هل يجب تغيير زيت ناقل الحركه لسيارات مازدا الجديده ؟ إليك الجواب .

.بالعكس السيارات الجديدة زادت نسب القير فيها وكل مازادت احتاج الزيت لاستبدال بشكل اسرع بسبب كثرة التغييرات
الباترول ٤٠٠ سبع نسب تغيير الزيت على ٤٠ الف و ٣٢٠ خمس نسب التغيير فيه على ٨٠ الف
اللاند ٥.٧ ثمان نسب التغيير فيه على ٤٠ الف و الست نسب ٨٠ الف

يامراحب اخوي صالح شرفت ونورت
.

القيور الجديدة بالفعل اصبحت اقل حاجة للصيانة وتغيير الزيت لان حركتها قليلة مقارنه بالمحرك

شكراً على المعلومة المفيدة ويعطيك العافية

العفو وايضا اشكر لك معلوماتك القيمه

وشاكر لك مرورك يابطل


كثير ناس ممن لم يغيرون زيت القير في وقته غيروه بعد فتره طويله وعطل عليهم القير
هذا ماكان يخيفني بعد ماغيرت زيت سيارتي بعد تعديها 100 الف كم والحمدلله الأمور طيبه حتى الآن
عموما هذا درس لك والله يعطيك خير سيارتك ويكفيك شرها
المهم هو ضرورة فحص مستوى زيت القير كل فتره

شاكر لك مرورك ياغالي



اها .. عندك وكالة مازدا في السعوديه حتى على مستوى العالم
قالو انه مايتغير لكن مع ذلك الوكيل قام بتوفير الفلتر والزيت لمن يريد التغيير

صحيح فحص الزيت مهم في كل فتره

اشكرك على مرورك يابطل

.بالنسبة لموضوع زيت القير كل مورد له سياسته
مثلا وكلاء الكويت بالغالب يقولون زيت القير ماييغر
وفيه وكلاء كانو يقولون مايغيير بعدين بدو يغيرون
اذكر واحد اشترى يوكن الجديد قالو له الوكالة مايغير يوم مشى ٩٠ الف غير زيت القير وراح للوكالة بعينه من الزيت قالو له الزيت منتهي يحتاج استبدال
الباترول ال ٤٠٠ بعض الوكلات قلو كل ٢٥ الف يغيير خاصة من اللي استخدامهم شاق
قيور cvt في نيسان كل ٨٠ الف ونفس القيور عند مستوبيشي كل ٤٠ الف
كامري ٢٠١٦ ماشي اقل من ٨٠ الف بدا القير يكون فيه لخبطة بالتغيير والسبب زيت القير لان راعي السيارة استخدامة شاق تم تنظيف القير ورجعت طبيعية مع ان الوكالة يقولون كل ٨٠ الف يغير

لذلك انت افحص زيت القير عند من تثق فيه بين فترة واخرى

مشكوور يا غالي على المعلومات القيمة



يا غالي انتبه لدليل الصيانة لكل سيارة

بالنسبة لهوندا عندنا لكل سيارة جدولين صيانة من الشركة واحد مكتوب عليه Normal Conditions أي الظروف العادية و الثاني Severe Conditions أي الظروف القاسية

بالنسبة لأجواء الشرق الأوسط دائما تعتبر ظروف قاسية ، المعيار اللي نعتمد عليه أن السيارة تتعرض لظروف قاسية :
- مشاويرك أغلبها قصيرة جدا - أقل من 8 كم -
- تقود السيارة غالبا بدرجة حرارة تفوق الـ35
- طبيعة الأرض جبلية
- المركبة تعلق بالازدحام غالبا

و بالتالي فيه سيارات أول مرة تغيره على الـ60 ألف ، بعدين تغيره كل 40 ألف ..إلخ ،، أما قيور الـCVT الجديدة فيجب تبديل زيته كل 40 ألف كيلو حسب جدول الصيانة الرسمي من الشركة بالنسبة لهوندا ،، بالطبع كل شركة حسب م توصي به ..

تحياتي لك ..
.

لاشك دليل المالك هو الذي فيه الإفاده حسب السياره لكن من المصنع مازدا تقولك مو لازم تغير

شاكر لك مرورك


اغلب الناس ممكن يحرص اكثر ويغيره لكن الموضوع لمن يريد الحسم في هذه المسأله وهي انه لايلزم تغييره
واذا غيرته ماراح يضر زود حرص فقط

شاكر لك مرورك ياغالي


سألت الوكيل قالي لا تغيره لكن انا اصريت وغيرته ، حتى ان رقم قطعة فلتر القير غير انا جبته لهم من النت لأن ماحد يطلبه وفي جدول الصيانه لايوجد تغيير زيت القير التشييك فقط كافي

وكل واحد حر بسياره ان استطاع غيره وان تركه فلا ضرر من وجهة نظر الشركه الأم

شاكر لك مرورك ياغالي



مثل ماذكرت من يريد تغييره فليفعل لابأس من زيادة الحرص
شاكر لك مرورك

كلامه عين الصواب

الافضل تفحصه كل فترة و تغييره اذا تغير لونه

والبعض يقوم يتغيير الزيت بعد ما يقطع مسافة ثابته (مثلا بعد قطع 60 او 80 الف كلم) حتى اذا ماتغير لون الزيت وذلك حق يضمن ان الجير مايضرب

.

الأفضل تغييره حتى لو أوصت الشركة بعدم تغييره
خاصة مع الظروف القاسية عندنا في السعودية

بكرة لا طلعت السيارة من الضمان وضرب عليك القير بتجحدك مازدا ووكيلها

السلام عليكم

موضوع الزيت وخصوصا القير من زمان وحنا نسمع لاتغيره ابدا واعني ال سي في تي لانه مافي تروس ولا تغيره الا اذا لزم صيانه...
اما القير التقليدي فاعتقد يلزم تغيرة لان هو و الدفرنسات بحكم وجود تروس وتعرضة لضروف استخدام قاسية خصوصا عندنا حتى لو كان بعد مسافه كبيرة من الاستخدام .......وللاسف مهمها نقرا عن هالموضوع مافي اي اتفاق على صحة تغيرة من عدمه

وشكرا على الطرح