نصيحة للمهتمين تغير زيت المحركات بأسعار اقل

أسرار السيارات @user_315158 · 27-12-2018

هذه نصائح مهمة لتغير زيت محرك السيارات بأسعار اقل من محلات تغير زيوت المحركات وهذه راح توفر عليك مبلغ جيد وراح يستفيد منها اصحاب سيارات محركات 8 سلندر و 6 سلندر اللي هي V8 و V6 و I6 وخاصة سيارات الدفع الرباعي SUV تستهلك معدل زيت عالي واصحاب سيارات بمحركات 4 سلندر اللي هي I4 ماتغرق كثير الا في حالة واحدة انك تشتري كرتون زيت من محلات الجملة

اسعار زيوت المحركات مختلفة لو نضرب مثال عندنا في السعودية زيت كاسترول 10W-30 سعره عن محلات تغير الزيوت من بين 25-20 ريال سعره بمحلات الجملة يكون بين 14-12 ريال سعر الحبة 14 ريال مع الضريبة و اذا اشتريت كرتون يطلع سعر الحبة 12 ريال مع الضريبة و الكرتون فيه 24 علبة زيت تطلع مع الضريبة تقريبا 320 -337 ريال كذا انت توفر على نفسك مبالغ كبير وإذا كان عندك اكثر من سيارة في البيت راح توفر اكثر واكثر وخاصة سيارات SUV ذات الدفع الرباعي الحقيقي

تغير زيت المحرك سهل جدا أسفل السيارة تفك سرة الزيت بمفتاح لتحليل المسمار على شكل وردة و تحتاج مفك اخر لفك الفلتر ( سيفون زيت المحرك ) لإنزال الزيت وتحتاج حفرة او مكان مرتفع مع حوض لتجميع الزيت المفرغ جدا سهل

في حال انك تبي تغير الزيت بسرعة وبدون تعب تروح محلات الزيوت يغير لك الزيت 20 ريال بدون الفلتر او 30 ريال مع الفلتر ( السيفون ) كذا انت توفر على نفسك مبالغ كثيرة في المستقبل خاصة اصحاب السيارات الكبيرة و المحركات الكبيرة

‏

‏

اذا نزلت الصورة معكوسة فكتابة الموضوع عن طريق الجوال

فرقت معي اسعار تغير زيت المحرك و خاصة في سيارات SUV

مكارم الاخلاق @user_326431 · 31-12-2018

شكرا لك و بالنسبة لي افضل اني اغير في البنشر ماعندي حفرة

بشير حسن @user_264966 · 30-12-2018

شكرا لك اخوي ويعطيك العافيه

طبعا اللي شكل فارق معاك هو شراء كرتون وليس كمية من العلب بشكل مفرد لأنه أنا سبق وجربت شراء كمية من العلب اللي يحتاجها محرك سيارتي مع فلتر زيت أصلي من وكيل معتمد وبعد مارحت اغير الزيت عند اللي كنت متعود اغير زيت عنده تفاجأت أنه أنا طلعت خسران والحمدلله فرق الخسارة هو 10 ريال حتى هو بنفسه قالي أنت لو بدلت عندي راح يطلع المجموع كامل "عدد 6 علب + فلتر زيت + شغل يد" ب120 ريال وأنت الآن طلع عليك ب 130 ريال

شئ آخر ماذكره بعض اخواني في ردودهم أنه بعض البناشر وحلت تغيير الزيوت يرفض أو يأخذ مبلغ أعلى من غيره في حال انك انت اللي شاري الزيت مع الفلتر وهذا ملاحظته بنفسي لدرجة انه البعض يطلب مبلغ 40 ريال وهذا سعر مبالغ فيه في حين المفترض مايتعدى مبلغ 20 ريال

محمد القحطاني @user_269829 MOHMAD · 30-12-2018

كنت سابقا اشتري الزيت بالجمله واغير في البنشر اما الان بحكم انه لدي سيارتين موديلات حديثه فالصيانه مجانيه لمدة 3سنوات عند الوكيل او الصيانه السريعه التابعه للمتعاقيدين معه شكرا لك اخوي عبدالله

khofisiz @user_48894 · 29-12-2018

هي على حسب الشخص .. فيه ناس تحب تشتغل بنفسها وله مزاج لمثل هالامور

أما البناشر لازم تتابعه وتتاكد من شغله .. اغلبهم يكرب (يتيت) على السرة (صامولة الكرتير) بقوة تعدم السنون وأغلبهم يحط تيب أبيض وهذا خطأ .. السيارة من وكالته بدون تيب ابيض فقط الواشر (الوردة)

VIP 111 @user_111992 · 29-12-2018

فيه كثير من البناشر الان يغير لك الزيت مقابل قيمة العلب فقط

لذلك اشوف ان المحصلة النهائية التي سيتم توفيرها لاتستحق العناء بتغييره في البيت

بالنسبة لشراء كميات كبيرة من محلات الجملة ، مفيدة اذا كانت المنتجات اصلية 100%

لان تم القبض على عدة عصابات تدير معامل تزوير علب زيوت بكميات كبيرة ونشرتها الجهات المعنية قبل فترة

شكرا لك

flatne @user_305312 · 28-12-2018

س

سكايبر| حروف للكتابه |

اذا كنت تقصد الرسمية (التابعة لشركات) فأظن ماله داعي ،البناشر الصغيرة انسب وشغل اليد علحسب نباهتك ممكن تدفع 10 ريال او 30 لاأكثر ..

.

عندنا في خميس مشيط مستحيل تلقى اي بنشر يغير لك الزيت من برا
جربتهم قبل كم سنه وتورطت بكرتون الزيت حتى لقيت واحد الله يجزاه خير وافق يغيره

عضو @user_0 عضو · 28-12-2018

f

flatne

كلامك سليم بس المشكله في البناشر ماتقبل تجيب زيت من برا

اذا كنت تقصد الرسمية (التابعة لشركات) فأظن ماله داعي ،البناشر الصغيرة انسب وشغل اليد علحسب نباهتك ممكن تدفع 10 ريال او 30 لاأكثر ..

.

flatne @user_305312 · 28-12-2018

كلامك سليم بس المشكله في البناشر ماتقبل تجيب زيت من برا