السلام عليكم ورحمه الله
من بعض المشاركات وانا جالس اقرى ومن موضوع طرحته كان عن تقييمي الشخصي عن سياره
والمنتدى عموما هو لتبادل الافكار وناخذ ونعطي
وكتبت الموضوع والله بوجهة نظري عن سيارة ( ممكن من المشاركات انا نفسي اقتنع بالسياره ويقنعوني المشاركين او ان وجهة نظري تكون صحيح او خطاء كل شي محتمل)
والحمد لله الشباب ماقصرو وفيه نقاش وتبادل اراء لاكن فجأه في الموضوع
القى رد وفيه بعض الالفاظ الي تستفز الواحد تقول كأنك معتدي عليه في شي يضره
طيب ليه مهما كان حبك لأي سياره ممكن يكون فيها عيب وممكن احد يعيبها وانت تجي تناقشه في الموضوع وتثبت له ان هذا الشي مو عيب
لاكن بهذي الطريقه هو ولا انت اذا رديت عليه بنفس الطريقه بتوصل لنتيجه غير الخلاف وفعلا واجب علينا نفكر مرتين في الردود الي نكتبها
وبصراحه ضايقني الشي كثير حتى اني رديت وانا فاقد اعصابي بس بعدين اراجع نفسي واشوف الشي مايسوى
سيارتك اقوى او سيارتي او سيارتك افخم اخر شي هذا الشي مو احنا الي صنعنا السيارات واحنا نعتبر المستهلك وفيه شي اشوفه انا يناسبني انت تشوفه مايناسبك لاكن ومهما كان ماله اي دااعي اي حاجه اننا نتلفظ على بعضنا البعض
وياليت نطول بالنا على هذي الامور وان صادفنا احد كلمنا بهذي الطريقه اننا ما نرد عليه نهائيا لحد مايتكلم بأسلوب محترم وبتقدير للحظور ولجميع القراء
وان طلع مني شي وحس احد اني غلطت عليه في اي رد من الردود يقولي وانا اقدم له كل الاعتذاار
اخوكم POWER STI
