مقارنة مهمة بين لومينا و الاوميجا

خذا اللومينا و الله يعطيك خير السيارة الجديدة و يكفيك شرها

و بالبركة ان شاء الله

شف اخ طلال اذا كنت الصراحة تبغى سيارة حق كرف فالكامري 2002 هي احسن حاجة....اما اذا كنت تبغى تفاضل بين الاوبل واللومينا فا نصيحتي انك تاخذ اللومينا...!!!قل ليش؟؟؟ انا اقلك
الاوبل :اول شي ما تصلح في الاجواء الخليجية ..دايما بتشوف الامبير حق الحرارة يرتفع فالرديتر حقه عقييييييييم
ثانيا: وكالته (الجميح) ما يوفر قطعه...والله بتتبهذل نفسك

اللومينا ال اس
اول:ارخص بفارق حوالي 30,000ريال
ثانيا:مصممة للاجواء الخليجية وصرفية بنزين معقولة الا اذا كنت من هواة القومات
ثالثا وليس اخيرا:التوكيلات العالمية بتيريحك بقطع اللومينا الموجودة

خذ لومينا احسلك
اما الاوبل الله الله يلعنها وياخذها لان عندنا وحده عند الوالد والوالد مرتفع ظغطه من السياره لان خسرنا فيها حول 11000 تقريبا والوالد ناوي يبيعها ويفتك من بلاويها
لومينا وبس
انصحك نصيحه انك تشتريها من التوكيلات وانحش من الجميح
لان خدمات التوكيلات احسن مثلا اذا خربت السياره وانشالله ماتخرب
يعطونك اي سياره
مثلاً كابرس ال اس او بليزر ال اس او انفوي اس ال او او او...... الخ

انا في سيارتي غيرة قمشات وبواجي وفلتر هواء وبنزين وفلتر جير مع انه الوكاله ما فيه فلتر جي ونصيه اخوي فلتر الجير لا تغيره عند اي احد غير ورش متخصصه لانه اذا غيرته عند اي ورشه راح الجير عليك بس دول الا غيرتهم وصار لي مشكله ودي صاره في كل الاوبل انه الماي يخلط مع الزيت وامشكله الثانيه ترتفع الحراره عندي من الحساسات مشكله بسيطه بس دى الا صار لي فيها وبنسه لبرمجه السياره بعد ما تركب بطاريه طبعا النوافد ما تشتغل بلمس التلاقائي الا تسويه انه تضغط على اول زرين لنوافد الاماميه مده خمس تواني وانت منزل الا زره الى تحت وخمس ثواني وانت رافع الازره على فوق ونفس العمليه تسويه في النوافد الخلفيه العمليه سهله ترى بس لزم انت شخصين تسويه اكثر من مره على شان تتعوذ عليه الوكاله نصابين ما يبون يعلمونك كل الموضع ما يخذ اكثر من دقيقتين وويخدو منك 150 ريال في بعض الشباب يعرفون الطريقه ياليت ما احد يبخل علينا فيه وشكرا

اخوي اوميقا

طريقة تشغيل المسجل سهلة جدا

بس بشرط تكون محتفظ بالرقم السري اللي جاء مع السيارة

تضغط زر تونر مع تي بي وبعدين تدخل الرقم السري وتضغط نفس الزرين او حسب الكتالوج

بس ترى والله سهلة واذاتبي اساللك اخي كيف طريقتها ولا يهمك

وعلى فكرة احنا عيبنا ما نقرا الكاتالوج ولا فيه كل الحلول واذا ما عندك روح الوكاله واطلبه

اعتقد طول ما انت بالرياض مالك الا هيفا أقصد الياباني ( كورولا كامري ماكسيما هوندا نيسان مازدا واحسنهم السوبارو) وثانك يو

والله البطاريه يوم غيرتها بهذلتني
لانك اذا جيت تغيرها لازم تغيرها والسياره شغاله ولا لازم تدخل الارقام الي تجي
مع السياره انا بصراحه ما كنت ادري فلما غيرت البطاريه ما اشتغل المسجل
ورحت الوكاله وشغلولي المسجل لكن ب150 ريال .
يا اخي انت تصلح سيارتك عند اي ورشه وايش القطع الي تغيرها دايما ؟؟

