السلام عليكم ورحمة الله وبركاته
كيف حالكم عساكم طيبين, الله يسعدكم
يا أخوان أنا أفكر أشتري سيارة يكون فيه فرق كبير بين سعرها وكالة وسعرها مستعملة ويكون عليها ضمان من الوكالة.
على سبيل المثال سيارات كاديلاك ATS و CTS يكون عليها من الوكيل صيانة مجانية أربع سنوات أو 100 ألف كيلو بالإضافة إلى ضمان خمس سنوات (صراحة ما أدري وش الفرق بين الصيانة المجانية والضمان, ياليت توضحون لي الله يجزاكم خير). وسعرها مستعملة سنة سنتين وضمانها ساري يكون رخيص جداً مقارنة بالوكالة. ولا يكون فيها مخاطرة بحكم أنها ما زالت عالضمان والصيانة والتشييكات كلها تمت في الوكالة.
أنا اللي أدور عنه سيارات قصتها نفس قصة الكاديلاك من ناحية الضمان وسعر المستعمل.
يفضل موديلها من 2014 إلى 2016 وتكون سيدان أو كروس أوفر.
الميزانية بالكثير 120 ألف ويفضل لو كان المبلغ أقل.
مشكورين الله يعطيكم العافية
