السلام عليكم ورحمة الله وبركاتهالسلبيات الي حصلتها بفئة الفل كامل 2017
هذي اول مشاركه لي في منتدى السيارات واتمنى لي ولكم التوفيق .
موضوعي عن نيسان ماكسيما 2017 فل كامل وارد العيسى
بصراحه في البدايه ماعرفت ايش السياره الي ابيها . كانت عندي سياره من كيا . وتم بيعها
وقررت اشتري سياره ثانيه بس اغير الشركه لان الكوري ماناسبني رغم مواصفاته الجميله الى ان الجوده للاسف كانت مره سيئه .
بعدها اخذت على الوكالات جولات .. وقفت عند شركة نيسان . وترددت شوي من ناحية الماكسيما عشاني اقرى كثير عن سالفة القير . مع العلم اني اشوفه مو ذاك العيب
الي بيخليني اصرف النظر عنها .. كنت اتمنى القى عدة تقارير عن هالسياره الجميله الى اني ماحصلت غير موضوع واحد فقط .. واستغربت .. مادري هل السياره مكروهه
او فيها عيوب او ايش بالضبط مادري . على كل حال كنت اتمنى فيها بعض الاشياء الي استغربت بصراحه انها مو موجوده فيها .
1- الستاره الخلفيه ماتنزل اذا عشقت ريوس
2- عبارة ماكسيما الي موجوده داخل باب السياره اذا فتحته مو منوره .
3- مافيها طي المرايات للاسف
4- مساحتها الداخليه احسها ضيقه شوي على كبر حجمها الخارجي
5- سعة الشنطه الخلفيه صغيره للاسف وايضا ماتحسها على كبر حجم السياره
6- الاناره الداخليه المود لايت الى تكون على جوانب الابواب .. للاسف موجوده فقط في الامام بس بالخلف مو موجوده ؟؟
7- جودة الكاميرا الي موجوده فيها سواء كانت الخلفيه او الاماميه او الي تحت المرايا بصراحه سيئه مو صافيه واجد !!
8 - اللمبات الخلفيه للسياره كنت اتمنى تكون ليه بدل الاضائه العاديه جدا .
9- عندك ثلاث اضائات للمبه البريك .. لمبه خلف الزجاج الخلفي . ولمبه في الجناح باستثناء اللمبات الي موجوده في الصدام الخلفي . ليه كل هذي مادري
10- لايوجد مساحه واسعه لتخزين اغراضك في درج ( التكايه ) مره ضيقه . ماتعرف وين تحط مثلا جوالك .
هذي تقريبا ملاحظاتي على السياره من الناحيه السلبيه
اما النواحي الايجابيه .. فانا معجب بمحرك االسياره الـ 6 سلندر 300 حصان وشكلها العام من الخارج والداخليه . باقي انتظر استلام السياره ونجرب قيادتها والله يكتب الي فيه الخير لي ولكم
اتمنى اذا فيه احد يمتلك هالسياره . يذكر لنا عيوب وايجابيات ها الجميله من نيسان . وايش انطباعه عنها .
تقبلو تحياتي ومروريمواضيع قد تعجبك