السلام عليكم و رحمه الله و بركاته
كيف احوالكم يارواد و اعضاء هذا المنتدى العريق كم من الذكريات قضيتها بين صفحاته و مواضيعه ☺
حبيت لو تشيرون علي في اختيار كفرات للسيارتي تاهو LTZ الجنوط الحاليه حجم ٢٢ لها سنتين و مضطر اغير الكفرات لان واحد منهم متضرر من الجانب و لازم اغيرهم طقم و قررت اركب جنوط ١٨ اصليه منها تغيير للشكل و كذالك للبر كون لي سنتين مادخلت و مره متحمس يدخل الموسم ,,,,
بعد الدوران في المحلات رسيت على كفرين
١ نص حجري من شركه كومهو مقاسه 275/65 بسعر ٢١٠٠ ريال شامل التركيب و الترصيص و الضريبه
٢ نص حجري من شركه بلاك بيير صيني امريكي مقاس 275/70 سعره ٢٧٣٠مع الضريبه +٨٠ للشحن لانه ف الرياض وانا في الدمام و التركيب و الترصيص اقل واحد ب ١٥٠ يعني ٣٠٠٠ ريال
المحلات هنا الي يقول صوته مزعج و مستحيل تستخدمه سنتين والي يقول راح يحك نع ان راعي المحل الي يبيعها يقول مركب كثير لسيارات ٢٠١٥ و طالع و امورهم زينه و راسلي صور ليوكن مركبها
و هذا الي انا خايف منه اذا كانت مزعجه مشكله لاني استخدم السياره بشكل يومي للعمل و التنقلات
كذالك اذا صارت تحك راح اضطر اني ارفع السياره ٢ انش و هذا راح يكلفني تقريبا ١٠٠٠ و عليها
الميزه الي مخليتني اتردد هي الشكل بيطلع بطل على السياره
كومهو اقل ارتفاع و النقشه انعم لكن ضمانه سنتين و حجمه عادي مقارنه بالحجم الطبيعي لكنه اعرض برقم
و ارخص و طبعا اكيد ماراح يحك عن الدوران فماراح اضطر ارفع السياره
ياليت تشيرون علي لان مضطر اقرر على هذا الاسبوع و خاصه الي مجرب الكفرات الحجريه من هذه الشركه على تاهو او يوكن
لكم تحياتيمواضيع قد تعجبك