس غالي المهم أنه يعيش معاك ويتحمل وما عليه كلام في المنعطفات والثبات و جودة عالية....

آسف على الإطالة

تحياتي

مطفي النور @user_10866 · 27-08-2004

يوكاهاما.....

OPEL OMEGA @user_13265 · 26-08-2004

ميشلان وبريللي

acceleraction @user_9509 · 25-08-2004

السلام عليكم

اذا تبغى الكفر من النوع الي يستحمل عندك البريجيستون ولكن عيبه انه له صوت اذا ماشي فوق 80كلم / ساعة

اما مشلان اعرف بانه ماله صوت وجيد في ثبات السيارة عند المنعطفات القوية

هذا الي عندي شوف الشباب ايش يقولو

وسلامتكم

NYC @user_12786 · 25-08-2004

good year وتوكل على الله

وبالتوفيق

مطنش النت @user_7158 · 25-08-2004

أنصح بالمشيلان بس اذا لقيت تايواني لاتشتريه

العمليات @user_12798 · 24-08-2004

الرخيص برجستون او جودير طبعا ضمان الجودير مفتوح طالما فيه نقشه

والغالي ميشلان او بيرللي