باسات وساماكو ...؟؟؟

اخوي مونديو هل ممكن ان تشرح لنا عيوب المونديو لكي نكون على دراية بالسياره ومميزاتها وعيوبها

اخوي nick انت متعصب للسيارات اليابانيه

وانا الحقيقه كنت متابع للموضوع الي كنت تقارن اللكزس بالمرسيدس والبي ام يعني ماشاءالله عليك سويت اللكزس روز

انا الي قاهرني انك تقول السيارة مو راسيه ارجو انك تتاكد من كلامك

وانا ترى ما رشحت بديل ياباني بس تبي ارشح؟
قل لي كم قيمة ال v6 لان اللي عندي انا ماخذينها بحدود السبعينات وهي v4 2.0L

^
^
^

اخوي ما عصبت ولا شي لكن انه تكون عندي سياره واقول شي فيها ويجي واحد يقول لا وهو ما يدري عنها هذا شي غريب

وبالنسبه لفلكس واجن طيب واذا تملك هالشركات يعني خلاص سياراتهم ما تخلوا من العيوب؟ خلك منطقي حبيبي

وبالنسبه للعيوب شف الحين مساكة الباب ما تهتز كل ما جيت تسكره؟ وتحس انها بتطيح انا دخلت الوكاله بعد ما شفت سيارتنا وسألتهم قالو شف السيارات وجربها هذا شي طبيعي عاد سيارتك يمكن شي ثاني مدري

وبالنسبه للقساوه انا مو بس شيكت على الهوا لا وغيرت الكفرات وسويت كل شي ما طلعت بنتيجه
تحياتي لك اخوي وخلك منصف

انا مدري ليش انت معصب .. هذا اول شي

ثاني شي .. الشركة اللي تنتج سيارات الشعب تملك أودي , لمبورغيني , سكودا , بنتلي & سيات ..

يعني باختصار .. أكبر صانع اوروبي ..

فولكس فاغن اللي تتكلم عنها حازت مؤخرا على الشركة الاكثر حصولا على ثقه المستهلك في اوروبا ..

على فكره .. انا عندي باسات .. وماشريت السياره الا عن ثقه فيها وبمواصفاتها

حط الـV6 في جهه .. واتحداك تجيب سياره يابانيه فنفس الفئه ومواصفاتها افضل من الباسات .. مااتوقع والله بتلقى

وبالنسبه للمشاكل اللي قلتها ولا وحده منها ولله الحمد واجهتها مع الباسات .. وخاصه مسألة الباب الخفيف .. والله العظيم استغربت يوم قلتها ..

وبالنسبه لقساوة السياره ومسألة عيون القطط .. شيك على الكفرات اتوقع الضغط عندك اعلى من اللزوم ..

ولك تحياتي ..

حياك الله اخوي مونديو
والله اتمنى ان كل الناس تقول العيوب عشان نستفيد لكن للأسف التعصب سائد

ومبروك على السياره الله يعطيكم خيرها ويكفيكم شرها

في انتظار صورها ولك مني كل تحيه

NiCK
تعجبني صراحتك بشكل قوي ... !

..
بس هذا لايعني أن الباسات ماهي سياره جيده ..
..
وفعلاً القليل هنا في داخل المنتدى .. الذي يقول عيوب سيارته .. فعلاً أنت أنسان غريب
أنا أعتز بالفعل لأني تحاورت معاك فعلاً تستاهل كلمة المتميز ..
..
الكثير الكثير أذا أمتلك سياره لايقول عيوبها بل ميزاتها .. وأصابع اليد مختلفة يجيك واحد ويقول هذه العيوب ..
..
بالنسبه لي أنا.. أنا من نوعك ..
..
أذا حبيت تعرف عيوب سيارتي أنا جاهز .. :D
..
الصراحه تريح الضمير .. |1|
..
أبشرك الوالد أخذ السياره الي خبرك .. وقريباً صورها وصور سيارتي لأجل عيونك ;)
..
تحياتي

يا حليلك انت اخوي abuomar

انا اتكلم عن سياره عندي مو من تعصب ومن فراغ مثل اغلب اللي هنا

انت رح جرب باسات واذا كان هالاشياء اللي ذكرتها لك مو موجوده فيها انا مستعد اطلع لك وحده

وبالنسبه للي يقول تقارن بالبي ام والمرسدس اقول حبيبي فلكس واجن تدري بأيش مشهوره بانها سيارة الشعب تدري وش معنى هالكلام
يعني سياره رخيصه يقدر اي واحد يمتلكها وتقول لي بي ام ومرسدس عمرها ما راح تكون الفلكس واجن منافس للمرسدس ولا للبي ام بل بديل رخيص لهم وبجوده اقل
باي

وشهد شاهد من اهله الاخ ( NiCK ) انت رجل يقول الحق ولو على نفسه معاك باسات 2003 وبدل ما تمد حها ذ ميتها وبينت عيوبها للجميع احييك على صراحتك لأن اول ما سجلنا في المنتدى كان غرضنا الافادة والاستفادة لا التعصب لنوع الكل يعرف مدى ردائته. وبالمناسبة اذكر ولد حارتنا عندما اشترى ( كرسيدا ) وسألناه قال( الكرسيدا أحسن سيارة في العالم ) وتكرر الكلام اللي بين قوسين مع جميع السيارات لالشيء فقط لانه اقتنى هذه السيارة لأن بعض الناس يعتز بما يقتنيه ولو كان رديئا ولا يمكن أن تغير رأيه مهما فعلت .

باختصار .. مع احترامي للي يقارنون الباسات بالياباني .. الباسات وخاصه الـV6 تنافس الفئه الثالثه من BMW والفئه C من مرسيدس واللي مايعرف مواصفاتها لا يتكلم الا عن تجربه ..

