روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


النتائج 1 إلى 6 من 6

الموضوع: بخصوص فورد كراون فيكتوريا 2009 و 2011 هل انا قاعد اوسوس او الوضع طبيعي؟

  1. #1
    عضو جديد
    تاريخ التسجيل
    05-01-2018
    المشاركات
    3
    معدل تقييم المستوى
    0

    بخصوص فورد كراون فيكتوريا 2009 و 2011 هل انا قاعد اوسوس او الوضع طبيعي؟



    مرحبا


    شريت فورد كراون فيكتوريا 2009 سعودي مستعمله قبل كم سنة واستخدمتها سنتين ونص وكانت تجربة حلوة جدا جدا ماراح انساها. بعد سنتين ونص صدمني واحد من ورا وعدم علي الخلفية كاملة + الشاصية وبعت السيارة


    شريت بعدها مازدا 6 2016 جديدة ولكن انصدمت صدمة حياتي الاستخدام اختلف علي بالكامل وعضيت اصابع الندم اني اخذتها. جلست معي سنة وبعتها بخسارة ولكن اهم شي الراحة النفسية لان فعلا ماعرفت لها ولا ارتحت لها ولا عجبتني ابدا


    بحثت عن كراون فيكتوريا 2011 سعودي والحمدلله حصلت وشريتها من مالكها وكلي حماس باسترجاع ايام الفيكتوريا القديمة - طبعا حطيت مبلغ وقدره وشيكت الموتر بالكامل لان رحت بترومين وشيكت الموتر عنده من ناحية زيت مكينة زيت فير زيت دفرنس وفضيت الرديتر كامل وعبيته جديد ونظفت المكينة والبخاخات ورحت بعدها للعضيب شيكت الارضية عنده وعطاني تقرير بالخرابات وصلحتها كلها عنده مع ميزان وترصيص وفحصت عنده كمبيوتر وسليمة ما شاء الله


    بعد فترة من الاستخدام 3 اشهر تقريبا احس ماش فيه شي مب صح يعني كأن السيارة اختلفت علي في قيادتها وفي مرتبة السواق والراحة مب نفس الفورد الاولى 2009 ما ادري هو وسواس ولا صدق او عشان استخدمت ياباني لمدة سنة كاملة الله اعلم


    ولكن اللي لاحظته هو التالي:

    1- مرتبة السواق المخمل فيها احس انه ماسك ملابسي مره ويبهذلني احس مب مرتاح وكل شوي اعدل جلستي من جهة المقعدة او من جهة الظهر


    2- مرتبة السواق في المقعدة نفسها احس انها مرتفعة من جهة فخذي الايمن ومنخفضة من جهة الفخذ الايسر احس اني مايل جهة اليسار يعني وكل شوي اعدل جلستي لعلها تضبط الجلسة طبعا في 2009 ما اذكر اني عانيت من مشكلة الميلان هذي


    3- للحين من شريت السيارة عجزت ارسي لي على وزنية معينه في المرتبة والمسند حق الظهر ودواسات البنزين كل يوم اقدمها وارجعها وارفعها وانزلها وماش للحين ماقدرت اختار وضعية معينة كل شوي اقول لا مب مريحة خلني اعدلها لان اول اذكر اني كنت مختار وزنية ثابتة ومرتاح فيها + الدواسات احس ان البنزين راجع ورا والفرامل متقدم قدام بحيث لو ببدل قدمي من بنزين الى فرامل تلقاني اشيل قدمي ورا شوي زيادة عشان اقدر اضغط فرامل


    4- لاحظت نظام التعليق قاسي وماغير مطامر ومافيه ليونه عكس اول يوم كانت معي ال2009


    5- عزم السيارة ضعيف مقارنة بال2009 لان وقت ال2009 اكون ماشي 100 واضغط لها اخر شي الموتر يفز فزه مب صاحية لدرجة احيانا يفحط الكفر - اما في 2011 ضعيف العزم


    طبعا بحثت في كل مكان في النت عن الفروقات كلها مابين 2009 و 2011 لكن مالقيت ابدا الا بعض الاشياء التافهه مثل مسندة الراس الكبيرة في 2011 ومالقيت كلام رسمي


    حاولت ابحث عن مرتبة السواق نفسها مالقيت معلومات رسمية عن اختلافات المرتبة مابين 2009 و 2011
    طبعا بحثت عن صور المرتبتين لقيت فيه اختلاف في النقشه حقت الخياطة بس قلت يمكن شكل فقط والمحتوى نفسه مدري عاد وايضا لقيت ان الزر اللي ينفخ الظهر مختلف مكانة في الموديلين


