ماهو البنزين الأفـــضـــل للتاهو 2017

بشكل عام وقود 91 أوكتان أقل قوة أثناء الأحتراق من 95 اوكتان

أذا بتقود سيارتك قيادة طبيعية هادئة فأنت فعلياً لا تحتاج إلى 95 اوكتان

لا أعتقد أن 95 أنقى من 91 أوكتان

حسب ما أعرف ان وقود 95 أوكتان يحترق أبطئ من 91 أوكتان لكن قوة أحتراقة أو الانفجار بوسط السنلدر تكون أعلى من 91 أوكتان

والسبب الطقطقة الي تصير لما الواحد يعبي بنزين 91 أوكتان لمحرك 95 أوكتان هو أن بنزين 91 أوكتان ساعات يحترق بظروف أسرع من 95 أوكتان وهذا يصير قبل لا يطبق السلندر كامل! وهذا الي يسبب الطقطقة

ببساطة أذا أغلب أستخدامك بوسط المدينة وقيادتك من متوسطة إلى هادئة خلك على 91 أوكتان
ناوي تطلع للطرق الوعرة أو تبي تطلع أداء السيارة أستخدم 95 أوكتان لانه بيفرق معك (تقدر تستخدم 91 نفس الاستخدامات الي قلتها لكن أقصد بيكون فيه فرق ملحوظ بالعزم والقوة لصالح 95 أوكتان)

بمعنى اخر تبي تستخدم 95 أوكتان عادي استخدمه لكن يعتبر بلا فايدة وممكن خسارة اذا لم تستخدم فرق العزم والقوة طول الوقت لذلك 91 أوكتان بيكون خيار أفضل وأوفر كأستخدام دائم والتحويل إلى 95 اوكتان متى ما اردت الفرق فقط

فيه محركات لما تحط 95 اوكتان وهي تقبل 91 ماتفرق معها بالقوة! وبالعادة هذي المحركات الصغيرة والضعيفة
لكن 8 سلندر أعتقد وبشكل كبير راح يفرق معك 95 اوكتان اذا استخدمته

طول عمر المحرك لا أعتقد أستخدام 95 راح يحدث فرق بالسيارة لأن السيارة بالاساس تقبل 91 اوكتان