عرض سيارات في الشرقية ،،، التفاصيل

Galant VR-4 @user_8335 · 04-11-2003

السلام عليكم ورحمه الله وبركاتة

سوف يقام عرض سيارات معدله في الشرقيه في مدينه الخبر
والدعوه مفتوحه للجميع في عده مواقع في الخبر وطبعا تقدر اتشارك اذا
عندك سياره معدله. بمناسبه حلول شهر رمضان المبارك.
واماكن وجود العرض : وجميع انواع السيارات راح تشوفها اهناك معدله وغيرها واكثر شباب الدمام وسيهات والخبر متحمسين
في نادي الاتفاق من 1 رمضان تى 18 رمضان واكبر تجمع يوم الخميس
يعني بعد يومين وطبعا في محلات كثيره راح تسويلك خصم اذا بتحط استكرات او تضبط سيارتك بين 20 % و 30%
وايضا في نادي القادسيه يوم الاربعاء
وايضا في صالة السيف مقابل مجمع فؤاد سنتر والدعوه مفتوحه للجميع
وعلى مااضن اليوم فيه وبكره فيه وبعد والي بعده في عرض سيارات
واتمنى تشاركووووووووووووون بحضوركم
والي ماارح يروح راح يطوووووووووووووووفه العرض
وياليت الباب يزهبون كاميراتهم للتصوير عشان ينقلون الاحداث بصور

وشاكر لكم ،،، ولله الموفق
|3|

corfet_2001 @user_4293 · 11-11-2003

كاتب الرسالة الأصلية zr1farsi
والله فكرة حلوة وممتازة ومربحة أيضاً لأصحاب المحلات الخاصة بالتعديل
ولكن للأسف Galant VR-4 لو الواحد فاضي كان طج السلف ووصل الى الشرقية بس الجامعة والدراسة والمسافة تمنع الواحد من المشاركة

Galant VR-4 @user_8335 صاحب الموضوع · 11-11-2003

يعطيكم العافيه على الردود.
صراحه انا مااعرف انزل صور لاكن مارتن ماقصر ولله كفى وفى .
ويعطيه الف عافيه ونا كتبت الموضوع للمعلوميه الي مايدرون عن العرض
عاشان لا يفوتهم شي اعضاء المنتدى
وهاذا الرابط : فيه الصور الي في السيف ونادي القادسية
وصراحه معذورين طولت الصور شوي بسبب الاختبارات .
http://www.assayyaratnet.com/forums/showthread.php?threadid=30800

N.M.N @user_4374 · 10-11-2003

اخوي Galant VR-4

مشكور على الخبر اللي في الخبر >> حلوه

وان شاء الله نشوف مشاركات كثيره

ويليت اكون معكم واذا قدرت باكون عندكم

واهم شيء الصور ... نبغى صور كثيره

تحياتي

TSS @user_5129 · 09-11-2003

والله التجمعات شي يووسع الصدر

لكن الله الله بالصور

ومشككورين وموفق

العمدة @user_1261 · 09-11-2003

شي حلو بديتو بالجد يا اهل الشرقية ترانا متحمسين للصور
وثاني شي اخوي Galant VR-4 وصفتلنا سيارتك ما شالله طلعت شي يا خوي حاول في الصور مع انو من وصفك طلع
يبالها على الطبيعه كمان وتجريب إذا ما عندك مانع يمكن نقلدك في بعض الاشياء يشرفنا طبعا وترى بضيفك عندي في إيميلي عندي استفسارات كمان
وأخيرا اتمنا لكم النجاح في العرض هذا وماشالله الاعضاء مو ناسينا بيصوروا لنا
وتحياتي للجميع

Galant VR-4 @user_8335 صاحب الموضوع · 09-11-2003

لالا مدام السالفه دراسه معذوور
ولله يوفقك انشالله

zr1farsi @user_104 · 09-11-2003

والله فكرة حلوة وممتازة ومربحة أيضاً لأصحاب المحلات الخاصة بالتعديل
ولكن للأسف Galant VR-4 لو الواحد فاضي كان طج السلف ووصل الى الشرقية بس الجامعة والدراسة والمسافة تمنع الواحد من المشاركة

جالانت @user_6169 VIP · 07-11-2003

مشكور اخوي

Galant VR-4 الله يعطيك العافيه

Galant VR-4 @user_8335 صاحب الموضوع · 07-11-2003

اليوم صار تجمع كبيرر ومنضم في نادي القادسية
والملعب اللي عارضين فيه السيارات المعدله والملغمه زحمه مره
وبكره بعد في نادي القادسية راح يكون عرض واكثر الشباب يصورون
ونا اولهم بس كامرتي فديو وبعدين ماعرف انزل صور في المنتدى ولا ودي
انشالله الشباب مايقصرون. اتمنى الي راحو العرض وصورو ينزلونها هنا في المنتدى .
وصوره سيارتي ودي احطها في المنتدى بس عندي مشكلتين ماعندي كاميرا ولا اعرف انزل صور .
بوصفها لك ،،، |4|
وبعدين سيارتي معدله على خفيف و عادي مودليها 2003 لونها اسود
بس مزود خفيف فلتر رياضي ومدد مواصير ودبه وجنوط 17 ومطيحا هدد من قدام ورا . وشويه استكرات على البدي واسلاك بواجي وشبك قدام على الايطار النيكل بس وكشافات عدسه يابانيه .
واي استفسار على الايميل [email][email protected][/email]
ومشكورين على الردود|3|

جالانت @user_6169 VIP · 05-11-2003

Galant VR-4 لا اوصييك اخوي على الصور

ننتظرها ونبي نشوف صورة سيارتك

والله يعطيك العافيه

أكـورد @user_5135 · 04-11-2003

والله متحمسين للعروض وانشالله الشباب مايقصرووون بالصور