اخوي الجميح او اي وكاله عندهم نطام ماشين عليه اي قطعه بسياره تستهلك 60بلميه يعني تبديل خربانه او لا تتبدل وعلى حساب المساكين تخيل انا سيارتي ما كان فيه اي مشكله غير تنطيف الرديتر تدرين شنهو قالو لي يبلها ابلوف وسلندر وغازقية ماكينه كله يكلف 3400 ريال السياره كانت تحتر عندي على الخط ولمه نطفة الرديتر صاره ما توصل حتى 90 رحت لهم وهزئتهم واحد واحد اشلون تقولن فيه وفيه واهي ما تحتاج اكثر من تنطيف رديتر يعني الجميع كله افلوسه حراام في حراام البواجي تكلفك من 90 الى 120ريال انا بدلته ب80 ريال مع فلتر البانزين فلتر البانزين سعره 30 ريال والبواجي90 والشغل 80 يعني كله 200 ريال روح اخذ تسعيره من الزفت الجميح شوف كم يقول لك اذا ما عطاك سعر اكثر من 400 ريال اخ اميغا2001 شنهو تسوي اذا بتبدل البطاريه فيه برمجه بسيطه جدا ولا تخذ وقت هل تعرف تبرمج البطاريه او ما جربت وشكرا

طيب يا اخ mt252542
كيف اشتكي عليهم عن طريق النت او كيف يعني ممكن تعطيني رقمهم او موقعهم
وهل راح اقدر استفيد شي .

الله يعينك

هو فعلا الجميح اسوأ وكيل مو فقط بالمملكة اعتقد بمجرة درب التبانة " طبعا اللي الكرة الارضية احد كواكبها" ولعلمك رفعت شكاوي كثييييييييييييره من اصحاب الاوبل والكاديلاك على GM انترناشونال ، واذا عندك شكوى ارفعها لاوبل انترناشونال بدبي وهم يفتحون لك ملف رفع دعوى قضائية ضد الوكيل لعلمهم بسوابق وكيلهم السيئة
عموما الله يعينك ويسير لك امورك
تحياتي

والله يا اخوي السيارات حظوظ زي ما يقولون ..
وانا مشكلتي اني ما اعرف شي في الورش كل الصيانات الي اسويها في الوكاله
عاد انت تعرف نصب الوكالات وخاصة الجميح ما قد عمري شفت نصابين زيهم
والله يبيلي اخذ خبره في الورش تدري في الوكاله قالولي ان القزوز يبيله تغير ب16 الف ويوم طلعت بره رحت عند واحد قالي بيصلحه ب100 ريال ورحت عند واحد
قالي بيركب هدرز ب900 ريال والفحمات غيرت الاربع في الوكاله ب1300 ريال
الله لا يوفقك يا الجميح خلاص ما عاد ابروح الجميح ابدا
واذا بغيت تتاكد من سالفة القزوز روح صيانة الجميح بتلاقي سيارتي
رقم لوحتها ع ص س 075 واسال عن الي فيها وما قد عمري صلحتها بره الوكاله
تخيل مره كان عندي تهريب زيب والله وديتها لهم طبعا المشكله بتكون جلده او صوف
الوكاله قالو غير جلد وصوف المكينه والدفرنش وقطعه ناسي اسمها قسما بالله
نصب عيني عينك وشغل زي الزفت واللعه زهقك منهم الله لا يوفقهم..

الله يعينك بس انا اخوي عنده 2002 6سلندر ويمكن تفرق انهم حسنوها بعد موديل 2001 وعالجوا العيوب
المهم اخوي كريف سواقة سافر بها جده ابها الطائف الرياض الدمام وما طلبت شي الا اقمشة او فحامات وبعدين ما كلفت القيمة اللي قلتها
يعني:
امامي 180 ريال
خلفي 98 ريال
والاغرب من ذلك انه ليومك ما ادخلها الوكالة وغير الفحامات بورشة عادية شغل باكستان
مخرطة 4 اسطوانات 80 ريال
تركيب 60 ريال
يعني الاجمالي ما يزيد 400 ريال للامامي والخلفي

وعلى فكرة في موديل 8 سلندر بس ما نزل بالشرق الاوسط
اسمه اوميقا باور OMEGA Power

والسيارة على فكرة يستخدمونها للشرطة بالمانيا

السياره ما تطلب قطع غير استهلاكيه ابدا..
والسياره ما تشتكي من شي وجودتها عاليه وما فيها اي مشاكل لكن اذا بغيت تغير فحمات ب1300 وتقعد يومين في الوكاله تبي تسوي صيانه شامله ب2800 وتقعد
حوالي 8 ايام في الوكاله ومره يغرت جلد في المكينه والدفرنش ب1400 .... هذا غير القطع الي مش موجوده في الوكاله تظطر انك
تخلي السياره واقفه لين توصل القطع من المانيا ولا والله السياره ممتازه
لكن وكيل زفت يخليك تلعن اليوم الي شريت فيه السياره ...
وترى انا استخدامي لسياره كله قومات وتفحيط ودعس في الخطوط واخر شي طحت
في حفره وانا اقاوم راعي لومينا واخترب عندي القزوز وديتها الوكاله قالو يبون 16 الف عشان يصلحوها... والله السياره ممتازه لكن راح تدفع قيمتها مرتين
في قطع الغيار والصيانه ...وانا افكر اصلحها وابيعها واخذ لي بي ام دبليو الفئه الثالثه
او كامري او كروان فكتوريا والى الان ما قررت ...