    طبعا رحت لمحل تلميع قلت فك لي المرتبة حقت السواق يمكن تكون مكسورة او شي وفكها لي وقلبها ومافيها اي شي سليمة ورجع ركبها لي وفكرت اني اروح اشتري مرتبة 2009 واركبها



    ايضا احس اني متحسف قلت ليتني خذت فل بدل ما اخذ ستاندر لان الفل يجي جلد وعداد الكتروني وازرار خارجية ومكيف لمس ف قاعد افكر احولها فل لكن متردد وكم التكلفة لو بقلب السيارة فل كامل؟


    المستخدم السابق احسه بخيل كيف اقدر اشيك وراه واشوف تقرير كامل عن السيارة؟ هل اروح للوكالة افحص مثلا؟


    هذا اللي عندي حاليا ولو تذكرت شي بقوله لكم



  2. #2
    عضو نشط جدا
    تاريخ التسجيل
    23-07-2014
    العمر
    35
    المشاركات
    547
    معدل تقييم المستوى
    0

    رد: بخصوص فورد كراون فيكتوريا 2009 و 2011 هل انا قاعد اوسوس او الوضع طبيعي؟

    اممممم مدري وش أقولك ميلان المرتبه كان موجود في فوردنا موديل 2002

    وحصلت مجرى المرتبه معفوط ولا عدلتها لأني ما اهتميت شيك على المجرى عندك

    بخصوص العزم سوي تصفيه كامله للمكينه وغير صفاية البنزين وافحص الكويلات كمبيوتر

    الي كان معنا لقيت كويلين معطوبه رقم 4 و رقم 7 غيرتها ورجع العزم زي اول واحسن

    بخصوص القساوه والله غريبة ماقد سقت فورد قاسي ابد وحده من الثنتين يا الي كان معك ال2009

    هدروليك أو أن الي شريته 2011 مساعداته مغيره لنوع تعبان


    وفي النهايه لا تتحسف الفل مايجي الا امريكي والاستخدام الامريكي ماش أنا عانيت منه كثير

    دبات التلوث والاديتر والخرابيط ذي اذا كان الي معك سعودي كويس وعال العال والله يعطيك خيره ويكفيك شره

    فعلا موتر خدوم حتى صرفه للبانزين حليل فيه فروت في الرياض معرض النسيم حقت ارامكو اكثر ممشى

    فيها 85 الف وفيه منها السمني والفضي والاسعار شوي حاره من 53 الف الى 65 الف جالس أفكر في واحد ههههههههه

  3. #3
    عضو ادارة المنتدى الصورة الرمزية SAHERR
    تاريخ التسجيل
    05-09-2011
    الدولة
    السعوديه
    المشاركات
    8,848
    معدل تقييم المستوى
    100

    رد: بخصوص فورد كراون فيكتوريا 2009 و 2011 هل انا قاعد اوسوس او الوضع طبيعي؟

    ​هلا ومرحبا الف فيك اخوي لاتلعب في السياره ودها الوكاله وقلهم ايش اللي فيها وهم اعرف

  4. #4
    عضو جديد
    تاريخ التسجيل
    05-01-2018
    المشاركات
    3
    معدل تقييم المستوى
    0

    رد: بخصوص فورد كراون فيكتوريا 2009 و 2011 هل انا قاعد اوسوس او الوضع طبيعي؟

    اقتباس المشاركة الأصلية كتبت بواسطة NA.w.AF مشاهدة المشاركة
    اممممم مدري وش أقولك ميلان المرتبه كان موجود في فوردنا موديل 2002

    وحصلت مجرى المرتبه معفوط ولا عدلتها لأني ما اهتميت شيك على المجرى عندك

    بخصوص العزم سوي تصفيه كامله للمكينه وغير صفاية البنزين وافحص الكويلات كمبيوتر

    الي كان معنا لقيت كويلين معطوبه رقم 4 و رقم 7 غيرتها ورجع العزم زي اول واحسن

    بخصوص القساوه والله غريبة ماقد سقت فورد قاسي ابد وحده من الثنتين يا الي كان معك ال2009

    هدروليك أو أن الي شريته 2011 مساعداته مغيره لنوع تعبان


    وفي النهايه لا تتحسف الفل مايجي الا امريكي والاستخدام الامريكي ماش أنا عانيت منه كثير

    دبات التلوث والاديتر والخرابيط ذي اذا كان الي معك سعودي كويس وعال العال والله يعطيك خيره ويكفيك شره

    فعلا موتر خدوم حتى صرفه للبانزين حليل فيه فروت في الرياض معرض النسيم حقت ارامكو اكثر ممشى

