بالصور .. وصول نيسان باترول " فتك " موديل 2017 للرياض ..

[انا وسيارتي]

حياكم ربي ...

كعادتنا في منتدانا متابعة جديد السوق السعودي للسيارات ..

وصلت للرياض أولى دفعات نيسان باترول سفاري موديل 2017 واللي يسمونه الكثيرين " فتك "

أبرز التغييرات الاصطب والصدام الخلفي

سعر القير العايدي 148 ألف ريال تابع للوكيل السعودي

مالقيت قير اوتوماتيك .. لكن غالباً الفارق قرابة 7 - 10 آلاف ريال ( طبعاً الأوتو أغلى )
















فيه فئة سوبر سفاري وحتى الآن ما شاهدته ... ولا أدري هل وصل للمملكة او لا ...

فيه إعلانات له بالامارات .. بأسعار مبالغ فيها جدا ...!! 200 ألف ريال تقريبا ...!!!

نعم يختلف عن السفاري ... لكن فارق السعر كبير ..

وهاذي صوره

مواضيع قد تعجبك

  نظرة على سيارة فولفو ES90 سيدان الكهربائية موديل 2026 بقوة 670 حصانًا منافسة تسلا

  أرخص سيارة كهربائية من تويوتا تُطرح للبيع بأقل من 20 ألف دولا

  أفضل شاحنات البيك أب المدمجة التي يمكنك شراؤها في عام 2025

  إيسوزو تطلق دي ماكس GT 2025 الجديدة كليًا في السوق السعودي

  ميتسوبيشي أوتلاندر 2025 تحصل على تصميم جديد وزيادة في السعر

  ’كاديلاك إسكاليد‘ الأيقونية للعام 2025 وصلت إلى الشرق الأوسط

  نيسان تكشف عن سيارة كيكس 2025 الجديدة كليًا: المزيد من الثقة للتنقل داخل المدن

  عائلة فورد رابتُر تعيد تعريف الأداء على الطرقات الوعرة

  شركة توزيع وتسويق السيارات المحدودة (ADMC) تدشن سيارتها H7 الجديدة كليا

  جايكو J8 تحدث نقلة نوعية في سوق السيارات الفاخرة للطرق الوعرة

[أبـوأسـد]

مشكور ياسميي على الموضوع

حقيقة تمنيت ان ترتقي قليلا هذه الفئة بمحرك جديد الموجود في باترول الجديد 6 سلندر علشان تكون افضل قوة وعزم بدال المحرك القديم جدا

وكذلك تزداد مواصفات الامان فيها

حقيقة لا ارى شيء مميز في الفتك بما يختص السعر سواء العادي او سوبرسفاري واعتقد هامش الربح فيه عالي جدا

[AR_REEM]

148ألف و 200 ألف على هالنوع من الباترول !!

مع كامل أحترامي هالموتر أشوفه مناسب للبر أكثر من أنه يكون سياره شبه يوميه

صرفيه عاليه في أستهلاك الوقود + مستوى الراحه سيء

[فارس العمران]

ليه ما ينزلون داخلية بيج زي 2009 ؟؟
ويطورون شوي بالمحرك وعدادات الطبلون والداخلية ..
بيطلع مرررعب وهيبة ..

[انا وسيارتي]

مشكور ياسميي على الموضوع

حقيقة تمنيت ان ترتقي قليلا هذه الفئة بمحرك جديد الموجود في باترول الجديد 6 سلندر علشان تكون افضل قوة وعزم بدال المحرك القديم جدا

وكذلك تزداد مواصفات الامان فيها

حقيقة لا ارى شيء مميز في الفتك بما يختص السعر سواء العادي او سوبرسفاري واعتقد هامش الربح فيه عالي جدا

هلا أبو أسد ..

انا ودي يعيدون تصنيعه بالكامل وبنفس القدرات ... أو يلغونه نهائي ..
الموتر سواقته مملة شوي ... وأشين ما فيه فزته تحس انك بسفينة

[AR_REEM]

هلا أبو أسد ..