صدقت اخوي أوميـغا2001_3.0

بس انت مجرب وانا اسألك هل السيارة تطلب قطع غيار بشكل دوري ؟؟

واقصد بالقطع الغير استهلاكية ؟

ايضا من المميزات للاوبل اوميقا:

1- نظام تعليق S-DSA وهو باختصار نظام يستخدم بذكاء القوى الديناميكية للدفع والتوقف لتظل مسيطرة تماما على السيارة وحتى في اقصى حدود السرعة مدعوم بخاصية الاخماد المصحح والذي يعمل بدقة متناهية وتوجيه دقيق.

2- انخفاض صوت المحرك في السرعات العالية عن طريق صمام الكتروني كابح Drive-by-wire يعمل على خفض الضوضاء

3- في حالة الفرملة القوية ينفتح صمام خاص اوتوماتيكيا ليمنح قوة توقف اضافية

4- عند التصادم تتحرك وسادة الراس الفعالة الى الامام لتحمي الراس من الارتجاج

5- نظام الوقود Echo Tech وهي تكنولوجيا اقتصادية لتوفير استهلاك الوقود

6- حساس في المراة العليا بحيث تحدد وجود ركاب وعلى اساسة تعمل الايرباق على حسب التواجد ، يعني لو مافي احد الا السائق ماراح تنفتح الايرباق الا حق السائق " توفير".

7- دعامات فولاذ في الابواب تقي المقصورة من قوة الارتطام

mt252542 صدقت اخوي بس الي يبي الحلو يصبر على مره
يا حبيبي ما حطولك كل هذي المواصفات بسعرها الرخييييييييص مقارنه بمواصفاتها
الى وهم عارفين ان قطع غيارها نااااااااار تخيل الاكزوس تبعها ب16الف ريال
يعني نسيت تذكر اهم عيب وهو الوكيل اكرمكم الله والله قطعها غاااااااااااااااليه ناااااار

يعطيك الف عاافيه على المعلومات المفيدة

تحياتي للجميع

انا رأيي وبدون تعصب

ان الاوبل اوميجا افضل وعشان اقنعكم

1- سعة المكينة والقوة:
- اوميجا كومفورت 6 سلندر 3.2 بقوة 261 حصان
- لومينا ال اس 6 سلندر 3.8 بقوة 215 حصان
========= الاوميجا مكينة اصغر وقوة اكبر

2- السرعة القصوى:
- اوميجا 249 كم/ ساعة والعداد مكتوب 260 كم/ ساعة
- لومينا 220 كم/ ساعة مع اختلاف العدادات
=============== الاوميجا اسرع

3- التوازن والتماسك والرساوة
- اوميجا تمتاز بنظام OSA للسلامة والذي يستخدمه كل من كاديلاك ودايو
وغيرها من الشركات ويشمل
+ TC التحكم بالمنعطفات
+ ESP نظام التحكم بتوازن المركبة
+ الزجاج العاكس للضوء العالي
+ إطارات مقاس 17 انش للتوازن
+ قاعدة قوية تعطي السيارة ثقل " كعادة الالمان "
+ انوار الزينون لاعطاء افضل مشاهدة ليلا مع امكانية التحكم بشدته
+ كشاف الظباب الخلفي
+ شطاف للنور الامامي
+ وحدة تحكم مركزية " كومبيوتر" يخبر باعطال السيارة وحتى الاقمشة
للفرامل ، درجة الحرارة ، استهلاك الوقود ، عداد الكيلو ميتر، كمية ماء
مساحات الزجاج .
+ نوافذ زجاج وفتحة سقف ترتد بمجرد اي ملامسة
ومن المميزات للاوميجا:
1- عدد 4 اسطوانات ليزر ، ونظام صوتي Bose ، راديو يعطي رقم واسم المحطة وتحكم بالطارة
2- هاتف جوال "نقال"
3- نظام جيربوكس خاص بحيث يجعل السيارة تقوم على السرعة الثالثة بزر خاص في حالة الرمل او الجليد
4- ستارة كهربائية خلفية
5- كشافات امامية
6- ريموت لفتح الابواب والشنطة وغلق الزجاج وفتحة السقف عن بعد
7- نظام امان ضد السرقة
8- حساسات خلفية
9- مكيف للتحكم بطريقتين واحد للسائق وواحد للراكب مع فلتر خاص للادخنة والروائح
10- سخان للمقاعد الامامية
11- ايرباق بحساسات خاصة بالمراية العلوية
12- مراة علوية كهربائية
13- مقاعد جلد
14- والله تعبت بعدين اكمل