واللي يقول الوكيل سئ .. طيب وش دخل السياره !!
وعلى كل حال 80 % من وكلاء المملكة سيئين ومااتوقع ان ساماكو اسوءهم ..

واذا كنت اخوي ( السائل ) تميل للياباني .. خذها نصيحه مني ولا تاخذ غير الأكورد .. لأنها فعلا بلا منافس في فئتها ..


والله يوفقك للي فيه الخير ..

ياحليلك يا NiCK
أحنا نتكلم عن الباسات وليس الباصات ;) :D ، كلامك غير دقيق لأنك قاعد تحكي تجربة سواقة باص موديل 82 وليس VW ، ، ، .

في النهايه الناس أذواق وارآء مختلفة في السيارات، ولا مانع من الدفاع عن رأي نعتقده بعيداً عن التعصب.

على فكرة ! مره جلست مع بريطاني ( إختبار لغة) وسألني عن نوع السيارة الي عندي، قلت له : باسات !، قال لي: سيارة رائعة اليس ذلك؟! قلت نعم سيارة رائعة، قال: مره كنت في أمريكا وفي شركة ال GMC قسم الكادلاك وكانوا حاطين سيارة باسات في المعرض! وكان مسؤل واقف هناك يقول لموظفيه : نريد سياراتنا بجودة هذه السيارة.

تحياتي للجميع...

شوف حبيبي

والله العظيم واقسم بالله ان عندنا باسات 2003 اثنين لتر نص فل

شف فيه هنا ناس متعصبين وبس حبيبي جي تي ار الحين وش دخلنا في تاريخ الشركة ياخي انت شريت سياره خلاص بتخلي شركتها احسن شركه كل مدحك ومواضيعك للفلكس واجن وشركاتها ليه ياخي

ترى ما جينا نسوق لسياره جايين نستفيد ونفهم بعض

نجي للباسات
اول كلمه اقولها لك ابعد عنهاااااااااااا نصيحه من اخو والله

اول شي وكيل زفت والله زفت

قطع غيارها نار وغير متوفره احيانا

وايضا سياره جدا قاسيه وتفتقر للراحه يعني لو توطا عين قطو والله تحس انك راقي رصيف واتحدى اي واحد ينكر

شف اللي بيقول لك عشان الرساوه وما رساوه والله ان رساوتها عاديه ما جربت كامري ولا اكورد ولا ياباني صغير لكن اقول لك من تجربت سيارات امريكيه اسوأ منها في الرساوه حسب ما سمعت من الناس لكن تضاهي الباسات او تقل عنها

انا جربت الاي اس لكزس والله انها افضل منها بمليون مره في هالناحيه واحب اقول لك ان مو كل الماني خلاص كامل ترى الثبات يبي له نظام في الدرجة الأولى

بعدين سياره ازعااااااااج جرسها مزعج لانه يرن بشكل مستمر ومكينتها تقول راكب دباب مزعججه

وايضا عزمها ضعيف واللي يقول تجيب الاربعه سلندر 260 اقول الله يصلحك لووووووول

والله حدها 180 او 190 ان كثرت هذي ال 2.0 لتر

وبعدين بيبانها خفيفه يعني لو تسكر بقوه اتوقع يطيح الديكور

وضيقهههههههه من جد

وغير كذا مسجلها كنود يعني مركب

بس فيها ميزات حلوه
فرامل ممتازه وصرفيتها جيده نوعا ما
وعلى فكره صيانتها كل 7500 مثل ما قالو الاخوان

عموما بيجي واحد يقول لا الفلكس واجن ومدري ايش وهو معه سياره مالها دخل بس عشانها المانيه يبي يدافع عنها
بقول لك انا عندي هالسياره ولا تكذب على حساب غيرك

اسف على الاطاله

أخوي الكريم

أنصحك بإن تحتار في الآتي:-

بلأكورد V6, أو كراون فكتوريا S ,أو مازدا 6 سبورت,أو لكزس ES300 ,أو أوبل أوميقا V6 ,أو مرسيدس C240 ,أو بيجو 607

ولا تحتار إلا فيها ومنها.
مع إحترامي لوجهة نظر الجميع لإن هل السيارات من فئة متقاربة وأسعارها أيضا وكمان من أقوى سيارات العالم ((والخبراء يدركون هل الشيء))

أتمنى أكون أفدتك ونبهتك عن أشياء غايبة عن ذهنك
ولك خالص التحيات مني
als7e7re

اخوي السبع انا عندي السيارة من سنتين ونص وعمري ما اشتكيت منها

بعدين العيب في الوكيل مو من السيارة

لا شكر على واجب أخي السبع، لكن مازال هناك خطأ مطبعي في ردك الأخير، لكن يالله نقبلها منك:)

فعلا هي فرس غير اصيلة فالحمار ينطبق فقط على الياباني لانها سيارت تتحمل المشقة . وعذرا على الخطأ المطبعي وشاكر لك اخي ( abuomar) على التصحيح .

مرحبا بالسبع... بس الله يخليك صلح الكلمة الي قلتها ( حمار) إلى فرس فزمن الحمير ولى ;):)

اخوي الله يهني سعيد بسعيدة وسبعة اشهر لسه سيارتك جديدة والجديد له شنه ورنه لو كانت عربية كرو وانت في اول المشوار والله يعين حمارك على طول المشوار ونشوف بعد سنتين كيف يتحول المدح الى ذم وتتغير الاحوال وينكشف المستور وتعرف انها فعلا شركة غريقة ( وستذ كرون ما اقول لكم وافوض امري الى الله )........

اخوي الشي هذا راجع لك

بس انت مستعد اتروح الوكاله وصيانه دوريه وهواش مع الموضفين

ومبروك مقدما