رأيك مهم لدي

MaZeN 575 @user_8519 · 10-11-2003

بسم الله الرحمن الرحيم

السلام عليكم ورحمة الله وبركاته

الصراحة انا معاي مبلغ و قدره 18000 من تجميعي و5000 من الوالد. ناوي انشالله اشتري سيارة بهذا المبلغ. طبعا راتبي لا يسمح اني أخذ وحدة جديدة علشان قاعد أبني في منزل ( بعرس عقبال عندكم) .
أريد منكم ان تعطوني رأيكم و بسراحة علشان أنا محتار
* طبعا السيارة لاستعمال ستة شهور

1- فورد موستنج 94-96
2- هوندا سيفك 95 -98
3-ب م و الفئة الخامسة 92-95
4- شفرليه كومارو93-96

طبعا اذا كان أي من السيارات أغلى من الذي ذكرته قولولي علشان أعرف

الي ابغى أعرفه هو مشاكلها و خراباتها , و هل السيارة سهلة التصليح اذا أختربت؟؟ و بما معنى أصح أبغى سيارة ادوم معاي مو كل يوم ورشة.

ملاحظة ( اذا قررت ان أخذ اي سيارة... طبعا رايح أحط عليها جنوط و زوايد و من هذا الكلام اذا اشتريتها بطيس و من غير زوايد ) يعني بالشكل الخارجي راح أهتم فيه

سلام و اتمنى انكم ما تردوني خايب

الهويشل ابومطر @user_265 · 23-11-2003

18000

انصحك بالكامري 95 96

او ماكسيما 96 97 95

سيارات قوية ولها قيمتها وشعبيتها

وشكرا

MaZeN 575 @user_8519 صاحب الموضوع · 17-11-2003

camaro_94, gti_cars ربي يحفظفكم من اي مكروه
فضلكم لا انساه طول عمري
يعني والله العظيم لسة في الدنيا خير
*****************
TSS_LUMINA SS
عن اي سيارة تتكلم؟؟؟؟ اذا عن الترانس فخلاص هي انباعت و الله يوفق صاحبها
مشكور أخوي

TSS @user_5129 · 17-11-2003

توكل على الله بس وخذه شكله حلوة

لكن العداد كم ماشي

انتبه لا توهقبه بعدين

gti_cars @user_7354 · 17-11-2003

عليك بالهوندا سيارة مريحة اقتصادية قوية قطع غيارها ولا احلى من هيك
وبالنهاية نريد لك مصلحتك ومصلحة جيبك يا صديقي
:-)

وشكرا

CAMARO_94 @user_8594 · 14-11-2003

العفو أخوي مازن وأنا بصراحة ما نصحتك إلا لأني عندي بعض التجارب مع هاذي السيارات وخاصة الكمارو أما الترانز فصراحة مافيه واحد إلا ويشتكي منه في القطع أما الكمارو بصراحة صحيح أنه القطع موجوده لكن شوي غاليه لأنها من الجميح لكن بصراحة تستاهل (( وأكررها لك أخوي انصحك تبعد عن السته سلندر لأن مشاكلها مشاكل ))

MaZeN 575 @user_8519 صاحب الموضوع · 13-11-2003

camaro_94 أولا انا شاكر جزيل الشكر و بنفس الوقت خجلان من مواقفك النبيلة معاي. للمعلومية انا من الخبر بس ما ادري اذا كان صاحبها نقلها من جدة ليييين الخبر على شان تنباع. بعدين كلامك صحيح بالنسبة للترانس لاني اليوم الصباح رحت ل صنياعية الثقبة و لفيت محلات قطع الغيار و أكثر قطع متوفرة هي للموستنج و الكومارو... الهوندا لديها قطع غيار و لكن ليست بكثرة و سعرها معقول نوعا ما.

