السلام عليكم ياجماعة الخير
مشكلتي في سيارتي لكزس 460 وارد امريكي خلتني اكره هذي السياره وافكر ابيعها لان المشكله مالقيتلها حل ابدا ومستمره معاي وان شاء الله احصل على الحل عندكم
الموضوع ان سيارتي عزمها ضعيف جدا وينزل الrpm تحت 1 لما اضع القير على D ورجلي على الفرامل ولما اتحرك السيارة ميته كانها واقفة ماتمشي واحس بهزه واصوات اهتزاز تروح وتجي اشوف يرتفع معها rpm وينزل يرتفع وينزل وهذي الاهتزازات لدرجة الراكب الي معاي يشعر بها واضحه . طبعا مع هذي المشكله لما اطفي السيارة وارجع اشغلها بعد مشوار الاحظ صوت التشغيل مب طبيعي كانه كهربا متقطعه او رعشه فالتشغيل و rpm يهتز عند التشغيل واشم ريحة بترول مزعجة جدا بعد اي مشوار مب عارف هل هذي منها او لا
طبعا انا بدلت البلكات جديدة
ونظفت البخاخات كلها 18 بخاخ
وغيرت فلتر الهواء 2
وبدلت حساس الاكسجين 2 من الوكالة
ونظفت حساس MAF
والثروتل نظفته خفيف بس اتوقع المشكله منه
الزيت الي استخدمه 5W30
الكراج الي اتعامل معاه خبرني ان الثروتل بدي لازم يتبدل لان هذي المشاكل منه ضعف العزم والاهتزاز وريحة البترول
عارف اني طولت والسالفة طويله بس المشكله من شهور ومب لاقي حل الرجاء منكم مساعدتني واي سوال انا حاضر