انا ودي يعيدون تصنيعه بالكامل وبنفس القدرات ... أو يلغونه نهائي ..
الموتر سواقته مملة شوي ... وأشين ما فيه فزته تحس انك بسفينة

كلامك صحيح

نيسان لو تطوره بتحديثات جديده أو حتى جيل جديد يكون أفضل

المحرك يحتاج تحسين وبقوه عشان الصرفيه المجنونه , القير يتغير إلى 6 أو 7 نسب على الأقل

وحتى الكوارين الأماميه والخلفيه تحتاج تغيير لأن مو معقول القير الأوتو تكون

الكوارين أقوى من القير العادي !! شوية تحسينات لمواكبة المنافسين على الأقل

حتى الشكل الخارجي والداخلي بحاجه لتطوير .

مشكلة تويوتا ونيسان ماعندهم تطوير لـ هالنوع من السيارات يا يكون مثل ماهو أو يوقفونه نهائيا !!

[أسرار السيارات]

الصدام الخلفي مكان اشارات والاسطب الخلفي كشاف ضباب !!!!


ليش مايطورونه نيسان
ليش مايستاهل سعره
ليش مايغيره


هذه السيارة انتهت زيها زي الددسن والمفروض يتوقف بشكل نهائي لكن نيسان بين نارين بين عاشق وبين يفكر بالمنطق

مثل ماصار بالددسن

ليش نيسان ماتطوره مثل الهايلوكس

ويوم وقفوا ونزلوا النافارا قامت الدنيا وقعدت على النافارا مايستاهل سعره وليش الددسن وقفوه

نيسان لازم توقف هذه المصخرة بصراحة !!!

خلاص السيارة اكلت في زمانها وزمان غيرها والمفروض توقفها نيسان من اسواقنا وانا اعتبر اخر موديل لها 2009 وشكرا نيسان على وقتها

لها عشاق او مالها عشاق Y61 مع احتراماتي لعشاقها مخك مقفل بصراحة قرب ينزل الجيل الثامن للباترول وللحين بعض الناس تشتري الجيل السادس


قدرات Y62 في البر افضل باضعاف من Y61 القديم جربت السياراتين وعندنا Y62 حتى بالتقنيات والراحة مافيه مقارنة ابدا وحتى لازالت تقنياتها تتفوق على المنافسين رغم نزوله 2010

ادخل للبرد معي Y62 مبسوط واتمشى واطاعس واهتزازه خفيف واقدر اشرب شاهي بعد بعكس Y61 تتشقلب من الداخل


دامه وصل 200 الف Y61 اتمنى عشاقه يفكرون شوي بالمنطقية نفس قيمة Y62 تيتانيوم




نفس قيمته بمحرك 8 سلندر وصرفية افضل وقوة 400 حصان يبو 280 حصان

واذا انت مهتم بالتعديل والحوسة نفس القيمة بتدفعه اذا عدلت 8 سلندر لكنه اغلى بشي بسيط

تعديل محرك VK بدون اضافات توربو او سوبر تشارج عنده تحمل انه يصل الى 700 حصان مابالك لو ركبت سوبر او توربو كم يصل

وصوت المحرك طربي بالتعديل بيطلع مثل صوت نيسان تيتان استوك ,,, نيسان خلت التيتان بصوت طربي من المصنع من الاقزوزت وباترول 400 بدون صوت احترام العامة من الازعاج


كلامي طول لك بعض عقلية البشر قديمة ولا يفكر بالمنطق لازم تقوله انه يتعدل الجديد لان لازال اعتقاده محرك TB افضل للتعديل من VK حتى بالقدرات في البر

[WZ1420]

.مع احترامي للي يقول قدرات الباترول الجديد نفس الفتك لا يأخي فرق السماء عن الارض
كاتحمل مافيه مقارنه ابدا لاتقارن نظام تعليق متصل مع منفصل ابدا
نعم يتفوق الجديد بالراحة والسعه والقوة اما تحمل لا
الباترول الجديد مطب قوي يعني انقلاب ينكسر عندك المقص الخلفي وايضا انعواج بالشاصي
الفتك اذا صار فيه مشكلة ممكن يصير فيه انعواج بالدفرنس فقط ولا يتعطل