اخيرا اشكرك مرة ثانية

CAMARO_94 @user_8594 · 13-11-2003

أخوي مازن اذا هاذي الترانز أم في جدة فتراني ما أنصحك أنك تاخذها لأنها لها أكثر من سبع شهور وصاحبها يبغى يبيعها أنا والله ماشفتها لكن واحد من أصحاب الورش أعرفه حاول معاي يبغى يدفها علي بأي طريقة لكن أنا كنت أفكر فيها بس بعد ماعرفت أنها 6 سلندر شلتها من راسي (( لأنها بصراحة وخذها نصيحة الكمارو قطعها متوفرة خاصة الـ 8 سلندر لكن الـ 6 سلندر المكينة و الجربكس ** لكن الترانز أم انسى أنك تلقى لها مسمار أو جلدة خاصة من موديل 93 الى 2002 لكن الموديلات اللي من 84 الى 92 هاذي تلقى لها قطع لأن قطعها زي الكابرس والبيوك وفي التشليح مليان ))
على العموم هاذي نصيحة وأحذر منها وأنا متأكد أنه هاذي السيارة في جدة لأنه صاحبها متورط الله يكون في عونة

MaZeN 575 @user_8519 صاحب الموضوع · 13-11-2003

gti_cars تسلم يا عيوني و انشالله نخدمك في الافراح;)

بالنسبة للموضوع السيارات احب اضيف سيارة رحت شفتها عند و احد طالب فيها 15000

ترانس ام بونتياك 94 و ياريت تقيمولي اياها

طبعا ليست هذه السيارة المعروضة للبيع بس من نفس الموديل ول شكل
|3|

gti_cars @user_7354 · 13-11-2003

وانصحك بالهوندا القديم مشاكله قليلة ا قتصادي عملي مريح وان شاء الله لما يتوفر معك مال كافي عليك بالاودي A4 صراحة سيارة ولا احلى من هيك شي فاخر

وشكرا

MaZeN 575 @user_8519 صاحب الموضوع · 11-11-2003

gti_cars شكرا جزيلا لك على اطلاعي على تجربتك. انشاءلله تنال السيارة الي في بالك وا دوم معاك على طول.
camaro_94 شكرا على تحذيري لاني كنت حاط في بالي قير عادي.
شكرا B.M.S ..... اذا ما عندك مانع ليه الفرد تعبان؟؟؟؟؟

يا شباب ترى كل كلامكم على راسي من فوق ....
سلام

B.M.S @user_6218 · 11-11-2003

اخوي انا انصحك ابعد عن البي لاام القديمه لانه مشاكلها كثيره

وكمان الفورد لا تأخذها

والباقي الكمارو والسيفك

اذا تبي سياره حلوه خذ الكمارو بس تكون نظيفه

والله يوفقك

CAMARO_94 @user_8594 · 11-11-2003

والله ياخوي ان كنت ناوي تشتري كمارو فأسعارها في الحراج في جدة من بين ( 14000 ) <<< تمشيت حال . والـ ( 20000 ) << اذا كانت نظيفة (((( وأهم شي انتبه اذا كانت قير عايدي أو سته سلندر ابعد عنها )))) لأني جربتها والى الأن وانا عايش في تجربتها
قطع السته سلندر والقير العايدي ماهي موجودة في الجميع ومافيه غير طلبية من غير السعر والتأخير في الطلبية
<< في الكمارو 8 سلندر وبس >> داخل السعودية

gti_cars @user_7354 · 11-11-2003

ابعد عن السيارات الالمانية لانها غالية الثمن وعليك بالياباني
واذا اصررت على الالماني فمرسيدس او اودي اما bmw فلا تقربها كانت لدي bmw 525i مطلعها وكالة كل فترة اغير قطعة شكل وبعد 2 سنة من اخراجها اعلن المحرك افلاسه
لا ياخذ ولا يعطي وطبعا بالنسبة لاستهلاك البنزين حدث ولا حرج من شرائها ليوم مبيعها وانا من محطة لاخرى قمت ببيعها وكنت متجها لاودي ولكن سعرها الغالي منعني ولكن ان شاء الله في حال توفر المال ساشتري على الاقل A4 شي خيال لدي صديق لديه واحدة ما شاء الله موديل 2000
والله تشعر كانها طالعة من الوكالة وقد رايت دفترها خلال ال 3 سنوات فقط غيار زيت اما بالنسبة لي لل bmw فلدي مجلدات بادخالها للوكالات هذه نصيحة لا اكثر

وشكرا