    فيها 85 الف وفيه منها السمني والفضي والاسعار شوي حاره من 53 الف الى 65 الف جالس أفكر في واحد ههههههههه
    .
    ميلان المجرى صراحة مادققت هل هو مايل ولالا يوم يفك المرتبة بس ما اظن انه مايل
    بخصوص العزم غيرت طقم بواجي كامل والكويلات قالي سليمة الفحص حق الكمبيوتر ماقال فيها شي
    والبخاخات والمكينة منظفهم عند بترومين
    بخصوص القساوه راعي الموتر السابق يقول انه مغير المساعدات الامامية عند الوكالة بس صراحه ما اضمنه لاني لقيت ملاحظات على السيارة بعد الشراء بفترة عكس كلامه
    بخصوص الفل كنت مابيه بحكم ان فيه بعض الخصايص الرياضية حسب كلام ويكيبيديا وعشان جلد بيكون حار بالصيف وبارد بالشتاء ويسبب تعرق ويجي منه سعودي ال اكس بس الحين عيني على الفل محتار اقلبه ولالا
    وان كانك بتشتري فورد هو زين ترا بس زد شوي وطق لك تاون كار اخر موديل اعلى فئة سعودي
    مدري ليه احس التاون كار اريح من الفورد

  5. #5
    عضو جديد
    تاريخ التسجيل
    05-01-2018
    المشاركات
    3
    معدل تقييم المستوى
    0

    رد: بخصوص فورد كراون فيكتوريا 2009 و 2011 هل انا قاعد اوسوس او الوضع طبيعي؟

    اقتباس المشاركة الأصلية كتبت بواسطة SAHERR مشاهدة المشاركة
    هلا ومرحبا الف فيك اخوي لاتلعب في السياره ودها الوكاله وقلهم ايش اللي فيها وهم اعرف
    .
    والله عاد مسوين عرض فحص مجانا الى 10-01-2018 بس المشكلة يبيلها حجز وانتظار واحس مالي خلق بس شكلي بحجز واشوف تقرير عن السيارة ليطمئن قلبي

    لو بذبها عليهم يشيكونها من الصدام للصدام هل فيه الدفع اقساط لان احس بتجي الفاتورة عالية


    ​هلا اخوي والله علمي علمك لازم تروح لهم وشوف ايش يقولولك وان شاء الله متيسره امورك
    التعديل الأخير تم بواسطة SAHERR ; 06-01-2018 الساعة 12:03 AM

  6. #6
    عضو سوبر
    تاريخ التسجيل
    17-03-2009
    المشاركات
    1,665
    معدل تقييم المستوى
    404

    رد: بخصوص فورد كراون فيكتوريا 2009 و 2011 هل انا قاعد اوسوس او الوضع طبيعي؟

    السلام عليكم,,
    كل شي عندك طبيعي بإستثناء العزم وإذا الصرفية معتدلة أعتقد ما لك الا تتأقلم,
    أعتقد ان مشكلتك الأساسية انك ما أخذت فل,
    أنا عندي أكورد فل مراتبها جلد مريحة ومتوازنة وكل حقين الأكورد المخمل متأذين
    من إنعدام الراحة,
    أحياناً اسوق صني وألاحظ نفس ملاحظتك رقم2 حتى اني إذا استخدمتها كم يوم
    مع محاولات إيجاد الوضعية المريحة بالأخير يصير ظهري يوجعني
    بعد ما أرجع للأكورد,
    لو أنا مكانك ما أسوي أي شي لأني ما أشوف شي يتصلح الا إذا تقدر تركب
    مرتبة فل وكالة؟

المواضيع المتشابهه

  1. #أستدعاء 4909 #مازدا ( 2009 - 2011 )
    بواسطة salehhd في المنتدى نادي السيارات اليابانية
    مشاركات: 1
    آخر مشاركة: 11-10-2017, 11:32 AM
  2. #أستدعاء 17540 #فورد كراون فكترويا ( 2003 - 2005 )
    بواسطة salehhd في المنتدى نادي السيارات الأمريكية
    مشاركات: 0
    آخر مشاركة: 09-10-2017, 09:39 AM
  3. ( مساعدة ) بخصوص أنوار كورلا 2009 !!!!
    بواسطة ABo 3aber في المنتدى ورشة السيارات
    مشاركات: 0
    آخر مشاركة: 10-07-2017, 09:33 PM
  4. استفسار للأخوة المجربين للكامري 2009 -2011
    بواسطة بشير حسن في المنتدى نادي السيارات اليابانية
    مشاركات: 7
    آخر مشاركة: 06-07-2017, 12:47 AM
  5. استفسار بخصوص ازيرا 2009
    بواسطة Azera09 في المنتدى نادي السيارات الكورية والصينية
    مشاركات: 4
    آخر مشاركة: 14-03-2017, 03:57 PM

الكلمات الدلالية لهذا الموضوع

X